Նորություններ

Առարկայական չափորոշիչները՝ միջազգային փորձագետների ուշադրության կենտրոնում

31.08.2020

Հուլիս-օգոստոս ամիսների ընթացքում «Կրթական ծրագրերի կենտրոն» ԾԻԳ-ի` «Կրթության բարելավում» վարկային ծրագրի շրջանակներում կազմակերպվեց հանդիպումների շարք , միջազգային փորձագետի մասնակցությամբ, առցանց ձևաչափով: Հանդիպումների առանցքում առարկայական չափորոշիչների և ծրագրերի կարիքների գնահատման հետազոտության քննարկումն էր: Zoom հարթակում կայացած թվով 5 առցանց հանդիպումների ընթացքում կրթության ոլորտի փորձագետ, արվեստագետ դոկտոր Գիլհերմի Ռոմանելլին արվեստի, պատմության և հասարակագիտության բնագավառները ներկայացնող հայաստանյան փորձագետների հետ քննարկեց առարկայական չափորոշիչներին վերոբերող խնդիրները, ներկայացրեց ‹‹Արվեստ›› ‹‹Հասարակագիտություն›› և ‹‹Պատմություն›› առարկաների ուսումնական ծրագրերի մշակման եվրոպական փորձը, պատասխանեց մասնակիցների հարցերին, քննարկեց ուսուցման վերջնարդյունքները բոլոր ոլորտների համար, ներառարկայական կապերը, պրոյեկտային ուսուցման մոտեցումները, անդրադարձավ գնահատման սկզբունքներին:
‹‹Ուսումնական ծրագրի ավելի լավ գնահատման նպատակով ես ուսումնասիրել եմ Հայաստանի պատմությունը, աշխարհագրությունը, մշակույթն ու կրթությունը։ Սա էական նախնական ուսումնասիրություն էր՝ հասկանալու տեղի իրողությունները։ Այս ուսումնասիրությունը շատ հաճելի էր և թարմացրեց նախկինում հայկական մշակույթի հետ իմ՝ որպես երաժշտի, արվեստի ուսուցչի և պատմություն սիրողի նախկին շփումները։ Հայկական մշակույթի մեջ այսպիսի խորասուզումը նաև կարևոր նախապատրաստական քայլ էր, որը հնարավորություն տվեց արդյունավետ երկխոսություն ծավալել հայաստանյան տեղական թիմի հետ>>,-պարզաբանեց փորձագետը:
Հաջորդ քայլը փորձագետի հավաստմամբ Հանրակրթության պետական չափորոշչի և Արվեստ բնագավառի առարկայական չափորոշիչների և ուսումնական ծրագրերի, այդ թվում՝ հայեցակարգային փաստաթղթերի, հավելվածների և վերջնարդյունքների նախնական ուսումնասիրությունն էր։
Փորձագետը հանդիպումների ընթացքում ներկայացրեց իր դիտարկումները և առաջարկները նախագծի վերաբերյալ: Մասնագիտական խմբի կողմից նույնպես կատարվեցին փաստաթղթի նախագծի բարելավմանն ուղղված նոր առաջարկներ:Արդյունքում նախագծում կատարվեցին որոշ ճշգրտումներ և բարեփոխումներ: Կարևորելով ուսուցման կազմակերպման ձևերն ու միջազգային չափանիշներով փաստաթուղթ ունենալուն վերաբերող հարցերը, մասնագիտական խումբը քննարկեց առարկաների ծրագրերի բեռնաթափման, գիտելիքների գնահատման համակարգի փոփոխությունների ուղղությամբ իրականացվող աշխատանքները:
<<Հայ փորձագետների հետ այս հանդիպումները մշակութային փոխանակումների և հայկական դպրոցներում Արվեստի դասավանդման ներկա իրավիճակը և ապագայի նպատակները հասկանալու հիանալի և հագեցած հնարավորություն էին։ Այս զրույցները նաև կարևոր էին՝ հասկանալու առարկայական չափորոշիչների և ուսումնական ծրագրերի վերանայման գործընթացում իմ միջամտության սահմանները>>, հավելեց փորձագետը:
 

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...