Կրթական ծրագրերի կենտրոն Կրթության, գիտության, մշակույթի և սպորտի նախարարություն

‹‹Կրթական ծրագրերի կենտրոն›› ծրագրերի իրականացման գրասենյակն ամփոփել է 2022 թվականին «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում կատարված աշխատանքները: Ներկայացնենք տարվա ընթացքում ԾԻԳ-ի գործունեության համապարփակ պատկերը: Հիշեցնենք, որ 2022թ.-ի ընթացքում ‹‹Հանրակրթության որակի բարելավում›› բաղադրիչի ‹‹Դպրոցին՝ երեխաների պատրաստվածության բարձրացում և կրթության հավասար մեկնարկային հնարավորությունների ապահովում›› ենթաբաղադրիչի շրջանակում ԿԾԿ ԾԻԳ-ի կողմից ՀՀ հինգ մարզերի (Արարատ, Արմավիր, Արագածոտն, Գեղարքունիք, Կոտայք) ուսումնական հաստատություններում իրականացվել են կարիքների գնահատման աշխատանքներ: Ներկա փուլում, ավարտվել է նաև հետաքրքրված հաստատությունների կողմից ծրագրին մասնակցության հայտերի ներկայացման և ԿԾԿ ԾԻԳ-ի կողմից ներկայացված հայտերի գնահատման գործընթացը: ԿԾԿ ԾԻԳ-ի աշխատանքային խմբի կողմից իրականացվել են այցեր ՀՀ Արմավիրի, Արարատի, Արագածոտնի, Գեղարքունիքի և Կոտայքի մարզեր: Աշխատանքային այցերի նպատակն է եղել միկրոծրագրերի իրականացման հայտ ներկայացրած ուսումնական հաստատությունների կողմից տրամադրված տարածքների ուսումնասիրության հիման վրա նախահաշվային արժեքների ճշգրտումն ու տարածքների չափագրումը:Տեղի են ունեցել նաև աշխատանքային հանդիպումներ ուսումնական հաստատությունների տնօրենների հետ: Նշենք, որ այս փուլին հաջորդելու է ներկայացված հայտերի հաստատման փուլը: Արդյունքում նախատեսվում է 2023-2024 ուսումնական տարվա ընթացքում վերոնշյալ ՀՀ հինգ մարզերի ուսումնական հաստատությունների հենքի վրա ստեղծել թվով 31 նոր նախակրթարաններ:
‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում 2022 թվականի. ընթացքում մեկնարկել է թվով 4 ավագ դպրոցների հիմնանորոգման աշխատանքները: Միավորված ազգերի կազմակերպության զարգացման ծրագրի (ՄԱԶԾ) հետ համագործակցության շրջանակում վերանայվել են հիմնանորոգվող 3 ավագ դպրոցների(Վանաձորիթիվ 13, Աշտարակի և Արտաշատի ավագ դպրոցներ)հիմնանորոգման տեխնիկական նախագծերը: Ներկայումս ընթանում է նաև չորրորդ ավագ դպրոցի (Երևանի թիվ 139 ավագ դպրոց) կառուցման տեխնիկական նախագծի վերանայման նպատակով խորհրդատուի ընտրության գործընթացը: Ենթաբաղադիչի շրջանակում ավարտվել է նաև թվով 4 ավագ դպրոցների հիմնանորոգման/կառուցման համար տեղանքի Բնապահպանական և Սոցիալական Կառավարման Պլանների (ԲՍԿՊ) մշակման և իրականացվող աշխատանքների բնապահպանական և սոցիալական մոնիթորինգի նպատակով անհատ խորհրդատուի ընտրությունը:
‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչի շրջանակում 2022 թվականին Կրթության Կառավարման և Տեղեկատվական Համակարգի (ԿԿՏՀ) բարելավման նպատակով խորհրդատուների ընտրության համար հայտարարվել են մրցույթներ, որոնք ներկայումս գտնվում են ամփոփման փուլում:
