Նորություններ

Աշխատաժողովը ամփոփեց աշխատանքը

26.09.2016

ԿԳՆ «Կրթական ծրագրերի կենտրոն» ԾԻԳ-ում ամփոփվել է «Կրթության բարելավում» վարկային ծրագրի շրջանակում կազմակերպված եռօրյա աշխատաժողովը, որը մեկնարկել էր սեպտեմբերի 20-ին: Այն ուղղված էր կրթության բովանդակության վերանայմանն ու ժամանակի պահանջներին համապատասխանեցմանը: Աշխատաժողովի ամփոփմանը ներկա էին ՀՀ կրթության և գիտության նախարարության, Կրթության ազգային ինստիտուտի, ՀՀ ԿԳՆ «Կրթական ծրագրերի կենտրոնի» /ԾԻԳ/-ի ներկայացուցիչներ: Աշխատաժողովի ուշադրության կենտրոնում «Կրթական ծրագրերի կենտրոնի» <<Աջակցություն կրթության որակի բարելավմանը` կրթակարգի և չափորոշիչների վերանայման միջոցով>> ենթաբաղադրիչի կողմից ներկայացված Ազգային կրթակարգի նախագիծն էր, որը մշակվել է հանրակրթության պետական կրթակարգի և չափորոշչի վերանայման արդյունքում: Հիշեցնենք, որ Ազգային կրթակարգի նախագիծը ներառում է ՀՀ կրթության զարգացման տեսլականը, հանրակրթության առաքելությունը և նպատակները, կոմպետենցիաները, միջնակարգ դպրոցի շրջանավարտի նկարագիրը, սովորողներին ներկայացվող որակական պահանջներն ըստ հանրակրթության երեք աստիճանների, ինչպես նաև ուսուցման գործընթացի գնահատման համակարգը, առարկայական համալիր ծրագրերի մշակման սկզբունքները, կրթական միջավայրին և ռեսուրսներին ներկայացվող նոր պահանջները: Աշխատաժողովը վարում էր կրթության ոլորտի փորձագետ Նյու Յորքի ռազմավարական պլանավորման և ինստիտուցիոնալ հետազոտությունների Պրատտի անվան ինստիտուտի գործադիր տնօրեն, մանկավարժական գիտությունների դոկտոր Վլադիմիր Բրիլլերը: Փորձագետը ներկայացրեց իր դիտարկումները և առաջարկները Ազգային կրթակարգի նախագծի վերաբերյալ: Աշխատաժողովի ընթացքում մասնագիտական խմբի կողմից նույնպես կատարվեցին Ազգային կրթակարգի նախագծի բարելավմանն ուղղված նոր առաջարկներ:Արդյունքում Ազգային կրթակարգի նախագծում կատարվեցին որոշ ճշգրտումներ և բարեփոխումներ: Կարևորելով ուսուցման կազմակերպման ձևերն ու միջազգային չափանիշներով ազգային կրթահամակարգ ունենալուն վերաբերող հարցերը, մասնագիտական խումբը քննարկեց ավագ դպրոցում վերջին կիսամյակում ուսումնասիրվող առարկաների քանակի նվազման, ուսումնական առարկաների ծրագրերի բեռնաթափման, գիտելիքների գնահատման համակարգի փոփոխությունների ուղղությամբ իրականացվող աշխատանքները, ինչպես նաև տարբեր կրթական հաստատություններում իրականացվող փորձարարական ծրագրերին առնչվող շատ հարցեր: Մինչ Ազգային կրթակարգի նախագծի վերջնական տարբերակի հաստատումը, այն կդրվի հանրային քննարկման: Նշենք, որ այս փաստաթղթի հիման վրա պետք է լրամշակվեն 9 ուսումնական բնագավառների բոլոր առարկայական չափորոշիչները և ծրագրերը, որոնք նախատեսվում է ներկայացնել մեկ փաստաթղթի՝ առարկայական համալիր ծրագրի տեսքով:  

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...