Նորություններ

Մոնիտորինգային այց ԵՊՀ-ի Ֆարմացիայի ինստիտուտ

27.07.2020

Հուլիսի 21-ից Հայաստանի բարձրագույն կրթության Նորարարությունների մրցակցային հիմնադրամի շրջանակներում մեկնարկեց երկրորդ հիմնական շրջափուլով իրականացվող դրամաշնորհային ծրագրերի մշտադիտարկումը դրամաշնորհառու բուհերում: Չորրորդ հանդիպումը տեղի ունեցավ հուլիսի 27-ին՝ Երևանի պետական համալսարանում (ԵՊՀ): Մշտադիտարկումն իրականացնում էին «Կրթական ծրագրերի կենտրոն» ԾԻԳ-ի ներկայացուցիչները: Աշխատանքային խմբի անդամներին ԵՊՀ-ի Ֆարմացիայի ինստիտուտում դիմավորեց դրամաշնորհային ծրագրի ղեկավար Ա. Սաղյանը, նա ընդգծեց, որ Կենտրոնի ստեղծումը կնպաստի ոլորտի հիմնարար և կիրառական հետազոտությունների արդիականացմանը: Ժամանակակից վերլուծական սարքավորումներով համալրված գիտաուսումնական կենտրոնի ստեղծումը և դրա հենքի վրա դեղանյութերի կառուցվածքային հետազոտությունների ու դեղերի որակի հսկման, գնահատման նոր մագիստրոսական ծրագրի ներդնումը կնպաստի միջազգային չափանիշներին համապատասխան դեղագետ-վերլուծաբան (անալիտիկ) մասնագետների պատրաստմանը:
Ներկաները դրամաշնորհային ծրագրի ղեկավարի ու համակարգողի ուղեկցությամբ եղան բուհի կողմից վերանորոգված և լաբորատորիայի համար նախատեսված տարածքում, որտեղ դեռևս նախորդ այցի ժամանակ դիտարկվել էր ծրագրի շրջանակներում ձեռքբերված, ինչպես նաև բուհի կողմից տրամադրված լաբորատոր կահույքը:
Հանդիպման ընթացքում աշխատանքային խմբի անդամները դրամաշնորհային ծրագրի կառավարման անձնակազմի հետ քննարկեցին ծրագրի ժամանակացույցով նախատեսված գործողությունները և դրանց իրականացման ընթացքը: Հիշեցնենք, որ «Դեղապատրաստուկների որակի հսկման և մոնիտորինգի գիտաուսումնական կենտրոն››-ի ստեղծման աշխատանքները իրականացվում են դրամաշնորհային ծրագրով սահմանված փուլերի համաձայն: Սույն թվականի հուլիսին, ծրագրի մեկնարկից մեկ տարի անց, արդեն ամփոփվում է դրամաշնորհային ծրագրի երկրորդ փուլը: Դրամաշնորհային ծրագրի ղեկավար Ա. Սաղյանը նշեց, որ այս փուլում ամփոփվում են լաբորատոր անալիտիկ սարքավորումների ձեռքբերման նպատակով բուհի կողմից միջազգային մրցակցային գնման մեթոդով իրականացված մրցույթի արդյունքների դիտարկման ու գնահատման աշխատանքները: Դրամաշնորհային ծրագրի համակարգող Ա. Մկրտչյանն էլ հավելեց, որ արդեն իսկ մեկնարկել են «Դեղերի որակի հսկում և գնահատում» մագիստրոսական նոր ծրագրի մշակման աշխատանքները, մասնավորապես համապատասխան ամբիոններին հանձնարարվել է ներկայացնել անհրաժեշտ առարկայացանկեր: Դրամաշնորհային ծրագրի համակարգողը նաև ծանոթացրեց կոնսորցիումի գործընկերոջ հետ համագործակցության ընթացքին՝ փաստելով, որ համագործակցությունը կնպաստի որակյալ մասնագետների ներհոսքին դեպի արտադրություն և կընդլայնի արտադրության մեջ նորարարական մոտեցումների ներդնումը:
Այսպիսով, ԵՊՀ դրամաշնորհային ծրագրի արդյունավետ իրականացման արդյունքում կստեղծվի ժամանակակից տեխնիկայով և սարքավորումներով համալրված գիտակրթական կենտրոն, որը կարող է տարածաշրջանում իրականացնել կրթական, խորհրդատվական և արտադրական օրինակելի ծառայություններ՝ ֆարմացիայի և դրան հարակից մասնագիտական ոլորտներում:
 

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...