Հայտարարություններ

«Կրթության բարելավում» վարկային ծրագրի «Նորարարությունների մրցակցային հիմնադրամի» ֆինանսական աջակցությամբ իրականացվող «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի շրջանակներում «ՀայԼինգվոՏեք» գերազանցության կենտրոնի կանոնադրության, աշխատանքային կանոնակարգի և հայեցակարգի մշակման ուղղությամբ անհատ խորհրդատուի ընտրության

23.10.2020

Վ. Բրյուսովի անվան պետական համալսարանը (այսուհետ՝ ԲՊՀ) իրականացնում է «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագիրը (այսուհետ՝ Ծրագիր)` «Կրթության բարելավում» վարկային ծրագրի շրջանակներում իրականացվող «Հայաստանի բարձրագույն կրթության նորարարությունների մրցակցային հիմնադրամի» ֆինանսավորմամբ:
Ծրագրի նպատակն է զարգացնել լեզվահասարակագիտական մասնագիտությունների ոլորտում տեխնոլոգիահենք կրթությունն ու հետազոտությունը Հայաստանի Հանրապետությունում՝ պատրաստելով մասնագետներ հաշվողական լեզվաբանություն, համընթաց թարգմանություն, կրթության գնահատման և թեստավորում միջոլորտային մասնագիտություններով: Ծրագիրը նաև նպատակ ունի զարգացնել թվային միջավայրում հայերենի լիարժեք օգտագործումը և ներդնել հայերենի իմացության մակարդակների գնահատման գործիքակազմ: Ծրագրի իրականացումը կխթանի կրթություն-հետազոտություն-նորարարություն կապը:

Ծրագրի նպատակների իրագործումը ապահովելու համար նախատեսվում է.

- ներդնել բակալավրի «Հաշվողական լեզվաբանություն» և մագիստրոսի «Համընթաց թարգմանություն» ՄԿԾ-երը, խթանել «Կրթության գնահատում և թեստավորում» նորաստեղծ ՄԿԾ-ի իրականացումը,
- հիմնել «ՀայԼինգվոՏեք» գիտաուսումնական կենտրոն` իր տեխնոպարկով, որի գործունեությունը կներառի հաշվողական լեզվաբանության, բնական լեզվի մշակման և թեստավորման ոլորտներում հետազոտությունների իրականացումը՝ դիտարկելով հայերենը որպես թիրախային լեզու, և «ՀայԼինգվոՏեք»-ի հետազոտական-նորարարական աշխատանքների արդյունքներն արտացոլել ներդրվող ՄԿԾ-երում՝ ստեղծելով հետադարձ կապ:
Մասնավորապես, Ծրագրի նպատակներից է ԲՊՀ-ում ստեղծել «ՀայԼինգվոՏեք» գերազանցության կենտրոն, որը պետք է ունենա իր կանոնադրությունը, աշխատանքային կանոնակարգը և հայեցակարգը:



ՀԱՏՈՒԿ ԱՌԱՋԱԴՐԱՆՔ

Ծառայությունների մատուցումը նախատեսվում է իրականացնել մեկ անհատ խորհդատուի ներգրավմամբ, որն իր պայմանագրի շրջանակներում կիրականացնի ներքոնշյալ աշխատանքները՝ 3 փուլով:

