Նորություններ

Երկօրյա աշխատանքային այց ՀՀ Տավուշի մարզ

07.12.2016

     Դեկտեմբերի 6-7-ին «Կրթության բարելավում» ծրագրի շրջանակներում իրականացվող աշխատանքների համատեքստում երկօրյա աշխատանքային այցով ՀՀ Տավուշի մարզում էին ԿԾԿ ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ներկայացուցիչները: Աշխատանքային այցի նպատակը ՀՀ Տավուշի մարզի համայքներում իրականացվող միկրոծրագրերի ընթացիկ աշխատանքների մշտադիտարկումն էր : Տավուշի մարզի Վազաշենի , Ոսկեպարի և Դովեղի միջնակարգ դպրոցներում միկրոծրագրերն արդեն կյանքի են կոչվել և նախակրթարաններն արդեն գործում են սույն թվականի նոյեմբերի մեկից: Հիշեցնենք, որ Ծրագրի մեկնարկը տրվել է սույն թվականի հունիսի 30-ին, երբ «Կրթական ծրագրերի կենտրոն» ԾԻԳ-ի և Տավուշի մարզի 6 կրթական հաստատությունների միջև կնքվեցին դրամաշնորհային պայմանագրեր «Կրթության բարելավում» վարկային ծրագրի շրջանակներում: Դրամաշնորհային պայմանագրերի կնքմանը հաջորդեցին վերանորոգման աշխատանքները, գույքի, սարքավորումների, ուսումնական և ուսուցողական նյութերի ձեռքբերումը: Միկրոծրագրերն իրականացվում են դրամաշնորհային ծրագրով սահմանված փուլերի համաձայն: Հիշեցնենք , որ Տավուշի մարզի վերոնշյալ 3 համայնքները ընդգրկված են ՀՀ Կառավարության 28.12.2014թ. N 1444-ն որոշմամբ հաստատված ցանկում, ուստի տվյալ համայնքներում նախադպրոցական միկրոծրագրերն ամբողջապես իրականացվել են դրամաշնորհային միջոցներից:Աշխատանքային այցի շրջանակներում կատարված մշտադիտարկման արդյունքում ԿԾԿ ԾԻԳ-ի ներկայացուցիչներն ամրագրեցին , որ ավարտվել են շենքային պայմանների և տարածքի հիմնանորոգման աշխատանքները, իրականացվել է համապատասխան գույքի, սարքավորումների ձեռքբերումն և տեղադրումը, արդեն մշակված է անհրաժեշտ կրթական բովանդակություն նախադպրոցական կրթությունը նորովի կազմակերպելու համար, ինչպես նաև կատարվել է դաստիարակների վերապատրաստում Կրթության Ազգային ինստիտուտի կողմից: Անհրաժետ գրականության, ուսումնական նյութերի, գրենական պարագաների ձեռքբերումը, ու խաղային անկյունների ստեղծումը կնպաստի նախադպրոցական տարիքի երեխաների կարողությունների և հմտությունների զարգացմանը, անհրաժեշտ գիտելիքների ու հմտությունների ձեռք բերմանը: Վերոնշյալ դպրոցի տնօրենները փաստում են , որ ստեղծված հաճելի պայմանները բարձրանում են ուսումնական գործընթացի արդյունավետությունը և որակը:

 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...