Նորություններ

Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց

10.08.2020

Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ
Հարց 1
Հարգելի՛ գործընկեր,
Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ հոսանքի սնուցման բլոկով համակարգիչ առկա է սահմանափակ` ընդհուպ մինչև մեկ միջազգայնորեն ճանաչված արտադրողի մոտ։ Մյուս արտադրողների մոտ 250W և ավելի հզորությամբ հոսանքի սնուցման բլոկերը ներառվում են մրցույթում ներկայացված պարամետրերից ավելի բարձր պարամետրեր և հետևաբար նաև ավելի բարձր գին ունեցող համակարգիչների կոմպլեկտում:
Վերը նշված փաստը խստորեն սահմանափակում է մրցույթի մասնակիցների քանակը և խոչընդոտում է ազատ մրցակցության ապահովմանը։
Խնդրում ենք վերանայել նվազագույնը 250W հզորությամբ հոսանքի սնուցման բլոկի (Power Supply) մրցույթում առկա պահանջը և հոսանքի սնուցման բլոկի (Power Supply) համար սահմանել նվազագույնը 180W հզորություն՝ ազատ մրցակցությանը չխոչընդոտելու համար:

Պատասխան 1

Հարգելի հայտատու,
Համակարգչի համար առաջադրված են ոչ առանձնահատուկ պահանջներ՝ Intel Core i3-9100, DDR4 8GB (1x8GB), Gigabit (10/100/1000) LAN, 1TB 7200rpm SATA 6Gb/s, ներկառուցված (Integrated) HD Graphics, ինչպես նաև նվազագույնը 250Վտ հզորությամբ հոսանքի սնման աղբյուր և բոլոր
արտադրողներն էլ ունեն վերը նշված պայմաններին բավարարող համակարգիչներ։ Բնականաբար, որոշ մոդելներ կարող են չբավարարել վերը նշված տեխնիկական պայմանների համախմբին, և դա չի կարող համարվել խոչընդոտ ազատ մրցակցության համար։
Այնուամենայնիվ, ԿԾԿ ԾԻԳ-ը պատրաստ է բավարարել հայտատուի խնդրանքը և համակարգչի տեխնիկական հատկորոշիչներում վերանայել հոսանքի սնուցման աղբյուրի նվազագույն հզորության պահանջը՝ առավել ընդլայնելով մրցույթի պահանջներին բավարարող մոդելների շարքը։

Հայտնում ենք նաև, որ սույն մրցույթը կազմված է մեկ չափաբաժնից և գնային առաջարկ պետք է ներկայացնել բոլոր Ապրանքների համար: Ոչ ամբողջական հայտերը կմերժվեն:

Հարգանքով՝
Կրթական ծրագրերի կենտրոն ԾԻԳ ՊՀ
 

Նորություններ

14.09.2020 ՀՀ ԿԳՄՍ նախարարի այցը Արթիկի թիվ 3 ավագ դպրոց ՀՀ ԿԳՄՍ նախարար Արայիկ Հարությունյանը մարզային այցերի համատեքստում սեպտեմբերի 13-ին շրջայց իրականացրեց Արթիկի թիվ 3 ավագ դպրոցում: Հիշեցնենք , որ վերոնշյալ ավագ դպրոցը պետական բյուջեի և Համաշխարհային բանկի ֆինանսավորմամբ վերակառուցվող և հիմնանորոգվող 8 ավագ դպրոցներից մեկն է : Նշենք, որ մայրաքաղաքում և ՀՀ մարզերում գործող 8 ավագ դպրոցներում էլ ընթացքում են հիմնանորոգման աշխատանքները:Հավելենք, որ հիմնանորոգման աշխատանքները իրականացվում են համաձայն սեյսմիկ անվտանգության չափանիշների:... 14.09.2020 ՀՀ ԿԳՄՍ նախարարի այցը ՀՀ Արարատի մարզ ՀՀ ԿԳՄՍ նախարար Արայիկ Հարությունյանը նոր ուսումնական տարվան ընդառաջ մարզային այցերի համատեքստում շրջայց իրականացրեց ՀՀ Արարատի մարզի թիվ 4 հիմնական դպրոցում որտեղ Համաշխարհային բանկի համաֆինանսավորմամբ «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում ստեղծված նախակրթարանը այսօր իր դռները բացեց 30 սաների առաջ: Հավելենք , որ վերոնշյալ դպրոցը 21 կրթօջախներից մեկն է, որտեղ այս տարի իրականացվում են նախադպրոցական միկրոծրագրեր:... 14.09.2020 ՀՀ ԿԳՄՍ նախարարի այցը ՀՀ Արագածոտնի մարզ ՀՀ կրթության, գիտության, մշակույթի և սպորտի նախարար Արայիկ Հարությունյանը սեպտեմբերի 14-ին` ուսումնական տարվա մեկնարկին այցելել է Արագածոտնի մարզի Գեղարոտ և Գեղադիր համայնքների միջնակարգ դպրոցներ, որոնցում այս տարի բացվել են նոր նախակրթարաններ: Նախարարի առաջին կանգառը Գեղարոտ համայնքն էր: Այս ուսումնական տարվա մեկնարկը , չնայած լի էր դժվարություններով , բայց գեղարոտցիների համար կրկնակի տոնական էր: Առաջին անգամ Գեղարոտի միջնակարգ դպրոցի նախակրթարանը իր դռներ է բացել սիրելի սաների առաջ:...