Հայտարարություններ

<<Կրթության բարելավում>> ծրագրի շրջանակներում Հանրակրթության պետական չափորոշչի, առարկայական չափորոշիչների և ծրագրերի վերանայման նպատակով ս.թ. սեպտեմբերի 27-ին հայտարարված «Օտար լեզուներ» աշխատանքային խմբի ղեկավարի ընտրության մրցույթի հայտարարության ժամկետի երկարացում

07.10.2019

<<Կրթական ծրագրերի կենտրոն>> ԾԻԳ-ը <<Կրթության բարելավում>> ծրագրի շրջանակներում հանրակրթական առարկայական չափորոշիչների և ծրագրերի վերանայման նպատակով հայտարարում է խորհրդատուի ընտրության մրցույթ: Ընտրված խորհրդատուն կղեկավարի <<Օտար լեզուներ>> աշխատանքային խմբի աշխատանքները` վերանայելու տվյալ ոլորտի առարկայական չափորոշիչները և ծրագրերը: Մասնավորապես, տվյալ խորհրդատվական ծառայությունը ներառում է հետևյալ աշխատանքները.

1. Ուսումնասիրել`
• Կրթության մասին ՀՀ օրենսդրությունը, հանրակրթության պետական չափորոշիչը (ՀՀ կառավարության 8 ապրիլի 2010 թվականի N439-Ն որոշում), ՀՀ որակավորումների ազգային շրջանակը (7 հուլիսի 2016 թվականի N 714 – Ն ՀՀ կառավարության որոշում), հանրակրթության (1-12 դասարաններ) առարկայական չափորոշիչները և ծրագրերը, ներառյալ 10-12-րդ դասարաններում հոսքային ուսուցման ծրագրերը,
• Հանրակրթության պետական չափորոշչի, առարկայական չափորոշիչների և ծրագրերի վերանայման կարիքների գնահատման հետազոտության հաշվետվությունը,
• Ազգային կրթակարգի նախագիծը,
• ՀՀ կրթության, գիտության, մշակույթի և սպորտի նախարարության կողմից մշակված հայեցակարգային փաստաթղթերը,
• Հանրակրթության որակի վերաբերյալ այլ հաշվետվությունները
2. Մասնակցել նշված ոլորտի աշխատանքային խմբի անդամների ընտրության գործընթացին,
3. Կազմակերպել առարկայական չափորոշիչների և ծրագրերի վերանայումը,
4. Կազմակերպել աշխատանքային խմբի հանդիպումները,
5. Հանձնարարել առաջադրանքներ աշխատանքային խմբի անդամներին,
6. Խմբագրել և վերանայել աշխատանքային խմբի կողմից մշակված փաստաթղթերը,
7. Մասնակցել սեմինարների, հանդիպումների` ներկայացնելով և քննարկելով կատարված աշխատանքները և վերանայված փաստաթղթերը,
8. Մասնակցել վերանայված առարկայական չափորոշիչների և ծրագրերի մասնագիտական և հանրային քննարկումներին,
9. Պատասխանատու լինել վերանայված առարկայական չափորոշիչների և ծրագրերի վերջնական տարբերակի համար,
10. Կազմակերպել առարկայական չափորոշիչների և ծրագրերի վերապատրաստման մոդուլների մշակումը
11. Կազմակերպել փորձնական դպրոցներում ուսուցիչների վերապատրաստումը` փորձարկելու համար վերանայված առարկայական չափորոշիչները և ծրագրերը,
12. Իրականացնել մոնիտորինգի այցեր փորձնական դպրոցներում և ամփոփել արդյունքները,
13. Մասնակցել փորձնական դպրոցների ուսուցիչների հետ կազմակերպված հանդիպումներին,
14. Իրականացնել վերապատրաստողների վերապատրաստում` ներկայացնելու առարկայական չափորոշիչները և ծրագրերը դպրոցներում,
15. Իրականացնել տեղեկատվական սեմինարներ դասագրքեր մշակողների համար:

Նկարագրված աշխատանքները նախատեսվում է իրականացնել 2019թ. հոկտեմբերից մինչև 2021թ. առաջին կիսամյակ ընկած ժամանակահատվածում:

Դիմող թեկնածուները պետք է բավարարեն փորձի և որակավորման հետևյալ պայմաններին.

