Նորություններ

Նորարարական ծրագրերի իրականացումը ԵՊՀ-ում

19.05.2016

 Մայիսի 19-ին աշխատանքային այցով ԵՊՀ-ում էին Համաշխարհային բանկի/ՀԲ/ Արևելյան Եվրոպայի և Կենտրոնական Ասիայի տարածաշրջանի կրթության մենեջեր Քրիստիան Աեդոն, ՙԿրթության բարելավում՚ ծրագրի թիմի ղեկավար Նինո Կուտատելաձեն, ՀԲ երևանյան գրասենյակի կրթության փորձագետ Անուշ Շահվերդյանը և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի /ՆՄՀ/ դրամաշնորհային ավարտված և ընթացիկ ծրագրերին ծանոթանալն էր :
Հավելենք, որ (ՆՄՀ)-ն, բարձրագույն կրթության բնագավառում նորարարությունների խթանման քաղաքականության գործիք է որի միջոցները մրցակցային հիմունքներով դրամաշնորհների ձևով ուղղվում են նորարարական ու զարգացման ծրագրերի իրականացմանը և բուհերի կարողությունների հզորացմանը:
Հիշեցնենք , որ 2015 թվականից Երևանի պետական համալսարանում գործում է ՙԿիրառական կենսաբանության գերազանցության կենտրոնը՚, որը ստեղծվել է ՙԿրթության որակ և համապատասխանություն երկրորդ վարկային ծրագրի շրջանակներում ստացված ՆՄՀ դրամաշնորհով: Այս նույն ծրագրով 2013-2015 թվականներին ևս 9 բուհեր իրականացրել են նորարարական ծրագրեր:
Հյուրերը համոզվեցին, որ ՙԿիրառական կենսաբանության գերազանցության կենտրոնը՚ ակտիվորեն ներգրավված է գերժամանակակից սարքավորումներով իրականացվող հետազոտություններում: Արդյունավետ գործող կենտրոնը խթանում ԵՊՀ-ի, այլ բուհերի, գործարար և գիտական ոլորտների ազգային և միջազգային համագործակցությունը, գիտահետազոտական գործունեության և նորարարությունների զարգացումը կիրառական կենսաբանության արդիական ոլորտներում: Հարկ է նշել, որ ԵՊՀ-ն նորարարական շրագրերի իրականացումը շարունակել է նաև ՆՄՀ հաջորդ փուլում, մասնավորապես՝ «Կրթության բարելավում» վարկային ծրագրի շրջանակներում, երբ 2015թվականի դեկտեմբերին ՆՄՀ դրամաշնորհներ տրամադրվեցին 6 բուհերի:
Ներկաներին նեկայացվեցին նաև այս նոր դրամաշնորհով ԵՊՀ-ում կատարվող ընթացիկ աշխատանքները : Մասնավորապես ԵՊՀ-ում նախատեսվում է ՙՄանրէաբանական կենսատեխնոլոգիաների և կենսավառելիքի նորարարական կենտրոնի՚ ստեղծումը, որը թույլ կտա ոչ միայն բարձր մակարդակով իրականացնելու ուսումնական ծրագրերն ու գործնական պարապմունքները, այլև ծավալելու ձեռնարկատիրական գործունեություն: Հյուրերին ներկայացվեց լաբորատորիայի համար նախատեսված վերանորոգման աշխատանքների ընթացքը, լաբորատոր սարքավորումների, այլ անհրաժեշտ սարքավորումների և գույքի, ձեռք բերման ընթացիկ աշխատանքները: Կենտրոնի ստեծումը կնպաստի ոլորտի հիմնարար և կիրառական հետազոտությունների արդիակացմանը, նոր մանրէաբանական տեխնոլոգիաների մասնավորապես՝ գարեջրի, կաթնամթերքի, գինու և այլ արտադրություններում մշակմանն ու ներդրմանը, օրգանական թափոններից կենսավառելիքի ստացման նոր տեխնոլոգիայի մշակմանը: Ժամանակակից սարքավորումներով կահավորված այսպիսի կենտրոնները մոտ ապագայում որակի նոր չափանիշ կդառնան ոչ միայն ԵՊՀ-ի, այլև տվյալ բնագավառի համար ընդհանրապես:

Նորություններ

23.11.2020 Աշխատանքային այց Գյումրի քաղաքի վարժարան և Արթիկի թիվ 3 ավագ դպրոց Նոյեմբերի 19- ին և 20-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող Գյումրի քաղաքի վարժարանում և Արթիկի թիվ 3 ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գ.... 19.11.2020 Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի ներկայացուցիչներին Նոյեմբերի18-ին Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի հետ՝ «Կրթության բարելավում» վարկային ծրագրով ընթացող աշխատանքների միջնաժամկետ գնահատում իրականացնելու նպատակով: Հանդիպմանը ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ երևանյան գրասենյակի կրթության փորձագետ Անուշ Շահվերդյանը, ֆինանսականկառավարմանմասնագետ Լուսինե Գրիգորյանը բնապահպանության մասնագետ... 17.11.2020 Որակի ու տեմպի տեխնիկական մոնիտորինգ՝ մայրաքաղաքի հիմնանորոգվող ավագ դպրոցներում Նոյեմբերի 16-ին ‹‹Կրթական ծրագրերի կենտրոն›› ԾԻԳ-ի ներկայացուցիչները աշխատանքային այց են իրականացրել Խ. Աբովյանի անվան հայկական պետական մանկավարժական համալսարանի հենակետային վարժարան, Տ.Գ. Շևչենկոյի անվան թիվ 42 և թիվ 142 ավագ դպրոցներ: Հիշեցնենք, որ այս երեք ավագ դպրոցներներում ընթանում են հիմնանորոգման աշխատանքներ: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: Այցի շրջանակներում ‹‹Կրթական ծրագրերի...