Նորություններ

‹‹Կրթական ծրագրերի կենտրոն›› ԾԻԳ-ն ամփոփում է 2018-2020թթ. ընթացքում կատարված աշխատանքները

17.09.2020

‹‹Դպրոցին՝ երեխաների պատրաստվածության բարձրացում և կրթության հավասար մեկնարկային հնարավորությունների ապահովում›› ենթաբաղադրիչի շրջանակներում իրականացվել են նախակրթարանների ստեղծման 56 միկրոծրագրեր Վայոց Ձորի, Լոռու, Գեղարքունիքի, Արագածոտնի, Շիրակի, Կոտայքի, Արմավիրի, Սյունիքի, Տավուշի մարզերում և Երևան քաղաքում, որից 6-ում ծրագիրը իրականացվել է ամբողջապես դրամաշնորհային միջոցներով` առանց համայնքի ներդրման: Դրանցում ընդգրկված են նախադպրոցական տարիքի շուրջ 1200երեխաներ: Կրթության ազգային ինստիտուտի և ՀՊՄՀ-ի կողմից վերապատրաստվել են նորաստեղծ նախակրթարանների 78 դաստիարակներ: 2018 թ. ընթացքում ավարտվել են առաջին փուլով հինգ ավագ դպրոցների հիմնանորոգման աշխատանքները Մեծամոր, Արարատ, Մարտունի, Հրազդան և Նոյեմբերյան քաղաքներում: Նշված օբյեկտները հանձնվել են շահագործման: 2018 թ.-ին երկրորդ փուլով հիմնանորոգման ընթացքում են 8 ավագ դպրոցներ՝ Գյումրի քաղաքի ակադեմիական վարժարանի (գիմնազիա), Երևանի ՀՊՄՀ հենակետային վարժարանի, Արթիկի թիվ 3, Սևանի, Գորիսի թիվ 1, Երևանի թիվ 42 և թիվ 142 ավագ դպրոցները, ՀՀ Արմավիրի մարզի Վաղարշապատի թիվ 5 ավագ դպրոցը: Ավագ դպրոցների համար բնագիտական առարկաների (ֆիզիկա, քիմիա, կենսաբանություն, աշխարհագրություն) գծով լաբորատոր սարքավորումների ձեռքբերման, մատակարարման , կահավորման գործընթացն ավարտվել է, որի արդյունքում ՀՀ բոլոր ավագ դպրոցներում (թվով 99) հիմնվել են բնագիտական գծով լաբորատորիաներ , միայն թվով 8 դպրոցներում , որոնք հիմնանորոգվում են լաբորատորիաների հիմնումը կմեկնարկի հիմնանորոգումից հետո:2019-ին թվով 48 ավագ դպրոցի հատկացվել են նաև «Աշխարհագրություն» առարկայի մասով համապատասխան ուսումնական տպագրական նյութեր: ԿԾԿ ԾԻԳ-ի կողմից 2018-2020թթ. կազմակերպվել են ՏՀՏ վերապատրաստումներ, որի արդյունքում վերապատրաստվել է 3000-ից ավելի ուսուցիչ: Իրականացվել են ԿՏԱԿ-ի շենքի հիմնանորոգման աշխատանքները, ստեղծվել է ‹‹Տվյալների մշակման նոր կենտրոն>>:2020թ.-ին Իրականացվել է վերապատրաստում անցած ուսուցիչների կողմից ուսումնասիրած գործիքների միջոցով պատրաստված դասերի տեսակավորումը ըստ առարկաների և տեղադրվել է http://icttraining.armedu.am/ հարթակում։ Արդեն տեղադրվել է 500-ից ավել կրթական նյութ։ 2019թ.-ին 42 հանրակրթական ուսումնական հաստատությունների տրամադրվել են ինտերակտիվ պրոյեկտորներ, իսկ 63 ուսումնական հաստատությունների՝ պրոյեկտորներ: Հանրակրթական առարկայական չափորոշիչներն ու ծրագրերը վերանայելու նպատակով 2019թ.-ին ստեղծվել են աշխատանքային խմբեր, որոնք պարբերաբար հանդիպումներ են ունենում առանձին ոլորտային խմբերով, ինչպես նաև միասնական հանդիպումներ են կազմակերպում ԵՄ ֆինանսավորմամբ իրականացվող «Հայաստանում ԵՄ-ն՝ նորարարության համար» ծրագրի շրջանակում՝ STEM առարկաների չափորոշիչներ և ծրագրեր մշակող աշխատանքային խմբերի հետ։ Աշխատանքային խմբերը կողմից մշակվել է համապատասխան ոլորտների հանրակրթության առարկայական չափորոշիչների և ծրագրերի նախագծի տարբերակները:Նրանք հեռավար հանդիպում-քննարկումներ են ունեցել մեթոդաբանության գծով պատասխանատու միջազգային փորձագետի հետ: Քննարկման փուլում են մշակված փաստաթղթերը մեթոդաբանության տեսանկյունից: Հասարակական գիտություններ և արվեստ ոլորտների ուղղությամբ աշխատանքային խմբերին տեխնիկական աջակցություն տրամադրելու նպատակով ընտրվել են 2 միջազգային խորհրդատուներ: Ընդանում են հեռավար հանդիպումներ միջազգային խորհրդատուների հետ: Հանրակրթական առարկայական չափորոշիչներն ու ծրագրերի նախագծերը հանրային քննարկման փուլում են:
2018 թվականին Նորարարությունների մրցակցային հիմնադրամի (ՆՄՀ) շրջանակներում յոթ դրամաշնորհառու բուհեր ավարտել են նորարարական զարգացման ծրագրերի իրականացումը՝ Երևանի պետական բժշկական համալսարանը, Երևանի պետական կոնսերվատորիան, Հայաստանի Ֆիզիկական կուլտուրայի և սպորտի պետական ինստիտուտը, Խ. Աբովյանի անվան Հայկական պետական մանկավարժական համալսարանը, Գլաձոր համալսարանը, Հյուսիսային համալսարանը և Շիրակի պետական համալսարանը, որոնց արդյունքում ստեղծվել են մեծ թվով ենթակառուցվածքներ , գերազանցության կենտոններ ու լաբորատորիաներ: 2019թ.-ից են 6 բուհերում ՝ «Երևանի պետական համալսարան» հիմնադրամում, «Երևանի Մ. Հերացու անվան պետական բժշկական համալսարան» հիմնադրամում , «Հայաստանի ազգային ագրարային համալսարան» հիմնադրամում, «Ճարտարապետության և շինարարության Հայաստանի ազգային համալսարան» հիմնադրամում, «Վ. Բրյուսովի անվան պետական համալսարան» հիմնադրամում և Հայ-ռուսական համալսարանում ընթացքում են դրամաշնորհային ծրագրերը, որոնք կամփոփվեն 2021թ.-ի հունիսին:
 

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...