Նորություններ

ՃՇՀԱՀ-ի դրամաշնորհային ծրագիրն ամփոփում է մեկ տարին

23.07.2020

Հուլիսի 23-ին երկշաբաթյա մոնիտորինգային այցերի համատեքստում աշխատանքային այցով Ճարտարապետության և շինարարության Հայաստանի ազգային համալսարանում (ՃՇՀԱՀ) էին «Կրթական ծրագրերի կենտրոն››ԾԻԳ-ի ևԿԳՄՍ նախարարության ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Աշխատանքային խումբը ՃՇՀԱՀ-ի դրամաշնորհային ծրագրի ղեկավար Վարազդատ Հովհաննիսյանի ուղեկցությամբ ծանոթացավ ՆՄՀ երկրորդ հիմնական շրջափուլի շրջանակներում հիմնվող ‹‹Տրանսպորտային ուղիների շինարարություն և շահագործում» ուսումնագիտափորձարարական լաբորատոր բազայի ստեղծման ընթացիկ աշխատանքներին:Նշենք, որ ՃՇՀԱՀ-ի դրամաշնորհային ծրագրով նախատեսվում է «Տրանսպորտային ուղիների շինարարություն և շահագործում» կրթական ծրագրի վերանայում և ներդնում և վերջինիս շրջանակներում կրթամասերի տեսքով երկու ուղղությունների՝«Ավտոճանապարհների շինարարություն» ու «Կամուրջներ և տրանսպորտային թունելներ»առանձնացում, բուհի կարողությունների հզորացմանը միտված արդիական ուսումնագիտափորձարարական լաբորատոր բազայի ստեղծում,ինչպես նաև «Տրանսպորտային ուղիների շինարարություն և շահագործում» մագիստրոսական կրթական ծրագրի մասնագիտական դասընթացների թվայնացում՝ Moodle էլեկտրոնային հարթակի կիրառմամբ: Հանդիպման սկզբում աշխատանքային խմբի անդամները դրամաշնորհային ծրագրի կառավարման անձնակազմի ներկայացուցիչների հետ քննարկեցին ծրագրի ժամանակացույցով նախատեսված գործողությունները և դրանց իրականացման ընթացքը: Ապա, ներկաները շրջեցին դրամաշնորհային ծրագրի շրջանակներում ստեղծվելիք լաբորատորիայի համար առանձնացված համապատասխան տարածքներում, որոնցից մեկն արդեն պատրաստ էր, իսկ մյուսում ընթացքի մեջ էին վերանորոգման աշխատանքները: Դրամաշնորհային ծրագրի ղեկավարը նշեց, որ ծրագրի շրջանակներում ձեռքբերված գրենական պիտույքները և համակարգչային սարքավորումները, պահեստավորված են համապատասխան տարածքում, իսկ լաբորատոր սարքավորումների և հարմարանքների ձեռքբերումը և մատակարարումը նախատեսվում է իրականացնլ ս.թ. հոկտեմբերին:
Դրամաշնորհային ծրագրի համակարգող Ա. Մարտիրոսյանը նշեց, որ ծրագրի շրջանակներում քայլեր են իրականացվել կրթության բովանդակության բարեփոխման ուղղությամբ, մասնավորապես բուհի պրոֆեսորադասախոսական անձնակազմի կողմից մեկնարկել են «Տրանսպորտային ուղիների շինարարություն և շահագործում» մագիստրոսական կրթական ծրագրի վերանայման, ներդրման, ուսումնական պլանի կազմման և դասընթացների ծրագրերի մշակման աշխատանքները, ընդորում,նախատեսվում է կրթամասերի տեսքով առանձնացնել երկու ուղղություններ՝ «Ավտոճանապարհների շինարարություն» ու «Կամուրջներ և տրանսպորտային թունելներ»: Ըստ այդմ, դրամաշնորհային ծրագրի համակարգողի հավաստմամբ, ուսումնական պլանները արդեն իսկ հաստատվել են ՃՇՀԱՀ-ի Գիտական խորհրդի կողմից, և ներկայումս բուհի պրոֆեսորադասախոսական անձնակազմի կողմից ընթացքի մեջ են դասընթացների ծրագրերի մշակման աշխատանքները:
Միաժամանակ, Ա. Մարտիրոսյանի հավաստմամբ, բուհի կողմից մեկնարկելէ «Տրանսպորտային ուղիների շինարարություն և շահագործում»կրթական ծրագրում ընդգրկված մասնագիտական դասընթացների՝ Moodle էլեկտրոնային հարթակի կիրառմամբ թվայնացման նպատակով անհրաժեշտ աշխատանքների իրականացումը:
«Նոր կորոնավիրուսի համավարակի պայմաններում ուսուցման առցանց իրականացումը ենթադրում է նոր մոտեցումներ և ՏՀՏ նոր գործիքներ:Ստեղծված իրավիճակում Moodle էլեկտրոնային հարթակի կիրառումը էլ ավելի է կարևորվում՝ առցանց ուսուցման ամբողջական գործիքակազմ ունենալու և ուսանողների կրթության անընդհատությունը ապահովելու տեսանկյունից»,- փաստեց Ա. Մարտիրոսյանը:
ՃՇՀԱՀ-ի դրամաշնորհային ծրագրի ղեկավար Վարազդատ Հովհաննիսյանն էլ հավելեց, որ լաբորատորիայի ստեղծումը կնպաստի տրանսպորտային ուղիների շինարարության և շահագործման ոլորտի հիմնարար և կիրառական հետազոտությունների արդիակացմանը, թույլ կտա իրականացնել տեխնիկական համագործակցություն՝գործող շինարդյունաբերության, շինարարական և շինարարություններին վերահսկող կազմակերպությունների հետ, ինչպես նրանց անհրաժեշտ նոր մշակումների կատարման, այնպես էլ կիրառվող շինանյութերի, պատրաստվածքների, կոնստրուկցիաների ու կոնստրուկտիվ լուծումների փորձաքննությունների անցկացման ոլորտներում:
 

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...