Կրթական ծրագրերի կենտրոն Կրթության, գիտության, մշակույթի և սպորտի նախարարություն

ՀՀ հանրակրթական ուսումնական հաստատությունները շարունակում են համալրվել ԲՏՃՄ և ՏՀՏ ինժեներական ժամանակակից լաբորատորիաներով.ինչպես նաև ընթանում է ուսումնական գործընթացում լաբորատոր սարքավորումների կիրառման արդյունավետությունը բարձացնելու նպատակով ուսուցիչների վերապատրաստումը:Նշենք, որ հունիս հուլիս ամիսներին վերապատրաստումներ են իրականացվել ՀՀ Արարատի մարզի Արտաշատի թիվ 2 ավագ դպրոցում, Բաղրամյանի միջնակարգ դպրոցում, Մասիսի ավագ դպրոցում և Ավշարի միջնակարգ դպրոցում: Նշենք , որ ծրագրի շրջանակում մշակվել են ուսուցիչների վերապատրաստման մոդուլները, որոնք հասանելի են նաև առցանց հարթակում: Վերապատրաստումներն իրականացնում են մրցութային կարգով ընտրված փորձագետները: Ուսուցիչներին մեթոդական աջակցություն ապահովելու նպատակով պատրաստվել են նաև ցուցադրական տեսանյութեր, որոնցից ուսուցիչները կարող են օգտվել սարքավորումներն օգտագործելիս: Վերապատրաստման նյութերն ու ցուցադրական տեսանյութերը վերաբերում են լաբորատոր սարքավորումների շահագործմանը և ընթացիկ սպասարկմանը, ինչպես նաև դասապրոցեսում սարքավորումների օգտագործմանը՝ դասավանդման ժամանակակից մեթոդաբանության և թվային ուսումնաօժանդակ նյութերի կիրառմամբ: ՀՀ ԿԳՄՍ փոխնախարար Արաքսիա Սվաջյանը հավաստիացնում է , որ մինչև 2026 թվականի ավարտը բոլոր հանրակրթական դպրոցները ապահովված կլինեն ԲՏՃՄ լաբորատորիաներով:
Վերապատրաստման մասնակիցները նշում են, որ դպրոցները ստանում են աջակցող նյութեր և միջոցներ, որոնք օգնում են ավելի արդյունավետ կազմակերպել լաբորատոր աշխատանքները։ Դրանք ներառում են տեսադասեր տարբեր փորձերի անցկացման վերաբերյալ, ինչպես նաև հատուկ մշակված ուղեցույցներ՝ նշելով, թե որ դասարանում ինչ փորձ պետք է իրականացվի, ինչ նյութեր և սարքեր են անհրաժեշտ և ինչպես է պետք կազմակերպել փորձի կատարումը։

«Հուսով ենք, որ վերապատրաստումներից հետո այս աջակցող նյութերն էապես կբարձրացնեն ԲՏՃՄ առարկաների դասավանդման որակը և ուսուցիչներին կտան ավելի լայն հնարավորություն դասերն արդյունավետ կազմակերպելու համար»,- նշում են վերապատրաստող փորձագետները