Նորություններ

Մշտադիտարկում ԵՊՀ Ֆարմացիայի ինստիտուտում

27.07.2021

«Կրթական ծրագրերի կենտրոն» ԾԻԳ-ի կողմից և Համաշխարհային բանկի համաֆինանսավորմամբ իրականացվող «Կրթության բարելավում» վարկային ծրագրի «Հայաստանի բարձրագույն կրթության Նորարարությունների մրցակցային հիմնադրամ»-ի ընթացիկ դրամաշնորհային ծրագրերի երկշաբաթյա մշտադիտարկումների համատեքստում, հուլիսի 26-ին տեղի ունեցավ հանդիպում Երևանի պետական համալսարանում (ԵՊՀ): Մշտադիտարկումն իրականացնում էին «Կրթական ծրագրերի կենտրոն» ԾԻԳ-ի ներկայացուցիչները: Աշխատանքային խմբի անդամներին ԵՊՀ-ի Ֆարմացիայի ինստիտուտում դիմավորեց դրամաշնորհային ծրագրի համակարգող Աննա Մկրտչյանը: Նա ընդգծեց, որ ժամանակակից վերլուծական սարքավորումներով համալրված գիտաուսումնական կենտրոնի գործունեությունը և դրա հենքի վրա դեղանյութերի կառուցվածքային հետազոտությունների ու դեղերի որակի հսկման, գնահատման նոր մագիստրոսական ծրագրի ներդնումը կնպաստի միջազգային չափանիշներին համապատասխան դեղագետ-վերլուծաբան (անալիտիկ) մասնագետների պատրաստմանը: Ներկաները դրամաշնորհային ծրագրի համակարգողի ուղեկցությամբ եղան բուհի կողմից վերանորոգված և լաբորատորիայի համար նախատեսված տարածքում, որն արդեն համալրված էր Ծրագրով նախատեսված լաբորատոր կահույքով, գերժամանակակից վերլուծական սարքավորումներով:
Այցի ընթացքում ԵՊՀ դրամաշնորհային ծրագրի իրականացման ընթացքում ԿԾԿ ԾԻԳ-ին մասնագիտական աջակցություն ցուցաբերող անհատ խորհրդատու Ինեսսա Սիրեկանյանի կողմից դիտարկվեցին արդեն իսկ ձեռքբերված լաբորատոր անալիտիկ սարքավորումների, նյութերի ու պարագաների համապատասխանությունը՝ պայմանագրով սահմանված պայմաններին, ինչպես նաև քննարկվեցին դրանց կիրառության հետ կապված մի շարք հարցեր: Հանդիպման ընթացքում աշխատանքային խմբի անդամները դրամաշնորհային ծրագրի կառավարման անձնակազմի հետ քննարկեցին ծրագրի ժամանակացույցով նախատեսված գործողությունները և դրանց իրականացման ընթացքը: Ծրագրի համակարգողի հավաստմամբ, ԵՊՀ ֆարմացիայի ինստիտուտում սեպտեմբերից մեկնարկում է «Դեղերի որակի վերահսկում» մագիստրոսական նոր ծրագիրը, որի գլխավոր նպատակը դեղերի որակի հսկման և գնահատման ուղղությամբ արհեստավարժ, բարձր կարողություններով ու հմտություններով օժտված մասնագետների պատրաստումն է: Նա փաստեց, որ կենտրոնի բոլոր սարքավորումները մոնտաժված են, մեթոդները՝ ներդրված: «Հուսով ենք, որ սեպտեմբերից մեկնարկող մագիստրոսական ծրագիրն էլ կծառայի իր նպատակին: Այս ուղղությամբ մագիստրոսական ծրագիրն առաջինն է Հայաստանում: Հիմնական առավելությունն այն է, որ այս դրամաշնորհային ծրագրի արդյունքում ունենք հզոր, գերժամանակակից նյութատեխնիկական բազա, ինչը հնարավորություն է տալու իրականացնելու ցանկացած տեսակի դեղի, սննդային հավելումների և այլ պատրաստուկների որակական, քանակական անալիզ, որակի գնահատում ու մոնիտորինգի իրականացում»,- ասաց Աննա Մկրտչյանը: Դրամաշնորհային ծրագրի համակարգողը նաև ծանոթացրեց կոնսորցիում գործընկերոջ հետ համագործակցության ընթացքին, ներկայացրեց, որ դրամաշնորհային ծրագրի արդյունքում ներդրված մագիստրոսական ծրագիրը մշակվել է կոնսորցիում գործընկերոջ հետ խորհրդակցությունների արդյունքում, որոնց ընթացքում մշտապես կարևորվել է այնպիսի դեղագետ մասնագետների պատրաստումը, որոնք տիրապետում են ժամանակակից մեթոդներին և կարողանում են աշխատել նորագույն տեխնոլոգիաներով: Աննա Մկրտչյանը տեղեկացրեց, որ Ծրագրի շրջանակներում վերջերս Ֆարմացիայի ինստիտուտի և Հայաստանի խոշորագույն դեղագործական ընկերություններից մեկի ՝ «Լիկվոր»-ի, միջև կնքվել է համագործակցության հուշագիր, որն իրագործվելու է մասնավորապես մագիստրոսական այս ծրագրի շրջանակում. «Նրանք պատրաստ են փոխհատուցելու 3-4 ուսանողի ուսման վարձավճարները, հետագայում ընդունել աշխատանքի: Բացի դրանից՝ նրանք պատրաստ են ներդնել դրամաշնորհային գիտական ծրագիր, ինչը հնարավորություն կտա լավագույն մագիստրոսներին հետագայում այս ուղղությամբ շարունակելու իրենց հետբուհական կրթությունը»- հավելեց համակարգողը:
Նրա խոսքով, նմանօրինակ նախաձեռնությամբ են հանդես եկել նաև «Ազադ ֆարմասյութիքլզ» և «Արփիմեդ» դեղագործական ընկերությունները. «Այսպիսով՝ Հայաստանի առաջատար դեղագործական ընկերությունները պատրաստ են ֆինանսական աջակցություն ցուցաբերել մագիստրոսական այս ծրագրին, ինչը չափազանց կարևոր է դրամաշնորհային ծրագրի շարունակականության ապահովման տեսանկյունից»:
Հանդիպման ավարտին Ա. Մկրտչյանը հավաստիացրեց, որ «Դեղերի որակի հսկման և մոնիտորինգի գիտաուսումնական կենտրոն»-ի վեբ կայքը կգործի կենտրոնի պաշտոնական բացման արարողությունից հետո:

