Նորություններ

Կարիքների գնահատում և ուսումնասիրություններ ՀՀ Արմավիրի մարզի կրթական հաստատություններում

03.08.2022

«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում մեկնարկել է «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Ենթաբաղադրիչի աշխատանքների համատեքստում ՀՀ մարզերի համայնքներում այս տարի ևս կմեկնարկի նախակրթարանների նոր միկրոծրագրերի իրականացումը: «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ներկայացուցիչները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով օգոստոսի 1- ին և 2-ին աշխատանքային այցեր են իրականացրել ՀՀ Արմավիրի մարզի կրթական հաստատություններ:
ՀՀ Արմավիրի մարզպետարանի համապատասխան վարչության կողմից ԾԻԳ է ներկայացվել մարզի այն համայնքների ցանկը, որոնցում առկա է նախակրթարան հիմնելու անհրաժեշտությունը: Հավելենք, որ ենթաբաղադրիչի շրջանակում հուլիսից մեկնարկել է ուսումնասիրությունների իրականացումը ՀՀ բոլոր մարզերում, որը կվերհանի սոցիալապես անապահով այն համայնքներն ու հաստատությունները, որոնք կարող են իրականացնել նախադպրոցական կրթական ծառայություններ:
Այս գործընթացի և հավաքագրված տեղեկատվության վերլուծության արդյունքում  մեկնարկել են տարածքի դիտարկումները:Աշխատանքային այցերի մեկնարկը տրվեց ՀՀ Արմավիրի մարզի Տարոնիկի միջնակարգ դպրոցից, ապա ԾԻԳ-ի աշխատանքային խումբը եղավ Լուկաշինի, Մյասնիկյանի, Բերքաշատի, Արազափի, Զարթոնքի, Անկաշենի, Այգեշատի, Դալարիկի, Երվանդաշատի միջնակարգ դպրոցներում: Այցերի շրջանակներում տեղի ունեցան աշխատանքային հանդիպումներ կրթական հաստատությունների տնօրենների, հետ: Հանդիպումների ընթացքում ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ղեկավար Ռ. Խաչատրյանը և ճարտարագետ-խորհրդատու Վ. Բոյաջյանը  պարզաբանեցին նախադպրոցական կրթության միկրոծրագրերի բնույթը, անդրադարձան միկրոծրագրերի կազմակերպման գործընթացին, դիտարկեցին տարածքի նպատակահարմարությունը: Նշենք, որ ուսումնասիրությանը  հաջորդելու են գնահատման և խթանման աշխատանքները: Այսպիսով՝ Լրացուցիչ ֆինանսավորմամբ նախատեսվում է մատչելի և կայուն նախադպրոցական կրթական ծառայությունների ստեղծում ընտրված համայնքներում:


 

Նորություններ

19.09.2022 Հայաստանի բարձրագույն կրթության Նորարարությունների մրցակցային հիմնադրամի շրջանակներում ՀՀ բուհերին դրամաշնորհների տրամադրման մրցույթ Հայաստանի Հանրապետությունը, Համաշխարհային բանկի հետ համագործակցությամբ, իրականացնում է «Կրթության բարելավման ծրագրի լրացուցիչ ֆինանսավորում» վարկային ծրագիրը, որի շրջանակներում իրականացվում է Նորարարությունների մրցակցային հիմնադրամի (ՆՄՀ) նոր շրջափուլը ստորև տրվող իրավասության պայմաններին բավարարող ՀՀ բուհերի համար: ՆՄՀ-ն բարձրագույն կրթության ոլորտում նորարարությունները խթանող մեխանիզմ է, որի միջոցով մրցակցային հիմունքներով ՀՀ բուհերին տրամադրվում են դրամաշնորհներ՝ նորարարական... 16.09.2022 Աշխատանքային հանդիպում Կրթական ծրագրերի կենտրոնում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում ‹‹Հանրակրթական դպրոցների վերազինում›› ենթաբաղադրիչը հուլիսից մեկնարկել է կարիքների գնահատման գործընթացը ՀՀ Արմավիրի մարզում: Գործընթացի համատեքստում ԿԾԿ ԾԻԳ-ի աշխատակիցները սեպտեմբերի երկրորդ տասնօրյակում Կրթական ծրագրերի կենտրոնում հանդիպել են ՀՀ Արմավիրի մարզի Կրթության մշակույթի սպորտի վարչության կրթության բաժնի պետ Նաիրա Սարգսյանի հետ: Հանդիպման առանցքում... 13.09.2022 Համաշխարհային բանկի Եվրոպա Կենտրոնական Ասիա տարածաշրջանի փոխնախագահի այցը թիվ 142 ավագ դպրոց Համաշխարհային բանկի Եվրոպա Կենտրոնական Ասիա տարածաշրջանի փոխնախագահ Աննա Բյերդեն սեպտեմբերի 12-ին այցելել է Երևանի Արարատ Ղարիբյանի անվան թիվ 142 ավագ դպրոց, որը հիմնանորոգվել է Համաշխարհային բանկի համաֆինասավորմամբ Կրթական ծրագրերի կենտրոն ԾԻԳ-ի աջակցությամբ՝ «Կրթության բարելավում» վարկային ծրագրի 2-րդ փուլով:Աշակերտները և ուսուցիչները ուրախ էին, որ վերադարձել են հիմանորոգված դպրոց , սովորելու են լավագույն պայմաններում և օգտվելու են նոր STEM (ԲՏՃՄ բնագիտական ուղղվածության)...