Նորություններ

<<Դպրոց-կենտրոնների միություն>>իրավաբանական անձանց միության նպատակներին և խնդիրներին նվիրված <<Կլոր սեղան>> ներածական սեմինար

24.11.2015

<<Կրթության որակ և համապատասխանություն>> երկրորդ վարկային ծրագրով նախատեսված գործողությունների թվում, որպես վարկային առաջին ծրագրի շարունակականությունն ապահովող միջոցառում, կարևորվել է նախորդ ծրագրով ստեղծված դպրոց-կենտրոնների հետագա գործունեության ապահովումը և դպրոցական ցանցի ստեղծումը, ինչը պետք է նպաստի նաև նորարարությունների ու լավագույն փորձի տարածմանը հանրապետության մյուս դպրոցներում:
Նախապատրաստական աշխատանքներից հետո 2012 թվականի օգոստոսի 1-ին ԿԳՆ <<Կրթական ծրագրերի կենտրոն>> ԾԻԳ-ի և <<Դպրոց-կենտրոնների միություն>> իրավաբանական անձանց միության միջև կնքվեց պայմանագիր` ուղղված միության գործունեության աջակցմանը: Նշված պայմանագրի շրջանակներում 2012 թվականի սեպտեմբերի 22-ին <<Կոնգրես>> հյուրանոցում անցկացվեց <<Դպրոց-կենտրոնների միություն>> իրավաբանական անձանց միության <<Կլոր սեղան>> ներածական սեմինարը, որն ըստ էության նոր ծրագրի շնորհանդեսն էր:
<<Կլոր սեղան>> ներածական սեմինարին մասնակցում էին Կրթության և գիտության նախարար Ա. Աշոտյանը, փոխնախարար Մ. Մկրտչյանը, ԱԺ փոխխոսնակ Հ. Նաղդալյանը, Կրթության տեսչության պետ Ա.Կարապետյանը, քաղաքապետարանի կրթության վարչության պետ Գ. Սողոմոնյանը և 5 մարզերի կրթության վարչության պետեր, ԿԳՆ վարչության պետ Ն. Հովհաննիսյանը, <<Կրթական ծրագրերի իրականացման>> ԾԻԳ-ի գրասենյակից բաղադրիչների ղեկավարներ Կ. Մելքոնյանը և Ն. Դավթյանը, հրավիրված անձինք տարբեր միջազգային կառույցներից և Հայաստանի մի շարք բարձրագույն և հանրակրթական հաստատություններից: <<Կլոր սեղանին>> ներկա էին նաև հեռուստաընկերություններ և այլ լրատվական միջոցներ, որոնք լուսաբանեցին <<Դպրոց-կենտրոնների միություն>> իրավաբանական անձանց միության գործունեության մեկնարկը տարբեր հեռուստաալիքներով և տպագրեցին հոդվածներ տարբեր լրատվամիջոցներում:
<<Կլոր սեղան>>-ը ողջույնի խոսքով բացեց ԿԳ նախարար Ա. Աշոտյանը: Նա նշեց, որ կրթության ոլորտում բարեփոխումների բարեհաջող ընթացքն ապահովելու համար անհրաժեշտ է աջակցել մասնագիտական հանրույթին: Նախարարը կարևորեց Հայաստանում գործող դպրոցների շրջանում մասնագիտական միտքը համախմբելու գաղափարը, քանի որ այդպիսով նախարարությանը էլ ավելի հեշտ կլինի կրթության քաղաքականությունը տեղերում կյանքի կոչել:
Ողջույնի խոսքով հանդես եկավ նաև <<Կրթական ծրագրերի կենտրոն>> ԾԻԳ-ի ենթածրագրի ղեկավար Կ. Մելքոնյանը, ով ողջունեց ներկա գտնվողներին և հույս հայտնեց, որ արդյունավետ աշխատանքի շնորհիվ միության գործունեությունը կկրի շարունակական բնույթ և միությունը կհամալրվի նոր անդամներով:
Իր ողջույնի խոսքում <<Դպրոց-կենտրոնների միություն>> իրավաբանական անձանց միության նախագահ Ռ. Մուրադյանը ներկայացրեց դպրոց-կենտրոնների ստեղծման նախապատմությունը, խոսեց <<Դպրոց-կենտրոնների միություն>> իրավաբանական անձանց միության ստեղծման կարևորության մասին, ներկայացրեց միության համագործակցության և աշխտանքների շրջանակի մասին և պատասխանեց ներկաների հարցերին: Կլոր սեղան ներածական սեմինարի ընթացքում հինգ դպրոց-կենտրոնների՝ Երևանի N150 Ֆ. Նանսենի անվան հիմնական, Երևանի Ա. Շահինյանի անվան ֆիզիկամաթեմատիկական, Մ. Գորկու անվան Վաղարշապատի N5, Արարատ գյուղ N2, Ստեփանավանի Հ. Թումանյանի անվան N3 դպրոցների տնօրենները ներկայացրին իրենց դպրոց-կենտրոններում կատարած աշխատանքի մասին մանրամասն հաշվետվություն-պրեզենտացիա:
<<Կլոր սեղան>> ներածական սեմինարի ավարտին` հիմնական ելույթներից հետո 20-ից ավելի դպրոցների տնօրեններ ցանկություն հայտնեցին անդամագրվելու <<Դպրոց-կենտրոնների միություն>> իրավաբանական անձանց միությանը՝ ներկայացնելով համապատասխան դիմումներ:  

