Նորություններ

ԲՊՀ-ի դրամաշնորհային ծրագիրն ամփոփում է մեկ տարին

24.07.2020

Հուլիսի 24-ին աշխատանքային այցով Վ. Բրյուսովի անվան պետական համալսարանում (ԲՊՀ) էին «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Աշխատանքային խմբի անդամներին ողջունեց բուհի ռեկտոր Կարինե Հարությունյանը. նա ընդգծեց, որ «ՀայԼինգվոՏեք» գերազանցության կենտրոնի ստեղծումը թույլ կտա զարգացնել կիրառական լեզվաբանության և կրթական գիտությունների ոլորտներում տեխնոլոգիահենք կրթությունը և հետազոտությունը, թվային ենթակառուցվածքներում խթանել հայերենի լիարժեք կիրառականությունը, իսկ «Հաշվողական լեզվաբանություն», և «Համընթաց թարգմանություն» մասնագիտական կրթական ծրագրերի ներդրումը թույլ կտա պատրաստել մեծ ծավալի տվյալների ավտոմատ մշակման առաջնային գործիքներով աշխատող մասնագետներ:
Աշխատանքային խումբը ԲՊՀ-ի դրամաշնորհային ծրագրի ղեկավար Քրիստինա Ծատուրյանի ուղեկցությամբ շրջեց դրամաշնորհային ծրագրի շրջանակներում Լեզվական տեխնոլոգիաների և ռեսուրսների հետազոտական լաբորատորիայի, Գիտակրթական միջոցառումների սրահի և Ուսանողների տեխնոլսարանի համար հատկացված տարածքներում, որոնք ամբողջովին վերանորոգվել էին բուհի կողմից: Վերոնշալ երեք սրահներում արդեն իսկ տեղադրված էին ծրագրի շրջանակներում ձեռք բերված անհրաժեշտ կահույքը, ինչպես նաև համակարգչային սարքավորումները:
Հիշեցնենք, որ ծրագրի իրականացումը մեկնարկել է 2019 թվականի հուլիսին: Նշենք, որ ԲՊՀ-ի դրամաշնորհային ծրագրի շրջանակներում նախատեսվում է հիմնել Լեզվական և կրթական տեխնոլոգիաների «ՀայԼինգվոՏեք» գերազանցության կենտրոն՝ համալրված անհրաժեշտ սարքավորումներով, գույքով և ծրագրային փաթեթներով, մշակել կենտրոնի կանոնադրությունը և հայեցակարգը, ներդնել «Հաշվողական լեզվաբանություն» և «Համընթաց թարգմանություն» մասնագիտական կրթական ծրագրերը և հայերենի իմացության մակարդակների առցանց գնահատման գործիքակազմը:
Նշենք, որ գերազանցության կենտրոնի ստեղծումը իրականացվում է դրամաշնորհային ծրագրի ժամանակացույցով սահմանված 4 փուլերի համաձայն: Սույն թվականի հուլիսին ամփոփվում է դրամաշնորհային ծրագրի երկրորդ փուլը: Ստեղծվող գերազանցության կենտրոնի հնարավորություններն ուսումնական գործընթացում լավագույնս օգտագործելու նպատակով բուհն իրականացնում է նաև համապատասխան կրթական բովանդակության ստեղծում: Դրամաշնորհային ծրագրի ղեկավար Ք. Ծատուրյանի հավաստմամբ, անհատ խորհրդատուներից կազմված համապատասխան աշխատանքային խմբերի կողմից ընթացքում են «Համընթաց թարգմանություն» մագիստրոսական և «Հաշվողական լեզվաբանություն» բակալավրական մասնագիտական կրթական ծրագրերի մշակման աշխատանքները: Դրամաշնորհային ծրագրի ղեկավարը նշեց, որ մեկնարկել են նաև «ՀայԼինգվոՏեք» կենտրոնի կանոնադրության և զարգացման հայեցակարգի, թվային ենթակառուցվածքներում հայերենի լիարժեք գործառության հիմքերի ապահովմանն ուղղված թվային և վեբ ռեսուրսների, գնահատման ու թեստավորման գործիքակազմի ստեղծման և դրանց ուղղված հետազոտությունների իրականացման, ինչպես նաև հայերենի՝ որպես մայրենի և օտար լեզվի իմացության մակարդակների լրամշակման նպատակով անհատ խորհրդատուների աշխատանքների նկարագրերի մշակման աշխատանքները: Նա շեշտեց, որ դրամաշնորհային ծրագրի իրականացումը թույլ կտա պատրաստել կենսական կարևորության մասնագետներ Հաշվողական լեզվաբանության, Համընթաց թարգմանության, կրթության գնահատման և թեստավորման ոլորտներում:
 

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...