Նորություններ

101 Ուսումնական հաստատություններ հեռավար ուսուցման կազմակերպման համար կվերազինվեն անհրաժեշտ համակարգչային սարքավորումներով

05.11.2020

Նոր կորոնավիրուսի համավարակը և ռազմական դրությունը մեծ մարտահրավեր է ոչ միայն պետությանը, տնտեսությանը, առողջապահական համակարգին, այլ նաև կրթական համակարգի համար։ Ստեղծված պայմաններում կրթական հաստատությունները ստիպված են առցանց սկզբունքով ուսուցում իրականացնել՝ ապահովելու աշակերտների կրթության անընդհատությունը։ Կրթական ծրագրերի կենտրոնը հաշվի առնելով ստեղծված իրավիճակի մարտահրավերները և միասնական լուծումներ գտնելու անհրաժեշտությունը, կրթական հաստատություններին աջակցություն ցուցաբերելով՝ ոչ միայն ներդրել է առցանց ուսուցման ամբողջական գործիքակազմը,որը գործում է
https://heravar.armedu.am/ հեռավար ուսուցման համալիր էջում ներառված https://icttraining.armedu.am/ էլեկտրոնային հասցեում, այլև ստեղծված իրավիճակով պայմանավորված ՀՀ մարզերի մի շարք դպրոցների, որտեղ որոշ առարկաների ուսուցիչները բացակայում են , հնարավորություն է ընձեռնել ուսուցումն իրականացնել հեռավար ձևով՝․ անհրաժեշտ համակարգչային սարքավորումների տրամադրմամբ: Նշենք, որ ԿԳՄՍ նախարարության և «Կրթական տեխնոլոգիաների ազգային կենտրոն» ՊՈԱԿ-ի կողմից տրամադրած տեղեկատվության հիման վրա, ԿԾԿ ԾԻԳ-ը «Կրթության բարելավում» ծրագրի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի աշխատանքների շրջանակներում նախապես իրականացրել է վերլուծություն՝ հեռավար ուսուցման կարիք ունեցող ուսումնական հատատությունների ընտրության և այդ հաստատություններում հեռավար ուսուցումը կազմակերպելու համար անհրաժեշտ համակարգչային սարքավորումների առկայությունը որոշելու նպատակով։
Առանձնացվել են բոլոր այն ուսումնական հաստատությունները, որտեղ որևէ առարկա չի դասավանդվում ուսուցչի բացակայության պատճառով կամ դասավանդվում է հինգ տարուց պակաս այդ առարկան դասավանդող, մասնագիտական կրթություն չունեցող ուսուցչի կողմից։ Հավելենք , որ ի սկզբանե չեն դիտարկվել Երևանի և Տավուշի մարզի ուսումնական հաստատությունները, քանի որ Երևանում ուսուցիչների բացակայության պատճառով չդասավանդվող առարկաներ չկան, իսկ Տավուշի մարզի միջնակարգ և հիմնական հանրակրթական ուսումնական հաստատությունները կհամալրվեն անհրաժեշտ համակարգչային սարքավորումներով «ԵՄ-ն ի նպաստ նորարարության» փորձնական դրամաշնորհային ծրագրի շրջանակներում: Ընտրվել են ՀՀ մարզերի (բացառությամբ Տավուշի մարզի) 101 ուսումնական հաստատություններ՝ հեռավար ուսուցման կազմակերպման համար անհրաժեշտ համակարգչային սարքավորումներով վերազինման նպատակով: Ուսումնասիրելով այդ ուսումնական հաստատություններում առկա համակարգչային սարքավորումները, դրանց քանակը և ձեռք բերման ժամանակահատվածը՝ հեռավար ուսուցման որակն ու արդյունավետությունն ապահովելու նպատակով՝ ԿԾԿ ԾԻԳ-ը կտրամադրի բոլոր հաստատություններին մեկ ամբողջական արդի համակարգչային սարքավորումների փաթեթ( մեկ համակարգիչ , մոնիտոր, անխափան սնուցման սարք, վեբ տեսախցիկ, բարձրախոս, միկրոֆոն, բազմաֆունկցիոնալ սարք, պրոյեկտոր, եռաոտանի) որը լավագույնս կապահովի բոլոր սարքավորումների համատեղելիությունը և համակարգի անխափան գործարկումը։ Ինպես նաև, հաշվի առնելով, որ ՀՀ ավագ դպրոցները առավել լավ են հագեցած համակարգչային սարքավորումներով և կարող են տարածաշրջանում հանդես գալ որպես մենթոր դպրոցներ, հեռավար կրթություն իրականացնելու նպատակով ԿԾԿ ԾԻԳ-ը 99 ավագ դպրոցներին կտրամադրի նաև մեկական կոնֆերանս տեսախցիկներ: Հավելենք, որ «Կրթության բարելավում» վարկային ծրագրի շրջանակներում ներկայումս հիմնանորոգվող 8 ավագ դպրոցներին կոնֆերանս տեսախցիկ կտրամադրվի հաջորդ տարի: Նշենք, որ սեպտեմբերի 25-ին «ԼանԱր Սերվիս» ՍՊԸ-ի հետ կնքված պայմանագրի կատարման աշխատանքները ընթացքում են և պայմանագրի ավարտից հետո բոլոր վերոնշյալ դպրոցները կվերազինվեն համապատասխան համակարգչային սարքավորումներով:

 

 

 

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...