Նորություններ

ԵՊԲՀ «ՔՈԲՐԵՅՆ» կենտրոնը հյուրընկալեց «Հերացի» ավագ դպրոցի աշակերտներին

08.04.2022

ԵՊԲՀ «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնը ապրիլի 4-ին ընդունեց գիտությամբ ու բժշկությամբ հետաքրքրված ԵՊԲՀ «Հերացի» ավագ դպրոցի աշակերտներին, որոնք աչքի են ընկնում բարձր առաջադիմթյամբ և հաղթանակներ են գրանցել օլիմիպադներում: Կենտրոնը կառուցվել է Համաշխարհային բանկի կողմից ֆինանսավորվող, ՀՀ ԿԳՄՍՆ «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրով:
Կենրոնում նախատեսվում է իրականացնել մարդու ուղեղի քրոնիկ հիվանդությունների կանխարգելմանը և ուղեղի առողջ կենսագործունեության ապահովմանը միտված հետազոտություններ:«ՔՈԲՐԵՅՆ» ծրագրի ղեկավար, Գիտության գծով պրոռեկտոր Կոնստանտին Ենկոյանն աշակերտների հետ շրջայցը սկսեց կենտրոնի նախասրահից՝ աշակերտներին մանրամասն ցույց տալով և ներկայացնելով այն լուծումները, որոնք դրված են գիտության ոլորտում կարևոր առաքելություն իրականացնող կառույցի ստեղծման հիմքերում: Գիտության գծով պրոռեկտոր Կոնստանտին Ենկոյանը խոսելով ապագա բժիշկների մասնագիտական կողմնորոշման մասին՝ շեշտեց, որ գիտությամբ զբաղվելու և գիտնական դառնալու համար անհրաժեշտ է այդ ուղղությամբ աշխատել ուսումնառության վաղ փուլերից սկսած: «Դա կօգնի հասկանալ և բացահայտել գիտության դաշտում տեղի ունեցող գործընթացները»,-ասաց նա՝ հավելելով, որ գիտնականի աշխատանքը տարբերվում է բժշկի առաքելությունից: «ՔՈԲՐԵՅՆ» ծրագրի ղեկավարը բժշկագիտությամբ հետաքրքրված հերացիականներին Նեյրոգիտության լաբորատորիայում հանգամանալից ծանոթացրեց գիտական կարևոր նշանակության մի շարք ուսումնասիրությունների հետ: «Հերացի» ավագ դպրոցի տնօրեն Նարինե Սարգսյանը նշեց, որ այցին ներկա աշակերտները բժշկական բուհի ապագա ուսանողներ են, որոնք հետաքրքրված են ինչպես բժշկությամբ, այնպես էլ գիտությամբ: Նա ընդգծեց, որ ‹‹Կրթության բարելավում›› վարկային ծրագրի շրջանակներում դպրոցում ստեղծված բնագիտական առարկաների գծով ժամանակակից ռեսուրսներով կահավորված լաբորատորիաներն աշակերտներին հնարավորություն տվեցին որակյալ փորձեր անել և արդյունքներ ստանալ:
‹‹Այս լաբորատորիաները նպաստեցին երիտասարդների շրջանում գիտական հետազոտությունների նկատմամբ հետաքրքրության առաջացմանը: Կարող ենք փաստել, որ դրանք դարձան այն օղակը, որն ապահովում է դպրոց-բուհ կապը՝ հնարավորություն տալով աշակերտներին իրենց դրսևորելու բնագիտական ոլորտում: Բուհում իրականացվող հետազոտական և գիտական աշխատանքներին ծանոթացնելով՝ երիտասարդ սերունդը կարժևորի և կգնահատի գիտությունը, բժշկությունը, խելացի, գիտակից և պատասխանատու կմոտենա այն աշխատանքին, որը վերաբերում է մարդու կյանքին և առողջությանը »,- հավելեց «Հերացի» ավագ դպրոցի տնօրենը:
 

Նորություններ

27.01.2023 Հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ ‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչը Կրթական տեխնոլոգիաների ազգային կենտրոնի (ԿՏԱԿ) հետ համատեղ կբարելավվի ԿԳՄՍՆ կարողությունները՝ տվյալների հավաքագրման, վերլուծության միջոցով վերահսկելու հայաստանյան դպրոցների գործունեության արդյունավետությունը: Այս Ենթաբաղադրիչը կխթանի տվյալներով հիմնավորված և փաստերի վրա հիմնված կրթական քաղաքականության մշակման գործընթացը։ Ներկայումս ընթացքում է տվյալների... 26.01.2023 ‹‹Կրթական ծրագրերի կենտրոն›› ԾԻԳ-ը մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները ‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները: Նշենք, որ շինարարական աշխատանքների տևողությունը վերոնշյալ ավագ դպրոցներում կազմելու է մոտ 27 ամիս: Ներկայումս ընթանում են վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Հավելենք, որ... 19.01.2023 Նախադպրոցական կրթության միկրոծրագրերի Կառավարման հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2023 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2022 թվականի հունիսից: Ծրագրի արդյունավետությունն ու նպատակայնությունը բարձրացնելու նպատակով 2022 թվականի հունիս օգոստոս ամիսների ընթացքում ՀՀ թվով 5 մարզերի մարզպետարանների համապատասխան վարչություններից ԿԾԿ ԾԻԳ է...