Նորություններ

25.05.2023 Նախադպրոցական միկրոծրագրերում ընդգրկված կրթական հաստատություններում մեկնարկել են շինարարական աշխատանքները ‹‹Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակում ‹‹Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատանքների համատեքստում ապրիլ և մայիս ամիսների ընթացքում ԿԾԿ ԾԻԳ-ի ներկայացուցիչները աշխատանքային այցեր են կատարել Արմավիրի, Արարատի, Գեղարքունիքի, Կոտայքի և Արագածոտնի մարզերի նախադպրոցական միկրոծրագրերում ընդգրկված... 19.05.2023 «ՔՈԲՐԵՅՆ» ծրագրի և Ուղեղի հիմնարար հետազոտությունների գիտակրթական կենտրոնի հետազոտական արդյունքները ներկայացվեցին Նեյրոգիտության շաբաթվա շրջանակում Երևանի Մ. Հերացու անվան պետական բժշկական համալսարանում մայիսի 17-ին տեղի ունեցավ «Քրոնիկ նեյրոդեգեներատիվ հիվանդությունների տրանսլյացիոն հետազոտություն¬նե¬րի կենտրոն Հայաստանում. նեյրոգիտություն՝ հանուն ուղեղի առողջ ծերացման - «ՔՈԲՐԵՅՆ»» ծրագրի ամփոփիչ գիտաժողովը: «ՔՈԲՐԵՅՆ»-ը ԵՄ «Հորիզոն 2020» թվիննինգ գործողության առաջին ծրագիրն է Հայաստանում, որն իրականացվել է Ուղեղի հիմնարար հետազոտությունների գիտակրթական կենտրոնի հենքի... 18.05.2023 ՀՀ բուհերն իսկապես պետք է դառնան նաև գիտահետազոտական կենտրոններ. Ժաննա Անդրեասյան ՀՀ կրթության, գիտության, մշակույթի և սպորտի նախարար Ժաննա Անդրեասյանը Երևանի Մ. Հերացու անվան պետական բժշկական համալսարանում այսօր մասնակցել է «Քրոնիկ նեյրոդեգեներատիվ հիվանդությունների տրանսլյացիոն հետազոտություն­նե­րի կենտրոն Հայաստանում. նեյրոգիտություն՝ հանուն ուղեղի առողջ ծերացման - «ՔՈԲՐԵՅՆ»» ծրագրի ամփոփիչ գիտաժողովին: «ՔՈԲՐԵՅՆ»-ը ԵՄ «Հորիզոն 2020» թվիննինգ գործողության առաջին ծրագիրն է Հայաստանում, որն իրականացվել է ԵՊԲՀ...