Նորություններ

ՆՄՀ շրջանակներում իրականացված ԵՊԲՀ-ի ծրագրի արդյունքների շարունակական կատարելագործում և զարգացում

18.04.2023

Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի աջակցությամբ իրականացված «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում Երևանի Մ. Հերացու անվան պետական բժշկական համալսարանում իրականացվել են երկու կոնսորցիումային ծրագրեր, որոնց արդյունքում ստեղծվել և գործում են իրենց տեսակի մեջ եզակի, համապատասխան կահույքով, ժամանակակից նյութատեխնիկական բազայով, հատուկ ծրագրային ապահովմամբ, համակարգչային տեխնիկայով հագեցած կենտրոններ, իրենց լաբորատորիաներով և այլ ենթակառուցվածքներով: Ստեղծված կենտրոնները գործում են՝ ապահովելով շարունակական կապ բիզնեսի և գիտության միջև, նպաստում բուհ –պետություն - մասնավոր հատված համագործակցության ամրապնդմանը: Կոնսորցումային ծրագրերի արդյունքում ձեռք բերված արդիական սարքավորումների տեղակայվածությունը ԵՊԲՀ-ում խթանել է գործընկեր շրջանակների հետ փոխշահավետ համագործակցային կապերը` մասնավորապես նպաստելով Նեյրոգիտության և ստոմատոլոգիական կրթության ոլորտում գիտահետազոտական աշխատանքների ուղղությունների ընդլայնմանը: «Կրթության բարելավում» ծրագրի շրջանակում ստեղծված ԵՊԲՀ Ստոմատոլոգիական կրթության գերազանցության կենտրոնի գործարկումից հետո բուհում տեղի են ունեցել տարբեր կրթական միջոցառումներ և շարունակական վերապատրաստումներ ծրագրի գործընկեր «Ալֆաստոմ» ՍՊԸ-ի, «Վան», «3դենտ», «Վիտալ Մեդ» և այլ մասնավոր տարբեր ստոմատոլոգիական կլինիկաների և Հայ-Ամերիկյան կենտրոնի ստոմատոլոգիայի բաժնի հետ համատեղ իրականացվել են վարպետաց դասեր գերմանացի պրոֆեսոր, Նյու-Յորքի համալսարանի դենտալ իմպլանտալոգիայի ամբիոնի կլինիկական դոցենտ, Մանֆրեդ Լանգի կողմից: Կրթական ծրագրերի կենտրոն-ԵՊԲՀ համագործակցության արդյունքում 2020թ.-ին ստեղծվեց «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնը, որն այսօր էլ շարունակում է սերտ համագործակցությունը ծրագրի կոնսորցիում անդամների և մասնավոր հատվածի հետ: Ծրագրի գործընկեր ՀՀ ԳԱԱ ակադեմիկոս Լ.Ա. Օրբելու անվան ֆիզիոլոգիայի ինստիտուտի հետ «ՔՈԲՐԵՅՆԸ» շարունակում է իրականացնել համատեղ հետազոտական նախագծեր և երիտասարդ հետազոտողների վերապատրաստումներ: Համագործակցության կարևոր դրսևորումներից է «ՔՈԲՐԵՅՆ» կենտրոնում իրականացվող գիտական և գիտատեխնիկական գործունեության ենթակառուցվածքի պահպանման և զարգացման ծրագրում Ֆիզիոլոգիայի ինստիտուտի աշխատակիցների ներգրավումը առաջատար գիտաշխատողի և գիտաշխատողի կարգավիճակում, ինչպես նաև համատեղ հետազոտական աշխատանքների արդյունքներն արտացոլող գիտական հոդվածների տպագրումը միջազգային հեղինակավոր պարբերականներում: Դրամաշնորհային ծրագրի մյուս գործընկեր «ՔԵՆԴԼ» սինքրոտրոնային հետազոտությունների ինստիտուտի հետ համագործակցության շրջանակում «ՔՈԲՐԵՅՆ» կենտրոնը շարունակում է երիտասարդ հետազոտողների վերապատրաստումները՝ ուղղված երկֆոտոնային մանրադիտակի աշխատանքային առանձնահատկությունների յուրացմանը և դրանցով պայմանավորված նոր հմտությունների ձեռքբերմանը: Պետություն-բուհ համագործակցության համատեքստում այսօր ՀՀ պետական բյուջեից ֆինանսավորվում է «ՔՈԲՐԵՅՆ» կենտրոնի կողմից ներկայացված «Նեյրոկենսաբանական գործընթացների վերծանումը նորմայում և ախտաբանության մեջ՝ սաղմից մինչև ծերացող ուղեղ» ծրագրի հայտը, բացի այդ, 2023 թվականի փետրվարին, կենտրոնի կողմից հայտ է ներկայացվել ՀՀ ԿԳՄՍՆ գիտության կոմիտեի՝ գիտական կենտրոնները ժամանակակից սարքավորումներով վերազինելու նպատակով գիտական սարքերի/ սարքավորումների ձեռքբերման մրցույթին:
