Հայտարարություններ

<<Դպրոց-կենտրոնների միություն>>իրավաբանական անձանց միությունը կազմակերպեց դպրոցի տնօրենի՝ ուսումնական աշխատանքի գծով տեղակալների հավաք

05.12.2015

<<Կրթության որակ և համապատասխանություն>> երկրորդ վարկային ծրագրի շրջանակներում <<Դպրոց-կենտրոնների միություն>> իրավաբանական անձանց միության հետ կնքված պայմանագրի ներքո 2012թ.-ի հոկտեմբերի 19-ին տեղի ունեցավ <<Դպրոց-կենտրոնների միություն>> իրավաբանական անձանց միության կողմից կազմակերպված սեմինար` ուսումնական աշխատանքի գծով դպրոցի տնօրենի տեղակալների համար: Սեմինարին մասնակցեցին Երևանի և ՀՀ տարբեր մարզերի ուսումնական աշխատանքի գծով տնօրենի տեղակալներ, նախարարության ներկայացուցիչներ՝ ԿԳՆ հանրակրթության վարչության պետ` Նարինե Հովհաննիսյանը, ԿԳՆ հանրակրթության վարչության մասնագետ` Սամվել Պեպանյանը, <<Կրթական ծրագրերի կենտրոն>> ԾԻԳ-ի <<Կրթության որակի հետագա բարելավում` ուսուցիչների վերապատրաստման և մասնագիտական զարգացման միջոցով>> ենթածրագրի ղեկավար Կարեն Մելքոնյանը, ԱԺ պատգամավոր, <<Դպրոց-կենտրոնների միություն>> իրավաբանական անձանց միության նախագահ Ռուզաննա Մուրադյանը, ինչպես նաև տարբեր միջազգային կառույցների ներկայացուցիչներ:
Նախապես հայտարարված մրցույթի արդյունքներով ընտրվեցին տնօրենի՝ ուսումնական աշխատանքի գծով տեղակալների լավագույն 3 փաթեթներ, որոնք էլ ներկայացվեցին սեմինարի ընթացքում և բաշխվեցին մասնակիցներին էլեկտրոնային և տպագրված տարբերակներով: Սեմինարին ներկայացվեց նաև ներդպրոցական վերահսկողության և գիտամեթոդական աշխատանքների կազմակերպման օրինակելի փաթեթ, առաջարկվեց ուսուցիչների թեմատիկ և սխեմատիկ պլանավորումների կազմման հետաքրքիր օրինակներ, տեղի ունեցավ առաջավոր փորձի փոխանակում, հարց ու պատասխանի միջոցով վեր հանվեցին և քննարկվեցին տնօրենի՝ ուսումնական աշխատանքի գծով տեղակալների գործունեության ընթացքում հանդիպող դժվարություններն ու խնդիրները, հնչեցին մի շարք առաջարկություններ՝ նրանց գործունեությանը աջակցելու, նպաստելու նպատակով: 

Նորություններ

17.09.2019 Կրթական տեխնոլոգիաների ազգային կենտրոնի աշխատակազմը կվերսկսի իր աշխատանքը նոր գրասենյակներում <<Կրթության բարելավում>> ծրագրի շրջանակներում 2018թ.-ի ապրիլից մեկնարկել են <<Կրթական տեխնոլոգիաների ազգային կենտրոնի>> (ԿՏԱԿ) ՊՈԱԿ-ի նոր տարածքի հիմնանորոգման աշխատանքները:«Կրթական տեխնոլոգիաների ազգային կենտրոն»-ի աշխատակազմը շատ շուտով կվերսկսի իր աշխատանքը նոր գրասենյակներում: Համաշխարհային բանկի համաֆինանսավորմամբ <<Կրթության բարելավում>> ծրագրի շրջանակներում սեյսմակայուն հիմնանորոգման է ենթարկվել և կահավորման փուլում է նաև կրթական այս... 13.09.2019 Հանրակրթության վերանայված չափորոշիչները փորձնական կներդրվեն 2020-ին ՀՀ կրթության,գիտության, մշակույթի եւ սպորտի (ԿԳՄՍ) նախարարությունը սկսել է հանրակրթության պետական եւ առարկայական չափորոշիչների վերանայման գործընթացը։2020 թվականի սեպտեմբերին փոփոխված չափորոշիչները փորձնական կներդրվեն մարզերից մեկում։Հանրակրթության պետական եւ առարկայական չափորոշիչների վերանայման ծրագիրն իրականացնում են տեղի եւ միջազգային փորձագետները։ Մշակված փաստաթղթերը սահմանելու են առարկայացանկը, գնահատման համակարգը, դասավանդման մեթոդները, հենքային ուսումնական պլանը, կարողունակությունները,... 06.09.2019 Նոր նախակրթարան ՀՀ Շիրակի մարզում Սեպտեմբերի 1-ին Շիրակի մարզի Գյումրի քաղաքի թիվ 45 միջնակարգ դպրոցում տեղի է ունեցել նախակրթարանի բացում, որը ստեղծվել է <<Կրթական ծրագրերի կենտրոն>> ԾԻԳ-ի և վերոնշյալ կրթական հաստատության միջև սույն թվականի մայիսի 17-ին կնքված դրամաշնորհային պայմանագրով: Նախակրթարանի բացմանը ներկա էին ՀՀ Շիրակի մարզի մարզպետ Տիգրան Պետրոսյան, Աժ պատգամավոր Սոֆյա Հովսեփյանը և կրթական ոլորտը ներկայացնող մեծ թվով հյուրեր, ուսուցիչներ, ծնողներ: ՀՀ Շիրակի մարզի կրթօջախում միջոցառման մասնակիցներին...