Առաջին փուլ
- Ուսումնասիրել «Կրթության բարելավում» վարկային ծրագրի շրջանակներում «Նորարարությունների մրցակցային հիմնադրամի» ֆինանսական աջակցությամբ իրականացվող «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի նպատակները և խնդիրները,
- Մշակել ընտրանք և մեթոդաբանություն՝ նմանատիպ հետազոտական լաբորատորիաների, գերազանցության կենտրոնների վերաբերյալ եվրոպական և ԱՊՀ տարածքի փորձի ուսումնասիրության նպատակով՝ այդ թվում ՀՀ-ի, (առկայության դեպքում) և քննարկել դրամաշնորհային ծրագրի համակարգողի հետ:
- Ծրագրի համակարգողից առաջարկներ ստանալու դեպքում, բարելավել ուսումնասիրության ընտրանքը և մեթոդաբանությունը:
- Ուսումնասիրել նմանատիպ հետազոտական լաբորատորիաների, գերազանցության կենտրոնների վերաբերյալ եվրոպական և ԱՊՀ տարածքի, այդ թվում, առկայության դեպքում, ՀՀ-ի փորձը՝ դրանց նորմատիվ փաստաթղթային, կառուցվածքի, գործառույթների, համագործակցության շրջանակի տեսանկյունից:
- Ուսումնասիրել ԲՊՀ-ի կառուցվածքը, տեղեկատվության ներքին հոսքերը և հիերարխիան, ինչպես նաև ԲՊՀ-ի կարիքները՝ լաբորատորիայի գործարկման տեսանկյունից:
- Ուսումնասիրել և քարտեզագրել «ՀայԼինգվոՏեք» գերազանցության կենտրոնի պոտենցիալ գործընկերների հայաստանյան շրջանակը և կազմել համապատասխան ցանկ:
- Կազմակերպել հանդիպիում-քննարկում պոտենցիալ գործընկեր կազմակերպությունների ներկայացուցիչների հետ, քննարկել «ՀայԼինգվոՏեք» գերազանցության կենտրոնի հետ համագործակցության հնարավորությունները և կազմել հնարավոր համագործակցության շրջանակ:
- Փուլի ավարտին պատրաստել հաշվետվություն և ներկայացնել Ծրագրի համակարգողին՝ ներառելով այս փուլում մշակված փաստաթղթերը:
- Ծրագրի համակարգողի կողմից նկատառումների ու առաջարկությունների առկայության դեպքում լրամշակել հաշվետվությունը և ներկայացնել հաստատման Երևանի Վ. Բրյուսովի անվան պետական համալսարանի ռեկտորին:
Երկրորդ փուլ
- Մշակել «ՀայԼինգվոՏեք» գերազանցության կենտրոնի կանոնադրությունը և աշխատանքային կանոնակարգը՝ հիմք ընդունելով նմանատիպ հետազոտական լաբորատորիաների, գերազանցության կենտրոնների վերաբերյալ եվրոպական և ԱՊՀ տարածքի, այդ թվում, առկայության դեպքում, ՀՀ-ի փորձը, ինչպես նաև հայաստանյան պոտենցիալ գործընկերների շրջանակը:
- Քննարկել «ՀայԼինգվոՏեք» գերազանցության կենտրոնի աշխատանքային կանոնակարգը և կանոնադրությունը ԲՊՀ-ի ռեկտորի, իրավաբանական բաժնի, ֆինանսական վարչության, անձնակազմի կառավարման և զարգացման վարչության ներկայացուցիչների հետ:
- Ամփոփել և ամբողջականացնել «ՀայԼինգվոՏեք» գերազանցության կենտրոնի աշխատանքային կանոնակարգը և կանոնադրությունը՝ հիմք ընդունելով ԲՊՀ-ի ներքին շահառուների կարիքներն ու կարծիքները:
- Փուլի ավարտին պատրաստել հաշվետվություն և ներկայացնել Ծրագրի համակարգողին՝ ներառելով այս փուլում մշակված փաստաթղթերը:
- Ծրագրի համակարգողի կողմից նկատառումների ու առաջարկությունների առկայության դեպքում, լրամշակել հաշվետվությունը և ներկայացնել հաստատման Վ. Բրյուսովի անվան պետական համալսարանի ռեկտորին:
Երրորդ փուլ
- Մշակել «ՀայԼինգվոՏեք» գերազանցության կենտրոնի հնգամյա զարգացման հայեցակարգի ուրվագիծը և հիմնական դրույթները՝ հիմք ընդունելով նմանատիպ հետազոտական լաբորատորիաների, գերազանցության կենտրոնների վերաբերյալ եվրոպական և ԱՊՀ տարածքի, այդ թվում, առկայության դեպքում՝ ՀՀ-ի փորձը, հայաստանյան պոտենցիալ գործընկերների շրջանակը:
- Քննարկել «ՀայԼինգվոՏեք» գերազանցության կենտրոնի հնգամյա հայեցակարգի ուրվագիծը և դրույթները ԲՊՀ-ի ռեկտորի, ֆինանսական վարչության, գիտահետազոտական կենտրոնի ներկայացուցիչների հետ:
- Ամփոփել և ամբողջականացնել «ՀայԼինգվոՏեք» գերազանցության կենտրոնի հնգամյա զարգացման հայեցակարգը՝ հիմք ընդունելով ԲՊՀ-ի ներքին շահառուների կարիքներն ու կարծիքները:
- Փուլի ավարտին պատրաստել հաշվետվություն և ներկայացնել Ծրագրի համակարգողին՝ ներառելով այս փուլում մշակված փաստաթղթերը:
- Ծրագրի համակարգողի կողմից նկատառումների ու առաջարկությունների առկայության դեպքում լրամշակել հաշվետվությունը և ներկայացնել հաստատման Վ. Բրյուսովի անվան պետական համալսարանի ռեկտորին:


Աշխատանքների կատարման ժամանակացույց (Կարող է ճշգրտվել պայամանագրի ստորագրման ժամանակ, կախված պայմանագրի կնքման ամսաթվից)

Անհատ խորհրդատուի աշխատանքները կիրականացվեն 3 փուլով՝ հետևյալ ժամանակացույցի համաձայն.
- առաջին փուլ՝ 2020թ. նոյեմբեր-դեկտեմբեր (2 ամիս),
- երկրորդ փուլ՝ 2021թ. հունվար - մարտ (3 ամիս),
- երրորդ փուլ՝ 2021թ. ապրիլ-հունիս (3 ամիս):