• Թեկնածուի ընդհանուր որակավորումը.
- բարձրագույն կրթություն համապատասխան ոլորտում
- գիտամանկավարժական հետազոտությունների իրականացման փորձ
• Թեկնածուի ընդհանուր փորձը
- առնվազն տաս տարվա մասնագիտական աշխատանքային փորձ
- լավ ղեկավարի և կազմակերպչի հմտություններ
- գերազանց հաղորդակցելու, ներկայացնելու և բանակցելու հմտություններ
• Թեկնածուի հատուկ փորձը
- Կրթական ծրագրերի մշակման/իրականացման փորձ
- Կրթության զարգացմանը և ուսումնական ծրագրերի բարեփոխումներին ուղղված միջազգային փորձի և ժամանակակից միտումների լավ իմացություն
- կրթական չափորոշիչների, ծրագրերի և/կամ թեստերի մշակման ուղղությամբ նախկին փորձությունը կդիտվի որպես առավելություն

Թեկնածուների գնահատումը կիրականացվի հետևյալ կերպ.
- ընդհանուր որակավորումը– 30 միավոր
- ընդհանուր փորձը - 30 միավոր
- հատուկ փորձը - 40 միավոր

Դիմող թեկնածուները դիմումին կից պետք է ներկայացնեն հետևյալ փաստաթղթերը.
• ինքնակենսագրական տվյալները (CV), որը պետք է պարունակի դիմողի վերաբերյալ հետևյալ տեղեկությունը` անուն, ազգանուն, ծննդյան թիվ, կրթություն, մասնագիտացում, աշխատանքային փորձ:
• Կրթությունը հիմնավորող փաստաթղթեր:
Համապատասխան փորձ ունեցող մասնագետները կարող են դիմել աշխատանքային օրերին <<Կրթական ծրագրերի կենտրոն>> ԾԻԳ` ք. Երևան, Ս. Վրացյան փող. 73 հասցեով, կամ էլ. փոստով (info@cfep.am) մինչև հոկտեմբերի 11, 2019թ., ժամը 17:00-ն:
Այն թեկնածուները, որոնք դիմել են 2019թ. նախորդ ամիսներին հայտարարված <<օտար լեզուներ>> աշխատանքային խմբի ղեկավարի պաշտոնի համար, կարող են կրկնակի չդիմել, նրանց հայտերը կդիտարկվեն նաև սույն մրցույթի շրջանակներում:
Լրացուցիչ տեղեկությունների համար խնդրում ենք դիմել վերոնշյալ հասցեով կամ 57-56-90 (24) հեռախոսահամարով:


 

Նորություններ

12.10.2019 Հարավային Կովկասի տարածաշրջանային տնօրենը այցելել է Ոսկեպար համայնքի նախակրթարան Հարավային Կովկասի տարածաշրջանային տնօրեն Սեբաստիան Մոլինեուսն այցելել է Հայաստանի մարզեր՝ ծանոթանալու սոցիալական ենթակառուցվածքների վերականգնման միկրոծրագրերի ընթացքին և արդյունքներին։ Այցի համատեքստում Հարավային Կովկասի տարածաշրջանային տնօրենը ՀԲ երևանյան գրասենյակի կրթության փորձագետ Անուշ Շահվերդյանի ուղեկցությամբ եղել է ՀՀ Տավուշի մարզի Ոսկեպար համայնքի նախակրթարանում:Նշենք , որ նախակրթարանը ստեղծվել է Համաշխարհային բանկի համաֆինանսավորմամբ <<Կրթության բարելավում>> վարկային... 07.10.2019 ԵՊՀ Մանրէաբանական կենսատեխնոլոգիաների եվ կենսավառելիքի նորարարական կենտրոնի թիմը «CLIMATELAUNCHPAD» «Կանաչ» բիզնես գաղափարների մրցույթի ազգային եզրափակչում է   «ClimateLaunchpad»- ը աշխարհում մաքուր և կանաչ տեխնոլոգիաների ոլորտի բիզնես գաղափարների ամենամեծ մրցույթն է , որին մասնակցում են կլիմայի փոփոխություններին և մաքուր տեխնոլոգիաներին ուղղված նորարարական գաղափարներ ունեցող թիմերը :  Մեզ հետ զրույցում ԵՊՀ կենսաբանության ֆակուլտետի մանրէաբանական կենսատեխնոլոգիաների և կենսավառելիքի... 07.10.2019 Արթիկի թիվ 3 ավագ դպրոցը հիմնանորոգվում է Հոկտեմբերի 4-ին ԾԻԳ-ի ներկայացուցիչները շրջայց են իրականացրել Արթիկի թիվ 3 ավագ դպրոցում, որը հիմնովին վերակառուցվում է Համաշխարհային բանկի համաֆինանսավորմամբ, «Կրթության բարելավում» վարկային ծրագրի շրջանակներում: ԾԻԳ-ի ներկայացուցիչները շրջելով շինհրապարակում և ծանոթանալով հիմնանորոգման ընթացիկ աշխատանքներին, շինարաարական կազմակերպության հետ քննարկեցին մի շարք հարցեր: Վերոնշյալ ավագ դպրոցի հիմնանորոգման աշխատանքների մեկնարկը տրվել է սույն թվականի սեպտեմբերին իսկ շինարարական...