Նորություններ

«Կրթության բարելավում» վարկային ծրագրի շրջանակներում շարունակվում են ՏՀՏ վերապատրաստումները

22.01.2021

«Կրթության բարելավում» վարկային ծրագրի շրջանակներում շարունակվում են «Կրթական ծրագրերի կենտրոն» ԾԻԳ-ի կողմից կազմակերպված հանրակրթական ուսումնական հաստատությունների ներկայացուցիչների վերապատրաստումներ` առարկաների դասավանդման ընթացքում ՏՀՏ գործիքների կիրառումը խթանելու նպատակով: Պայմանավորված արտակարգ դրությամբ և առկա վերապատրաստումների անցկացման հնարավորության բացակայությամբ, 2020թ.-ից համապատասխան փոփոխություններ են իրականացվել վերապատրաստման մոդուլների բովանդակության և ժամանակացույցի մեջ՝ հնգօրյա առկա վերապատրաստումները իրականացվել են առցանց՝ տասն օրում։ Առցանց վերապատրաստումներն անխափան իրականացնելու համար ձեռք է բերվել «Zoom» ծրագրային հավելվածը։ 2020թ.-ի հունիսի 30-ից միաժամանակ 12 խմբերում մեկնարկել են առցանց վերապատրաստումներ։
Ավարտական մանկավարժական սցենարների պատրաստում, հետաքրքիր, հարուստ բովանդակությամբ նախագծեր, թիմային աշխատանք, վերջնական ստուգիչ թեստ, ամպային տեխնոլոգիաների հետ ծանոթացում՝ սրանք վերոնշյալ վերապատրաստումների արդյունքում ձեռք բերված գիտելիքների միայն մի փոքր մասն են՝ փաստում են մանկավարժները:
«Մենք չենք մերժում ավանդականը, մենք համադրում ենք այն նոր մոտեցումներով՝ ստանալով մի քանի անգամ ավելի բարձր արդյունավետություն, գրավիչ դաս, հետաքրքիր ու մոտիվացնող կրթություն, աշակերտների գրեթե 100% ներգրավվածություն դասին»,- հավելում են Արմավիրի մարզի Վաղարշապատ քաղաքի և հարակից գյուղերի հանրակրթական դպրոցների ուսուցիչները:
Նշենք, որ իրականացվել է նաև ՏՀՏ վերապատրաստում անցած ուսուցիչների կողմից ուսումնասիրած գործիքների միջոցով պատրաստված դասերի տեսակավորում ըստ առարկաների: Այդ ռեսուրսները (հարցաշարեր, տեսադասեր, վիկտորինաներ) տեղադրված են ՀՀ ԿԳՄՍՆ ԿԾԿ ԾԻԳ-ի հեռավար ուսուցման թվային էլեկտրոնային նյութերի պահոցում, http://icttraining.armedu.am/, որտեղ ազատ մուտք կարող են ունենալ նաև չգրանցված ուսուցիչները` «Հյուր»-ի կարգավիճակով: Էլեկտրոնային նյութերի պահոցում այս պահին հասանելի է 500-ից ավելի կրթական նյութ։
Հավելենք, որ Ֆեյսբուք սոցիալական ցանցում գործում է «ԿԾԿ ԾԻԳ-ի ՏՀՏ վերապատրաստում» խումբը, որին անդամակցում են շուրջ 6500 մանկավարժներ: Նշենք, որ ՏՀՏ վերապատրաստումները կշարունակվեն նաև 2021թվականին:

 

 

Նորություններ

26.02.2024 Համաշխարհային բանկի թիմը Կրթական ծրագրերի կենտրոնի աշխատակիցների հետ ամփոփել է մայրաքաղաքային և մարզային այցերը Փետրվարի 23-ին Հայաստան այցի շրջանակում Համաշխարհային բանկի պատվիրակությունը ամփոփիչ հանդիպում է ունեցել ՀՀ ԿԳՄՍՆ ‹‹Կրթական ծրագրերի կենտրոն›› ԾԻԳ-ի աշխատակիցների հետ: Առաքելության կազմում էին Առաջադրանքի թիմի համաղեկավար Շիզուկա Կոնիմոտոն, ՀԲ խորհրդատու Աննա Մալխասյանը, ՀԲ Հայաստանի գրասենյակի ծրագրերի ավագ պատասխանատու՝ Նարինե Թադևոսյանը և ՀԲ գնումների մասնագետ Արմինե Այդինյանը : Հանդիպման առանցքում ՀԲ-ի կողմից ֆինանսավորվող «Կրթության բարելավման ծրագրի... 23.02.2024 ՀԲ-ն ներկայացրել է ԲՏՃՄ ուղղություններով իրականացված կրթական բարեփոխումների անկախ գնահատման արդյունքները ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր մասնակցել է Համաշխարհային բանկի կողմից Հայաստանում ԲՏՃՄ ուղղություններով իրականացված կրթական բարեփոխումների գնահատման վերաբերյալ հետազոտության արդյունքների ներկայացմանը նվիրված միջոցառմանը: Միջոցառմանը ներկա են եղել նաև Հայաստանում Եվրոպական միության ղեկավար, դեսպան Վասիլիս Մարագոսը, Համաշխարհային բանկի հայաստանյան գրասենյակի ղեկավար Կարոլին Գեգինաթը, ԿԳՄՍ նախարարի տեղակալներ Արաքսիա Սվաջյանն ու Արթուր... 22.02.2024 ՀԲ պատվիրակության այցերը ՀՀ մարզեր շարունակվում են ՀԲ պատվիրակության այցերը ՀՀ մարզեր շարունակվեցին նաև փետրվարի 21-ին: ՀԲ պատվիրակությունը եղավ ՀՀ Արմավիրի մարզի Մուսալեռ և Զարթոնք համայնքների միջնակարգ դպրոցներում, որտեղ դիտարկվեցին նորաստեղծ նախակրթարանները և տեղեկատվական տեխնոլոգիաների ( ինֆորմատիկա) և բնագիտական առարկաների (ֆիզիկա, քիմիա, աշխարհագրություն և կենսաբանություն) գծով լաբորատորիաները:: ՀԲ Առաջադրանքի թիմի համաղեկավար, Շիզուկա Կոնիմոտոն, նշեց, որ նախադպրոցական կրթությունը դպրոցում ուսումնական գործընթացի հաջող մեկնարկի...