ԵՊՀ դեղապատրաստուկների որակի հսկման և մոնիտորինգի գիտաուսումնական կենտրոնի լաբորատորիայի մասին ստորև. https://youtu.be/bOfoM00pAOQ
 

Նորություններ

27.05.2024 Իրականացվել են ստուգայցեր հիմնանորոգվող ավագ դպրոցներում ‹‹Աջակցություն միջնակարգ դպրոցի երրորդ աստիճանի զարգացմանը ›› ենթաբաղադրիչի աշխատանքների շրջանակում ՀՀ մարզերում հիմնանորոգվող թվով երեք ավագ դպրոցներում իրականացվել են ստուգայցեր ԿԾԿ ԾԻԳ-ի բնապահպան-խորհրդատուի կողմից: 2024թ.-ի մայիսին Ա. Կարապետյանը իրականացրել է ընտրանքային տեղային մոնիթորինգներ ՀՀ Արագածոտնի մարզի Աշտարակի Ն. Սիսակյանի անվան թիվ 5 ավագ դպրոցում և ՀՀ Արմավիրի մարզի Արտաշատի ավագ դպրոցում, ինչպես նաև եղել է մայրաքաղաքի Կ. Դեմիրճյանի անվան թիվ... 22.05.2024 Դրամաշնորհային պայմանագրերի կնքում՝ նախակրթարանների հիմնման նպատակով «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրում նախակրթարանների հիմնման նպատակով:Մայիսի 22-ին ՀՀ կրթության, գիտության, մշակույթի և սպորտի նախարարության Կրթական ծրագրերի կենտրոն ԾԻԳ-ում տեղի ունեցավ հանդիպում Կոտայքի և Լոռու մարզերի ուսումնական հաստատությունների տնօրենների հետ, որի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում նախակրթարանների հիմնման... 19.05.2024 ԵՊՀ-ն՝ « ԲանՈՒԳործ. ԵՊՀ էքսպո-2024» ցուցահանդեսին ներկայացրեց ՆՄՀ դրամաշնորհով ստեղծվող Օպտիկական միկրոհամակարգերի կենտրոնը Մայիսի 16-ին ԵՊՀ-ում անցկացվեց «ԲանՈՒԳործ. ԵՊՀ էքսպո-2024» ցուցահանդեսը՝ նվիրված ԵՊՀ հիմնադրման 105-ամյակին: Ցուցահանդեսը մեկ հարկի տակ համախմբեց դիմորդներին, ուսանողներին, շրջանավարտներին, համալսարանական ստորաբաժանումների ներկայացուցիչներին և գործատուներին։ «ԲանՈՒԳործ»-ի շրջանակում դիմորդները հնարավորություն ստացան ծանոթանալու մրցունակ կրթական ծրագրերին, ուսանողները` հանդիպելու իրենց ապագա գործատուներին, իսկ գործատուները՝ ներկայացնելու իրենց գործունեությունն ու...