«ՔՈԲՐԵՅՆ» կենտրոնի նախաձեռնությամբ ուրվագծվել են համագործակցության ուղիներ մասնավոր հատվածի կազմակերպությունների հետ: Այսպես, կենտրոնի գլխավոր գիտաշխատող Կ. Ենկոյանի և «ՖԱՅԴԵՔ ԱՐՄԵՆԻԱ» հիմնադրամի տնօրեն Ն. Հայրապետյանի մասնակցությամբ իրականացվել են քննարկումներ՝ ուղղված Հայաստանում կլինիկական փորձարկումների խթանմանը, ինչպես նաև կլինիկական հետազոտությունների պատշաճ իրականացման սկզբունքներին և հետազոտական հմտությունների զարգացմանը միտված համատեղ կրթական ծրագրերի մշակմանն ու ներդրմանը։ SANTÉ ARMÉNIE հայ-ֆրանսիական համատեղ նախաձեռնության, մասնավորապես՝ դրա համակարգող, պրոֆեսոր Արսեն Մեկինյանի հետ ունեցած համագործակցության հաջող փորձը «ՔՈԲՐԵՅՆ» կենտրոնում իրականացվող «Հակա-SARS-CoV2 հակամարմինների առաջացման առանձնահատկությունները» (COVID Antibody) ծրագրի շրջանակներում և դրա արդյունքների ամփոփումը Web of Science շտեմարանի Scientific Reports պարբերականում հիմք հանդիսացան նախագծելու նոր համագործակցություն նշված նախաձեռնության հետ, որն առաջիկայում կհամախմբի կազմակերպությունների մասնագիտական ներուժը կլինիկական փորձարկումների և համատեղ հետազոտական նախագծերի շուրջ: «Ալցհեյմերի խնամք Հայաստան» կազմակերպության հետ կազմակերպվել են քննարկումներ՝ Ալցհեյմերի հիվանդության վաղ ախտորոշման բիոմարկերների հայտնաբերմանն ուղղված հետագա համատեղ մասշտաբային հետազոտություններ իրականացնելու նպատակով: «ՔՈԲՐԵՅՆ» կենտրոնի նախաձեռնությամբ «Ապկարիան» հիմնադրամի հետ համատեղ իրականացվել է եռամսյա հետազոտական ծրագիր: Ներկայումս նախատեսվում է ընդլայնել համագործակցությունը հիմնադրամի հետ՝ մշակելով համատեղ դրամաշնորհային հայտ, որը կներկայացվի Հայաստանի գիտության և տեխնոլոգիաների (FAST) հիմնադրամի կողմից իրականացվող «Առաջանցիկ հետազոտական դրամաշնորհային ծրագիր» (the ADVANCE Research Grants program) մրցույթին:
Այսօր էլ վերոնշյալ ենթակառուցվածքներում ակտիվորեն իրականացվում են աշխատանքներ, որոնց արդյունքում ակնկալվում է ստանալ հետագա առևտրայնացման ներուժ ունեցող կարևոր գիտական նորույթներ:
 

Նորություններ

28.03.2024 Նախադպրոցական կրթության միկրոծրագրերի Կառավարման Մարմին հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2024 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2023 թվականի դեկտեմբերից: Ծրագրի արդյունավետությունն ու նպատակայնությունը բարձրացնելու նպատակով 2023 թվականի դեկտեմբերին ՀՀ թվով 9 մարզերի մարզպետարանների համապատասխան վարչություններից ԿԾԿ ԾԻԳ է ներկայացվել... 22.03.2024 Աշխատանքային այց Աշտարակի և Արտաշատի ավագ դպրոցներում Մարտի 22-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Արագածոտնի մարզի Աշտարակի Ն. Սիսակյանի անվան թիվ 5 ավագ դպրոցում և ՀՀ Արմավիրի մարզի Արտաշատի ավագ դպրոցում : Այցերի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցների հիմնանորոգման աշխատանքների մշտադիտարկումն էր : Վերոնշյալ ավագ դպրոցները ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների... 20.03.2024 Աշխատանքային այցեր մայրաքաղաքի հիմնական դպրոցներում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իր աշխատանքներն է շարունակում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Այդ համատեքստում ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 5-ից 20-ը աշխատանքային այցեր են իրականացրել Երևանի ուսումնական...