Կրթական ծրագրերի կենտրոն Կրթության, գիտության, մշակույթի և սպորտի նախարարություն

Սիրելի գիտնականներ և գիտաշխատողներ,
2002 թվականից ՄԱԿ-ի նախաձեռնությամբ նոյեմբերի 10-ը ամեն տարի նշվում է որպես Գիտության համաշխարհային օր՝ հանուն խաղաղության և զարգացման։
Այս տարվա նոյեմբերի 10-ն ազդարարվում է նաև «‎Գիտությունը՝ հանուն կայուն զարգացման» խորագրով միջազգային նոր տասնամյակի մեկնարկը (International Decade of Sciences for Sustainable Development 2024-2033), որը կոչված է հիշեցնելու մարդկությանը գիտելիքի հիմնարար դերը քաղաքակրթության առաջընթացի և մեր առջև ծառացած մարտահրավերների հաղթահարման գործում։
‹‹Կրթական ծրագրերի կենտրոն›› ԾԻԳ-ը հավատում է գիտելիքի ուժին ու գիտության ընձեռած հնարավորություններին, մեր աջակցությամբ շարունակաբար թիրախավորված ծրագրեր են իրականացվում՝ բարձրացնելու հետաքրքրությունը գիտության նկատմամբ՝ ինչպիսիք են դպրոցներում և բուհերում ստեղծվող ժամանակակից լաբորատորիաները, գիտահետազոտական կենտրոնները, որոնք գիտաշխատողների ու երիտասարդ գիտնականների համար ստեղծում են ակադեմիական անհրաժեշտ միջավայր՝ արդիական հետազոտություններ կատարելու, նոր գաղափարներ ուսումնասիրելու համար։ ‹‹Կրթական ծրագրերի կենտրոն›› ԾԻԳ-ը մշտապես ձգտում է աջակցել, գիտնականներին, հետազոտողներին ակադեմիական գերազանցության և նորարարության հասնելու ճանապարհին։
Սիրելի գիտնականներ և գիտաշխատողներ ‹‹Կրթական ծրագրերի կենտրոն›› ԾԻԳ-ը մաղթում է ձեզ բազում ստեղծագործ մտքեր և նորանոր բացահայտումներ: Շարունակե՛ք անհնարինը դարձնել հնարավոր: