Կրթական ծրագրերի կենտրոն Կրթության, գիտության, մշակույթի և սպորտի նախարարություն

Փետրվարի 20-ին Ծրագրային հայտերի գնահատման համար պայմանագրեր են կնքվել 5 ուղղություններով՝ բժշկական/կենսաբանական գիտությունների, ճարտարագիտության/շինարարության, դեղագիտության/քիմիայի, ֆիզիկայի, տեխնոլոգիական գիտությունների և ֆունկցիոնալ աջակցություն տրամադրող անհատ խորհրդատուների հետ։ Տեղեկացնենք, որ մինչ պայմանագրերի կնքումը իրականացվել են հետևյալ գործընթացները` 2022 թվականի սեպտեմբերի 19-ին «Կրթական ծրագրերի կենտրոն» ԾԻԳ-ի կողմից հայտարարվել է բուհերին դրամաշնորհային ծրագրերի տրամադրաման մրցույթը: Մրցույթի հայտարարությունը հրապարակվել է ԿԾԿ ԾԻԳ-ի, ՀՀ ԿԳՄՍ նախարարության պաշտոնական կայքէջերում:Դրամաշնորհային հայտերի ներկայացման վերջնաժամկետ է սահմանված եղել 2022 թվականի նոյեմբերի 21-ը: Սահմանված վերջնաժամկետի դրությամբ ստացվել են 11 դրամաշնորհային ծրագրերի հայտեր: Հիշեցնենք, որ «Կրթության բարելավման ծրագրի լրացուցիչ ֆինանսավորում» վարկային ծրագրով բուհերին դրամաշնորհների տրամադրման համար նախատեսված է 1 միլիոն 695 հազար եվրոյին համարժեք ՀՀ դրամ։ «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի շրջանակներում նախատեսված է դրամաշնորհների տրամադրում առնվազն հինգ դրամաշնորհային ծրագրերի, որից առնվազն մեկը՝ կոնսորցիումային ծրագրի իրականացման համար։ Առանձին բուհերին տրվող դրամաշնորհի չափը կարող է լինել մինչև 250 000եվրոյին համարժեք ՀՀ դրամ, իսկ կոնսորցիումային ծրագրերի դեպքում՝ մինչև 500 000եվրոյին համարժեք ՀՀ դրամ: Նշենք նաև, որ ՆՄՀ դրամաշնորհային ծրագրերի իրականացման նախապայման է հայտատու բուհի կողմից անհատական դրամաշնորհային ծրագրի համար առնվազն 15 տոկոս և կոնսորցիումային ծրագրերի համար առնվազն 20 տոկոս համաֆինանսավորման իրականացումը:
Միաժամանակ տեղեկացնենք, որ առաջնորդվելով ՆՄՀ ղեկավար ձեռնարկով սահմանված ընթացակարգով, ԿԾԿ ԾԻԳ-ի կողմից իրականացվել է բուհերի կողմից ներկայացրած դրամաշնորհային ծրագրերի հայտերի իրավասության և ամբողջականության գնահատում, որից հետո բուհերին տրամադրվել է մեկ շաբաթ ժամանակ՝դրամաշնորհայինծրագրի հայտը լրամշակելու և բացակա անհրաժեշտ փաստաթղթերը ներկայացնելու համար:
Հավելենք, որ դրամաշնորհային ծրագրերի իրավասության և ամբողջականության դիտարկումից հետո, ՆՄՀ ղեկավար ձեռնարկի համաձայն, իրավասու և ամբողջական դրամաշնորհային ծրագրերի հայտերը, ուսումնասիրվում և գնահատվում են Հայտերի գնահատման հանձնաժողովի (ՀԳՀ) կողմից։
ՀԳՀ-ն բաղկացած է համապատասխան ոլորտում մասնագիտական փորձառություն ունեցող մեկ թեմատիկ և երկու ֆունկցիոնալ փորձագետներից, որոնք ընտրվում են նախապես կազմված փորձագետների ցանկից (թեմատիկ և ֆունկցիոնալ փորձագետներն ընտրվում են մրցութային կարգով՝ անհատ խորհրդատուի ընտրության եղանակով):
Ըստ այդմ, հաշվի առնելով բուհերի կողմից ներկայացված հայտերի ուղղությունները, հինգ տարբեր ուղղություններով թեմատիկ և չորս ֆունկցիոնալ փորձագետների ընտրության համար հայտարարվել են մրցույթներ։ Մրցույթների հայտարարությունները տեղադրվել են www.gnumner.am, ինչպես նաև ԿԾԿ ԾԻԳ-ի, ԿԳՄՍ նախարարության և Գիտության կոմիտեի պաշտոնական կայքէջերում։ ԿԾԿ ԾԻԳ-ի համապատասխան ներկայացուցիչներից և ՀՀ ԿԳՄՍՆ ներկայացուցչից կազմված ընտրության հանձնաժողովն իրականացրել է հետաքրքրվածության հայտ ներկայացրած մասնակիցների գնահատում: Նշենք, որ համաձայն ՆՄՀ ղեկավար ձեռնարկի, հայտերը գնահատող փորձագետների ցանկը հաստատվում է ՆՄՀ համակարգող խորհրդի կողմից։
Նշենք նաև, որ ՀԳՀ-ները ՆՄՀ ղեկավար ձեռնարկով սահմանված ընթացակարգերին և ձևաչափերին համապատասխան չորս շաբաթվա ընթացքում պետք է գնահատեն ծրագրային հայտերը, որից հետո փորձագետների գնահատման արդյունքներն ու եզրակացությունները ներկայացվելու են ՆՄՀ համակարգող խորհրդին՝ ֆինանսավորման ենթակա ծրագրերի ընտրության վերաբերյալ վերջնական որոշում կայացնելու համար։