Որակավորման նվազագույն պահանջները և գնահատման չափանիշները.
Չափանիշը Առավելագույն միավորը
Որակավորում`
- բարձրագույն կրթություն իրավաբանություն, հանրային կառավարում, կառավարում, տնտեսագիտություն մասնագիտությամբ,
- հայերենի գերազանց, իսկ ռուսերենի և անգլերենի՝ լավ իմացություն։ 30
Ընդհանուր փորձառություն՝
- առնվազն 5 տարվա աշխատանքային փորձ համապատասխան ոլորտում,
- առնվազն 3 տարվա աշխատանքային փորձ բարձրագույն կրթության ոլորտում,
- համակարգչային ծրագրերով (Microsoft Office) աշխատելու, ինչպես նաև համացանցի տեղեկատվական ռեսուրսներից օգտվելու գերազանց հմտություններ:
30
Հատուկ փորձառություն՝
- հայեցակարգեր, ռազմավարություններ, կանոնակարգեր կամ այլ նորմատիվային փաստաթղթեր մշակելու փորձառություն,
- մասնագիտական ոլորտում միջազգային համագործակցության փորձը կդիտարկվի որպես առավելություն: 40

«Խորհրդատուի ընտրությունը կիրականացվի «Ուղեցույց. ՄԶՎԲ վարկերի և ՄԶԸ փոխառությունների և դրամաշնորհների շրջանակներում Համաշխարհային Բանկի Փոխառուի կողմից խորհրդատուների ընտրություն և վարձույթ» («Խորհրդատուների ուղեցույց», 2011թ. հունվար, վերանայված 2014 հուլիս) «Անհատ խորհրդատուի ընտրություն» ընթացակարգի համաձայն»:
Դիմող թեկնածուները դիմումին կից (դիմումի ձևը կցվում է) պետք է ներկայացնեն հետևյալ փաստաթղթերը.
 ինքնակենսագրական տվյալները (CV), որը պետք է պարունակի դիմողի վերաբերյալ հետևյալ տեղեկությունները` անունը, ազգանունը, ծննդյան թիվը, կրթությունը, մասնագիտությունը, մանրամասն աշխատանքային փորձը, աշխատանքների ցանկը և այլ անհրաժեշտ տեղեկատվություն:
 Կրթությունը հիմնավորող փաստաթղթեր:

Համապատասխան փորձ ունեցող մասնագետները կարող են դիմել աշխատանքային օրերին «Վ. Բրյուսովի անվան պետական համալսարան» հիմնադրամ` ք. Երևան, Թումանյան 42 հասցեով, 2303 սենյակ, կամ էլ. փոստով (ysulsvacancy@gmail.com) մինչև ս.թ. նոյեմբերի 2-ը, ժամը 17:00 ներառյալ:
Լրացուցիչ տեղեկությունների համար խնդրում ենք դիմել վերոհիշյալ հասցեով, էլեկտրոնային հասցեով, կամ հետևյալ հեռախոսահամարով. (+37411) 300 – 111/206:

 

«Վ. Բրյուսովի անվան պետական համալսարան» հիմնադրամ

Դիմող`
հասցե`
հեռախոս`
Էլ. փոստ`

 

 

Դիմում

Սույնով ցանկություն եմ հայտնում մասնակցել «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի շրջանակներում ստեղծվող «ՀայԼինգվոՏեք» գերազանցության կենտրոնի կանոնադրության, աշխատանքային կանոնակարգի և հայեցակարգի մշակման ուղղությամբ անհատ խորհրդատուի ընտրության մրցույթին:


Կից ներկայացնում եմ տվյալներ իմ աշխատանքային փորձի և կրթության մասին:

Դիմող`

« »——————————— 2020թ.

 

Նորություններ

23.11.2020 Աշխատանքային այց Գյումրի քաղաքի վարժարան և Արթիկի թիվ 3 ավագ դպրոց Նոյեմբերի 19- ին և 20-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող Գյումրի քաղաքի վարժարանում և Արթիկի թիվ 3 ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գ.... 19.11.2020 Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի ներկայացուցիչներին Նոյեմբերի18-ին Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի հետ՝ «Կրթության բարելավում» վարկային ծրագրով ընթացող աշխատանքների միջնաժամկետ գնահատում իրականացնելու նպատակով: Հանդիպմանը ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ երևանյան գրասենյակի կրթության փորձագետ Անուշ Շահվերդյանը, ֆինանսականկառավարմանմասնագետ Լուսինե Գրիգորյանը բնապահպանության մասնագետ... 17.11.2020 Որակի ու տեմպի տեխնիկական մոնիտորինգ՝ մայրաքաղաքի հիմնանորոգվող ավագ դպրոցներում Նոյեմբերի 16-ին ‹‹Կրթական ծրագրերի կենտրոն›› ԾԻԳ-ի ներկայացուցիչները աշխատանքային այց են իրականացրել Խ. Աբովյանի անվան հայկական պետական մանկավարժական համալսարանի հենակետային վարժարան, Տ.Գ. Շևչենկոյի անվան թիվ 42 և թիվ 142 ավագ դպրոցներ: Հիշեցնենք, որ այս երեք ավագ դպրոցներներում ընթանում են հիմնանորոգման աշխատանքներ: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: Այցի շրջանակներում ‹‹Կրթական ծրագրերի...