Նորություններ

Համաշխարհային բանկի թիմն այցելել է հիմնանորոգվող ավագ դպրոցներ

05.06.2024

      Հունիսի 3-ին Համաշխարհային բանկի թիմը ԿԾԿ  ԾԻԳ-ի ներկայացուցիչների ուղեկցությամբ այցելել է  Երևանի Կ.Դեմիրճյանի անվան թիվ 139 և Լոռու մարզի Վանաձորի Ս.Նալդրանյանի անվան թիվ 13 ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Առաքելության կազմում էին Առաջադրանքի թիմի համաղեկավար, Շիզուկա Կոնիմոտոն, ՀԲ խորհրդատու Աննա Մալխասյանը, ՀԲ խորհրդատու Ալեքսանդր Թովմասյանը, ՀԲ բնապահպան մասնագետ Լուսինե Գևորգյանը, ՀԲ  սոցիալական զարգացման մասնագետ Սոնյա Մսրյանը, ինչպես նաև Կրթական ծրագրերի  կենտրոն ԾԻԳ-ի բնապահպան խորհրդատու Աննա Կարապետյան և ԿԾԿ ԾԻԳ-ի 1.2 ենթաբաղադրիչի ղեկավար Գ. Բաղդասարյանը։ Համաշխարհային բանկի պատվիրակությունն աշխատանքային այցը մեկնարկել  է Լոռու մարզի Վանաձորի Ս. Նալբանդյանի անվան թիվ 13 ավագ դպրոցում: Այս ավագ դպրոցն այն 4 ավագ դպրոցներից է, որոնք հիմնանորոգվում են  «Կրթության բարելավման լրացուցիչ ֆինանսավորում» վարկային ծրագրի շրջանակներում: Պատվիրակությունը հանդիպել է շինարարների հետ և քննարկել շենքի սեյսմակայուն ամրացման և ընդհանուր հիմնանորոգման աշխատանքների հետ կապված հարցեր: Հաջորդ կանգառը Երևանի Կ. Դեմիրճյանի անվան թիվ 139 դպրոցն էր, որը ծրագրի շրջանակում հիմնանորոգվելու է մինչև 2025 թվականի դեկտեմբեր: Նշենք, որ «Կրթության բարելավման լրացուցիչ ֆինանսավորում» վարկային ծրագրի շրջանակում վերակառուցման աշխատանքներ են սկսվել ևս 2 ավագ դպրոցներում՝ Արտաշատում և Աշտարակում։ Այցելությունների ընթացքում ՀԲ և ԾԻԳ-ի ներկայացուցիչները ուսումնասիրել են շինարարական աշխատանքների որակը։ Նրանք նաև շրջել են շինհրապարակով, քննարկել նախագծային և շինարարական աշխատանքներին վերաբերող մի շարք հարցեր: Մշտադիտարկման  արդյունքում ԿԾԿ ԾԻԳ-ի ներկայացուցիչները նշել են, որ շենքերի ամրացման աշխատանքներն ավարտված են։ Մի շարք հարցեր են  հնչել բնապահպանական և սոցիալական կառավարման ծրագրով նախատեսված միջոցառումների վերաբերյալ։ Կարևորելով բնապահպանական և սոցիալական ուսումնասիրությունները ծրագրի մշակման ընթացքում ‹‹Կրթական ծրագրերի կենտրոնի›› ԾԻԳ-ի բնապահպան խորհրդատու Աննա Կարապետյանը հավելել է, որ այդ ազդեցությունները ժամանակավոր բնույթ են կրում և հիմնականում կանխատեսվում են շինարարության փուլում: Ընդհանուր առմամբ ակնկալվում է, որ շինարարության և հիմնանորոգման աշխատանքների հետ կապված շրջակա միջավայրի վրա հնարավոր բացասական ազդեցությունները կլինեն փոքր, կարճաժամկետ և տեղայնացված: «Շինարարական աշխատանքների ընթացքում բնապահպանական և սոցիալական կառավարման պլանի պահանջների պահպանումը թույլ կտա կանխել կամ նվազագույնի հասցնել հնարավոր բացասական ազդեցությունները»,- նշել է բնապահպանը: Այցի ընթացքում քննարկվել են  նաև հետաքրքրություն ներկայացնող այլ հարցեր։

Նորություններ

14.07.2024 ՀՀ կրթության, գիտության, մշակույթի և սպորտի նախարարի այցը Արարատի մարզ ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Արարատի մարզ, հետևել մի շարք համայնքների նոր կառուցվող, հիմնանորոգվող և վերակառուցվող ուսումնական հաստատություններում ընթացող աշխատանքներին: Նախարարին ուղեկցել են ԿԳՄՍՆ Կրթական ծրագրերի կենտրոն ԾԻԳ-ի տնօրեն Գրիշա Հովհաննիսյանը, Արարատի մարզպետի աշխատակազմի Կրթության, մշակույթի և սպորտի վարչության պետ Մարտին Մանուկյանը, մարզպետարանի և պատասխանատու շինարարական ընկերությունների ներկայացուցիչներ:Այցի համատեքստում... 11.07.2024 Տեղեկատվություն Նորարարությունների մրցակցային հիմնադրամի շրջափուլով դրամաշնորհառու բուհերի կողմից իրականացվող դրամաշնորհային ծրագրերի շրջանակներում կնքված պայմանագրերի վերաբերյալ 22.05.2023թ. կնքված դրամաշնորհային պայմանագրերով դրամաշնորհառու երկու և 14.06.2023թ. կնքված դրամաշնորհային պայմանագրերով դրամաշնորհառու երեք բուհերը մեկնարկել են նորարարական ծրագրերի իրականացումը, մասնավորապես, ներքոնշյալ բուհերը, ըստ նախատեսվածի, իրականացրել են ապրանքների և ծառայությունների ձեռքբերման աշխատանքներ, որոնց արդյունքում շնորհված պայմանագրերի վերաբերյալ տեղեկատվությունը, համաձայն Նորարարությունների մրցակցային հիմնադրամի Ղեկավար ձեռնարկի պահանջների, հրապարակվել է համապատասխան... 03.07.2024 Արմավիրի մարզում մեկնարկել են ԲՏՃՄ առարկաների ուսուցիչների 5-օրյա վերապատրաստումները Արմավիրի մարզում հունիսի 29-ից «Կրթական ծրագրերի կենտրոն» ԾԻԳ-ի աջակցությամբ մեկնարկել է ԲՏՃՄ առարկաների ուսուցիչների 5-օրյա վերապատրաստման դասընթացը՝ լաբորատոր սարքավորումների գործարկման և բնագիտական լաբորատորիաների ուղղությամբ ուսուցիչների կարողությունների զարգացման նպատակով: Ծրագրի շրջանակում իրականացվելու է «Քիմիա», «Ֆիզիկա», «Կենսաբանություն», «Աշխարհագրություն» և «Տեղեկատվական տեխնոլոգիաներ» առարկաների շուրջ 1000...