«Հանրակրթական դպրոցների վերազինում»ենթաբաղադրիչի շրջանակում ՀՀ կրթության, գիտության, մշակույթի և սպորտի նախարարության առաջարկով՝վերազինման նպատակով ընտրվել են ՀՀ Արմավիրի և Արագածոտնի մարզերի հիմնական և միջնակարգ դպրոցները, որոնք ծրագրի իրականացման արդյունքում հագեցած կլինեն առարկայական վերանայված ծրագրերին և չափորոշիչներին համապատասխանող ժամանակակից բնագիտական և ինժեներական լաբորատոր սարքվորումներով և գույքով, ինչպես նաև անհրաժեշտ համակարգչային սարքավորումներով: Առաջին փուլի համար նախապատվությունը տրվել է Արմավիրի մարզին: ԿԾԿ ԾԻԳ-ի կողմից մարզի 114 միջնակարգ և հիմնական դպրոցներում իրականացվել է կարիքների գնահատում, որի վերլուծության և Արմավիրի մարզպետարանի ներկայացուցիչների հետ խորհրդակցության արդյունքում ծրագրի առաջին փուլում, 2023 թվականի ընթացքում կներգրավվեն մարզի 100 հանրակրթական դպրոցներ՝ 17 հիմնական և 83 միջնակարգ: ՀՀ հանրակրթական դպրոցների համար բնագիտական (քիմիա, կենսաբանություն, ֆիզիկա, աշխարհագրություն) և ինժեներական (ինֆորմատիկա) լաբորատոր սարքավորումների և նյութերի ձեռքբերման համար մասնագիտական աջակցություն տրամադրելու նպատակով հայտարարվել է մրցույթ և ընտրվել են անհատ խորհրդատուներ: Ծրագրի շրջանակներում ընտրված խորհրդատուները՝համաձայն առարկայական չափորոշիչների վերանայել և կազմել են ֆիզիկայի, կենսաբանության, աշխարհագրության լաբորատորիաների հիմնման համար անհրաժեշտ լաբորատոր սարքավորումների, նյութերի ցանկերը և տեխնիկական հատկորոշիչները, որոնք տրամադրվել են «ԿԶՆԱԿ» հիմնադրամին և ՀՀ ԿԳՄՍ նախարարությանը առաջարկություններ և դիտողություններ ներկայացնելու համար: Տրամադրված առաջարկությունների և դիտողությունների հիման վրա ընտրված խորհրդատուների կողմից վերանայվել են վերոնշյալ ցանկերը և տեխնիկական հատկորոշիչները:
Բարձագույն կրթութան ոլորտում 2022 թվականին Նորարարությունների մրցակցային հիմնադրամի (ՆՄՀ) շրջանակներում մեկնարկել է ՆՄՀ-ի նոր շրջափուլը, որը համահունչ է ՀՀ Կառավարության 2021-2026թթ. ծրագրին և նպաստելու է ԲՏՃՄ (բնագիտական, ճարտարագիտական առարկաներ, ինֆորմատիկա, մաթեմատիկա, աշխարհագրություն) ուղղությամբ կրթության որակի բարելավմանը: Բաղադրիչի աշխատանքների համատեքստում իրականացվել են ՆՄՀ ընթացակարգերի և ՆՄՀ ղեկավար ձեռնարկի վերանայման աշխատանքներ, մեկնարկել է բուհերին դրամաշնորհների տրամադրման աշխատանքները, մասնավորապես 2022 թվականի սեպտեմբերի 19-ին հայտարարվել է ՆՄՀ շրջանակներում բուհերին դրամաշնորհների տրամադրման մրցույթը, որի արդյունքում մրցույթին հետաքրքրվածության հայտ է ներկայացրել 11 բուհ: Համաձայն ՆՄՀ ղեկավար ձեռնարկի հայտերի ընդունումից հետո իրականացվել է հայտերի իրավասության և ամբողջականության գնահատում։ Իրավասու և ամբողջական հայտերը համաձայն ՆՄՀ ղեկավար ձեռնարկի պետք է գնահատվեն անկախ փորձագետների կողմից։ Այժմ մեկնարկել է հայտերը գնահատող փորձագետների ընտրության մրցույթները։