Նորություններ

Աշխատանքային այց՝ Կրթության բարելավում ծրագրի շրջանակներում

24.08.2016

 Օգոստոսի 16-ից 19-ը ԿԾԿ ԾԻԳ-ի ներկայացուցիչները քառօրյա աշխատանքային այցով եղան մայրաքաղաքի և ՀՀ մարզերի ավագ դպրոցներում: Այցի նպատակը «Կրթության բարելավում» վարկային ծրագրի շրջանակներում Երևանի և ՀՀ մարզերի ավագ դպրոցներում հիմնանորոգման ընթացիկ աշխատանքների մշտադիտարկումն էր: Օգոստոսի 16-ին և 17-ին ԿԾԿ ԾԻԳ-ի ներկայացուցիչները եղան Երևանի Կ. Դեմիրճյանի անվան թիվ 139 և Շևչենկոյի անվան թիվ 42 ավագ դպրոցներում, ինչպես նաև այցելեցին Ա. Ղարիբյանի անվան թիվ 142 և Խաչատուր Աբովյանի անվան հայկական պետական մանկավարժական համալսարանի հենակետային ավագ դպրոցներ: Մայրաքաղաքի ավագ դպրոցներում տեղի ունեցան համատեղ քննարկումներ նախագծային աշխատանքներ իրականացնող ընկերությունների ներկայացուցիչների հետ: Հանդիպումների ընթացքում քննարկվեցին վերոնշյալ ավագ դպրոցների հիմնանորոգման իրականացման հետ կապված առկա մի շարք խնդիրներ և դրանց լուծման որոշակի առաջարկներ: Օգոստոսի 18-ին և 19-ին ԿԾԿ ԾԻԳ-ի ներկայացուցիչները այցելեցին ՀՀ մարզեր: Տեղի ունեցան հանդիպումներ Աշտարակի Ն. Սիսակյանի անվան, Արթիկի թիվ 3 ավագ դպրոցներում, ինչպես նաև ընթացիկ շինարարական աշխատանքներին ծանոթանալու համար ԿԾԿ ԾԻԳ-ի ներկայացուցիչները եղան Գյումրու Ակադեմիական վարժարանում և Արտաշատի ավագ դպրոցում: Շրջելով ինչպես շինհրապարակի ողջ տարածքում, այնպես էլ շենքի ներսում, ներկաները ծանոթացան աշխատանքային ողջ ընթացքին, ձևաչափին, քննարկեցին մի շարք նախագծային և շինարարական աշխատանքներին առնչվող հարցեր, հստակեցվեց շահագործման եւ պահպանման համար իրականացվող անհրաժեշտ գործառույթների ցանկը:, Այդ գործառույթների մի մասն արդեն իսկ իրականացման փուլում է: Հիշեցնենք, որ Ծրագրի իրականացումը մեկնարկել է 2015 թվականին: «Կրթության բարելավում» վարկային ծրագրի շրջանակներում նախատեսվում է իրականացնել թվով 17 ավագ դպրոցի և  Կրթական տեխնոլոգիական ազգային կենտրոն ՊՈԱԿ-ի շենքերի հիմնանորոգման աշխատանքները: Հավելենք, որ վերանորոգման աշխատանքները կիրականացվեն համաձայն սեյսմիկ անվտանգության չափանիշների, անհրաժեշտության դեպքում կիրականացվի նաև ամրապնդման աշխատանքներ: Նշենք նաև, որ 17 դպրոցների ընտրությունը իրականացվել է համաձայն ԿԳ նախարարության մշակված չափանիշների: Այցի ընթացքում քննարկվեցին ճարտարապետական և շինարարական տարատեսակ մոտեցումներ: Քննարկվեց նաև «Կրթության բարելավում» ծրագրից դուրս մնացած և չվերանորոգվող ենթակառուցվածքների հետագա շահագործմանն առնչվող հարցեր: Ներկաները հուսով էին, որ նման քննարկումների և աշխատանքային այցերի միջոցով հնարավոր է կանխարգելել շատ խնդիրներ, որոնք կարող են ի հայտ գալ շինարարության փուլում:

Նորություններ

23.11.2020 Աշխատանքային այց Գյումրի քաղաքի վարժարան և Արթիկի թիվ 3 ավագ դպրոց Նոյեմբերի 19- ին և 20-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող Գյումրի քաղաքի վարժարանում և Արթիկի թիվ 3 ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գ.... 19.11.2020 Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի ներկայացուցիչներին Նոյեմբերի18-ին Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի հետ՝ «Կրթության բարելավում» վարկային ծրագրով ընթացող աշխատանքների միջնաժամկետ գնահատում իրականացնելու նպատակով: Հանդիպմանը ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ երևանյան գրասենյակի կրթության փորձագետ Անուշ Շահվերդյանը, ֆինանսականկառավարմանմասնագետ Լուսինե Գրիգորյանը բնապահպանության մասնագետ... 17.11.2020 Որակի ու տեմպի տեխնիկական մոնիտորինգ՝ մայրաքաղաքի հիմնանորոգվող ավագ դպրոցներում Նոյեմբերի 16-ին ‹‹Կրթական ծրագրերի կենտրոն›› ԾԻԳ-ի ներկայացուցիչները աշխատանքային այց են իրականացրել Խ. Աբովյանի անվան հայկական պետական մանկավարժական համալսարանի հենակետային վարժարան, Տ.Գ. Շևչենկոյի անվան թիվ 42 և թիվ 142 ավագ դպրոցներ: Հիշեցնենք, որ այս երեք ավագ դպրոցներներում ընթանում են հիմնանորոգման աշխատանքներ: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: Այցի շրջանակներում ‹‹Կրթական ծրագրերի...