Նորություններ

Բնագիտական առարկաների գծով լաբորատորիաներ՝ ՀԱԱՀ հանրակրթական ծրագրերի ուսուցման վարժարանում

19.03.2021

Մարտի 18-ին ՀԱԱՀ հանրակրթական ծրագրերի ուսուցման վարժարանում տեղի ունեցավ բնագիտական առարկաների գծով լաբորատորիաների պաշտոնական բացումը: ՀԱԱՀ հանրակրթական ծրագրերի ուսուցման վարժարանը այն 99 ավագ դպրոցներից մեկն է, որտեղ բնագիտական առարկաների գծով (ֆիզիկա, քիմիա, կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի կողմից իրականացվող ‹‹Կրթության բարելավում›› վարկային ծրագրի շրջանակներում ստեղծված այս ենթակառուցվածքները նպատակ ունեն վարժարանում ստեղծել արդիական ուսումնական միջավայր, որտեղ աշակերտը կարող է տեսական գիտելիքները ամրապնդել գործնական հմտություններով: Բնագիտական առարկաների գծով լաբորատորիաների բացման հանդիսավոր արարողությանը ներկա էին ‹‹Կրթական ծրագրերի կենտրոն›› ԾԻԳ-ի ներկայացուցիչներ, ՀԱԱՀ ռեկտոր Վարդան Ուռուտյանը բուհի պրոֆեսորադասախոսական կազմի ներկայացուցիչներ, ՀԱԱՀ վարժարանի ուսուցչներ և աշակերտներ: ՀԱԱՀ ռեկտոր Վարդան Ուռուտյանը երախտիքի խոսք հայտնեց բոլորին, որոնց ջանքերով կյանքի կոչվեց ծրագիրը և շնորհակալագիր հանձնեց ‹‹Կրթական ծրագրերի կենտրոն›› ԾԻԳ-ի ներկայացուցիչներին:
‹‹Համոզված ենք, այս արմատական փոփոխությունը նոր որակ կբերի, մեծ դեր կունենա պատանիների մասնագիտական ճիշտ կողմնորոշման, բուհի անսխալ ընտրության հարցում: Հույս ունենք նաև, որ ԿԳՄՍ նախարարության «Կրթական ծրագրերի կենտրոն» ԾԻԳ-ի հետ արդյունավետ համագործակցությունը շարունակական կլինի, որը ծառայել և ծառայելու է հանրակրթության մակարդակի հարաճուն բարելավմանը››,- նշեց ՀԱԱՀ ռեկտորը:
ԿԳՄՍՆ ‹‹Կրթական ծրագրերի կենտրոն›› ԾԻԳ-ի ներկայացուցիչ Նունե Ասրյանը խոսեց կատարված աշխատանքի մասին.
‹‹Բնագիտական առարկաների նյութատեխնիկական բազայի ապահովվածության և թարմացման նպատակով ԿԳՄՍ նախարարության «Կրթական ծրագրերի կենտրոն» ԾԻԳ-ի նախաձեռնությամբ բարելավվեց երկրի թվով 99 ավագ դպրոցների լաբորատոր սարքավորումներով զինվածությունը: Հույս ունենք, որ այս լաբորատորիանները կնպաստեն բնագիտական առարկաներից միջազգային օլիմպիադաներում դպրոցի նոր ձեռքբերումներին, քանի որ «Կրթության բարելավում» վարկային ծրագրի շրջանակներում ձեռք բերված ժամանակակից սարքավորումների միջոցով գիտատեխնիկական բազմաբնույթ փառատոններին ու միջազգային մրցույթներին աշակերտների մասնակցությունն առավել քան իրատեսական է դառնում››,- հավելեց Ն. Ասրյանը:
«Կրթական ծրագրերի կենտրոն» ԾԻԳ-ի ներկայացուցիչը նշեց նաև, որ մինչ լաբորատոր սարքավորումների տրամադրման գործընթացի մեկնարկը, նախապես ‹‹Կրթական ծրագրերի կենտրոնի›› կողմից մշակվել է բնագիտական առարկաների գծով գնման ենթակա լաբորատոր սարքավորումների համակազմը, լաբորատորիաների կահավորման մոդելները, իրականացվել են ուսումնասիրություններ, կատարվել է կարիքների գնահատում, իսկ լաբորատորիաների կահավորմանը զուգահեռ իրականացվել է նաև ջրամատակարարման և ջրահեռացման մոտանտաժային աշխատանքներ:
ՀԱԱՀ հանրակրթական ծրագրերի ուսուցման վարժարանի տնօրենի հավաստմամբ տրամադրված լաբորատոր սարքավորումները նոր ուսումնական տարում ամենօրյա կիրառելիություն կունենան դասապրոցեսում:
 

Նորություններ

19.04.2021 Նախադպրոցական միկրոծրագրերի մշտադիտարկում` ՀՀ Արարատի մարզում ՀՀ ԿԳՄՍՆ «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ս.թ. փետրվար ամսից մեկնարկել են «Կրթության բարելավում» ծրագրի շրջանակներում ստեղծված նախակրթարանների մշտադիտարկման այցերը: Այցերի համատեքստում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների... 12.04.2021 Գորիսի ավագ դպրոցում ընթացքում են հիմնանորոգման աշխատանքները Ապրիլի 9-ին «Կրթության բարելավում» ծրագրի շրջանակներում իրականացվող աշխատանքների համատեքստում ԿԾԿ ԾԻԳ-ի ներկայացուցիչները աշխատանքային այց են իրականացրել հիմնանորոգվող Գորիսի ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ներկայացուցիչներ Ռաֆայել Հովսեփյանն ու Մանվել Սարիբեկյանը եղել են հիմնանորոգվող... 05.04.2021 Արմավիրի մարզի Վաղարշապատի Մ. Գորկու անվան թիվ 5 ավագ դպրոցում ընթացքում են հիմնանորոգման աշխատանքները Ապրիլի 2-ին ՀՀ ԿԳՄՍՆ «Կրթական ծրագրերի կենտրոն» ԾԻԳ-ի ներկայացուցիչներն աշխատանքային այցով եղան ՀՀ Արմավիրի մարզի Վաղարշապատի Մ. Գորկու անվան թիվ 5 ավագ դպրոցում: Այցի նպատակը վերոնշյալ ավագ դպրոցի հիմնանորոգման աշխատանքների հետ կապված հարցերի քննարկումն էր : Հիշեցնենք, «Կրթության բարելավում» վարկային ծրագրի շրջանակներում 2019թ.-ի դեկտեբերի 2-ից մեկնարկել են վերոնշյալ ավագ դպրոցի հիմնանորոգման աշխատանքները: Վաղարշապատի Մ. Գորկու անվան թիվ 5 ավագ դպրոցը ներկայումս...