Նորություններ

ՀՀ Սյունիքի մարզում ամփոփվում է նախադպրոցական միկրոծրագրերի առաջին փուլը

22.08.2017

   <<Կրթության բարելավում>> ծրագրի շրջանակներում շարունակվում է <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթածրագիրը: Օգոստոսի առաջին տասնօրյակում «Կրթության բարելավում» ծրագրի շրջանակներում իրականացվող աշխատանքների համատեքստում աշխատանքային այցով ՀՀ Սյունիքի մարզի 3 համայնքներում էր ԿԾԿ ԾԻԳ-ի շինարար - խորհրդատու Վռամ Բոյաջյանը: Աշխատանքային այցի նպատակը Սյունիքի մարզի վերոնշյալ համայնքներում իրականացվող միկրոծրագրերի մշտադիտարկումն էր: Հավելենք, որ ՀՀ Սյունիքի մարզի Սիսիանի թիվ 3 , Գորիսի թիվ 1 և Քարահունջի նախադպրոցական ուսումնական հաստատություններում օգոստոսի 31-ին ավարտվում է իրականացվող նախադպրոցական միկրոծրագրերի առաջին փուլը: Այցի շրջանակներում ԿԾԿ ԾԻԳ-ի ներկայացուցիչը ծանոթացավ իրականացվող շինարարական աշխատանքների ողջ ընթացքին: Հիշեցնենք, որ միկրոծրագրերի իրականացման մեկնարկը տրվել է սույն թվականի մայիսի 30-ին, երբ «Կրթական ծրագրերի կենտրոն» ԾԻԳ-ի և Սյունիքի մարզի 3 կրթական հաստատությունների միջև կնքվեցին դրամաշնորհային պայմանագրեր : Դրամաշնորհային պայմանագրերի կնքմանը հաջորդեցին վերանորոգման աշխատանքները: Հավելենք, որ վերոնշյալ միկրոծրագրերն իրականացվում են դրամաշնորհային ծրագրով սահմանված փուլերի համաձայն: Աշխատանքային այցի շրջանակներում կատարված մշտադիտարկման արդյունքում ԿԾԿ ԾԻԳ-ի շինարար խորհրդատու Վռամ Բոյաջյանը արձնագրեց, որ արդեն ավարտին են հասցվել շենքային պայմանների և տարածքի վերանորոգման, պատուհանների տեղադրման աշխատանքները, իրականացվել են նախակրթարանների համար նախատեսված տարածքներում էլեկտրամոնտաժային աշխատանքները, ջրագծերի անցկացումը: Արդեն մշակված է անհրաժեշտ կրթական բովանդակություն նախադպրոցական կրթությունը նորովի կազմակերպելու համար, ինչպես նաև ամփոփվում է դաստիարակների վերապատրաստումը Կրթության Ազգային ինստիտուտի կողմից: Հաջորդ փուլերի ընթացքում նախատեսվում է անհրաժետ գրականության, ուսումնական նյութերի, գրենական պարագաների ձեռքբերումը ու խաղային անկյունների ստեղծումը , ինչը կնպաստի նախադպրոցական տարիքի երեխաների կարողությունների և հմտությունների զարգացմանը, անհրաժեշտ գիտելիքների ու հմտությունների ձեռք բերմանը: Վերոնշյալ դպրոցի տնօրենները փաստում են` նման նախակրթարանների ստեղծումը անպայման կբարձրացնի ուսումնական գործընթացի արդյունավետությունը և որակը:

 

Նորություններ

28.03.2024 Նախադպրոցական կրթության միկրոծրագրերի Կառավարման Մարմին հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2024 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2023 թվականի դեկտեմբերից: Ծրագրի արդյունավետությունն ու նպատակայնությունը բարձրացնելու նպատակով 2023 թվականի դեկտեմբերին ՀՀ թվով 9 մարզերի մարզպետարանների համապատասխան վարչություններից ԿԾԿ ԾԻԳ է ներկայացվել... 22.03.2024 Աշխատանքային այց Աշտարակի և Արտաշատի ավագ դպրոցներում Մարտի 22-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Արագածոտնի մարզի Աշտարակի Ն. Սիսակյանի անվան թիվ 5 ավագ դպրոցում և ՀՀ Արմավիրի մարզի Արտաշատի ավագ դպրոցում : Այցերի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցների հիմնանորոգման աշխատանքների մշտադիտարկումն էր : Վերոնշյալ ավագ դպրոցները ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների... 20.03.2024 Աշխատանքային այցեր մայրաքաղաքի հիմնական դպրոցներում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իր աշխատանքներն է շարունակում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Այդ համատեքստում ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 5-ից 20-ը աշխատանքային այցեր են իրականացրել Երևանի ուսումնական...