Նորություններ

Նախադպրոցական միկրոծրագրերի մշտադիտարկում` ՀՀ Արարատի մարզում

19.04.2021

ՀՀ ԿԳՄՍՆ «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ս.թ. փետրվար ամսից մեկնարկել են «Կրթության բարելավում» ծրագրի շրջանակներում ստեղծված նախակրթարանների մշտադիտարկման այցերը: Այցերի համատեքստում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ղեկավար Արմինե Խաչատրյանը և ԿԾԿ ԾԻԳ-ի ինժեներ-խորհրդատու Վռամ Բոյաջյանը ապրիլի 15-ին մշտադիտարկման այցեր են իրականացրել ՀՀ Արարատի մարզի չորս ուսումնական հաստատություններ, որոնց հենքի վրա 2017 թ. ընթացքում «Կրթության բարելավում» ծրագրի շրջանակում դրամաշնորհային միջոցներով հիմնվել են նախակրթարաններ: Այցը մեկնարկել է Մարմարաշենի Ա. Բարությանի անվան միջնակարգ դպրոցից, որտեղ ԿԾԿ ԾԻԳ-ի ներկայացուցիչները ծանոթացել են իրականացված աշխատանքներին, երեխաների կրթության և դաստիարակության համար ստեղծված պայմաններին, զրուցել դաստիարակների ու երեխաների հետ: Տնօրենը ներկայացրել է նախակրթարանի ստեղծման և գործունեության ընթացքը, անդրադարձել առաջիկա անելիքներին: Նշվել է, որ նախակրթարանը բնականոն գործում է , և երեխաներն ակտիվորեն մասնակցում են դասապրոցեսին: Նախակրթարանը ի սկզբանե նախատեսված է եղել 25 երեխայի համար, սակայն հետագայում փաստացի հաճախող երեխաների ավելի մեծ թվով պայմանավորված՝ լիցենզավորվել է 30 երեխայի հաշվարկով: Նախակրթարանը գործում է երկհերթ ռեժիմով՝ 6-օրյա աշխատանքային գրաֆիկով:«Կրթական ծրագրերի կենտրոն» ԾԻԳ-ի ներկայացուցիչներն այցելել են նաև Տափերականի , Ուրծաձորի միջնակարգ դպրոցներ և Վեդի քաղաքի թիվ 2 հիմնական դպրոց, որտեղ ևս իրականացվել են նախադպրոցական միկրոծրագրեր:
Նշենք, որ Տափերականի, Ուրծաձորի միջնակարգ դպրոցներում գործող նախակրթարաններում ընդգրկված է 5 տարեկան շուրջ 25 երեխա, Նախակրթարանները գործում են 5-օրյա աշխատանքային գրաֆիկով:ԿԾԿ ԾԻԳ ներկայացուցիչներն այցն ամփոփեցին Վեդի քաղաքի թիվ 2 հիմնական դպրոցում : վերոնշյալ դպրոցում նախակրթարանը ստեղծվել է 20 երեխայի համար, իսկ հետագայում հաճախող երեխաների թվի աճով պայմանավորված լիցենզավորվել է 40 երեխաների հաշվարկով: Փաստացի հաճախող երեխաների թիվը 40 է: Նախակրթարանը գործում է երկու խմբով՝ 5-օրյա աշխատանքային գրաֆիկով: Դասապրոցեսը ընթանում էր բավականին ակտիվ՝ երեխաների անմիջական մասնակցությամբ:
Բոլոր չորս նախակրթարանները, դրամաշնորհային ծրագրերի իրականացման շրջանակում կահավորվել են ժամանակակից գույքով ու սարքավորումներով, ինչպես նաև ապահովվել են ուսումնական և ուսուցողական նյութերով ու խաղալիքներով: Բոլոր նախակրթարաններում դաստիարակի աշխատանքներն իրականացնում են ծրագրի շրջանակում վերապատրաստված դաստիարակները: Նախակրթարաններում պահպանվում են ՀՀ առողջապահության նախարարության հաստատած սանիտարահիգիենիկ պահանջները: Հավելենք, որ նախակրթարաններն ունեն հարմարեցված պայմաններ:
 

Նորություններ

27.01.2023 Հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ ‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչը Կրթական տեխնոլոգիաների ազգային կենտրոնի (ԿՏԱԿ) հետ համատեղ կբարելավվի ԿԳՄՍՆ կարողությունները՝ տվյալների հավաքագրման, վերլուծության միջոցով վերահսկելու հայաստանյան դպրոցների գործունեության արդյունավետությունը: Այս Ենթաբաղադրիչը կխթանի տվյալներով հիմնավորված և փաստերի վրա հիմնված կրթական քաղաքականության մշակման գործընթացը։ Ներկայումս ընթացքում է տվյալների... 26.01.2023 ‹‹Կրթական ծրագրերի կենտրոն›› ԾԻԳ-ը մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները ‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները: Նշենք, որ շինարարական աշխատանքների տևողությունը վերոնշյալ ավագ դպրոցներում կազմելու է մոտ 27 ամիս: Ներկայումս ընթանում են վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Հավելենք, որ... 19.01.2023 Նախադպրոցական կրթության միկրոծրագրերի Կառավարման հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2023 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2022 թվականի հունիսից: Ծրագրի արդյունավետությունն ու նպատակայնությունը բարձրացնելու նպատակով 2022 թվականի հունիս օգոստոս ամիսների ընթացքում ՀՀ թվով 5 մարզերի մարզպետարանների համապատասխան վարչություններից ԿԾԿ ԾԻԳ է...