Նորություններ

Կրիմինալիստիկական ուսումնափորձագիտական կենտրոն

04.11.2019

2018թ.-ի փետրվարի 15-ին Երևանի ‹‹Գլաձոր›› համալսարանում տրվեց Կրիմինալիստիկական ուսումնափորձագիտական կենտրոնի մեկնարկը, որը ստեղծվել է Համաշխարհային բանկի (ՀԲ) համաֆինանսավորմամբ` ‹‹Կրթության բարելավում›› վարկային ծրագրի Նորարարությունների մրցակցային հիմնադրամի (ՆՄՀ) երկրորդ (հավելյալ) շրջափուլի շրջանակներում, ‹‹Կրթական ծրագրերի կենտրոն›› ԾԻԳ-ի աջակցությամբ: Կրիմինալիստիկական ուսումնափորձագիտական կենտրոնի ստեղծման պատմությունը սկսվել է 2016 թ.-ի դեկտեմբերից, երբ Նորարարությունների մրցակցային հիմնադրամի (ՆՄՀ) երկրորդ (հավելյալ) շրջափուլի շրջանակներում մեկնարկել էր «Իրավագիտություն մասնագիտության արդիականացում» դրամաշնորհային ծրագրի իրականացումը: Ուսումնափորձագիտական կենտրոնը հնարավորություն է տալիս համալսարանի և այլ ուսումնական հաստատությունների ուսանողներին ձեռք բերել մասնագիտացված գիտելիքներ, փորձառություն՝ իրավական խորհրդատվություն տրամադրելու համար: Դրամաշնորհային ծրագրի արդյունքում ստեղծվել է իրավագիտության ոլորտում մասնագիտական կարողությունների ձևավորման համար նորագույն, իր տեսակի մեջ եզակի կրթական համալիր՝ հագեցված մատնադրոշմային, ֆինանսատնտեսական և դատահաշվապահական հետազոտությունների ծրագրային ապահովմամբ, համակարգչային տեխնիկայով, համապատասխան կահույքով, քննչական ճամպրուկներով, կրիմինալիստիկական ուսումնական ստենդերով, հավաքածուներով, մանեկեններով, ինչպես նաև մասնագիտական ուսումնական գրականությամբ:
Հավելենք, որ ժամանակակից սարքավորումներով զինված լաբորատորիայից և կլինիկայից օգտվելու հնարավորություն ունեն ոչ միայն ԵԳՀ-ի ուսանողները և դասախոսները, այլև այս ոլորտի այլ մասնագետները: Դրամաշնորհային ծրագրի արդյունքում բուհն իրականացրել է նաև ‹‹Կրիմինալիստիկական գործունեություն» մագիստրոսական կրթական ծրագրի ուսումնական պլանի մշակում, համանուն մագիստրոսական ծրագրի ձեռնարկի մշակում և տպագրություն, ինչպես նաև իրականացվել է ‹‹Իրավագիտություն» մասնագիտության կրթական ծրագրի մշակում և վերանայում՝ իրավաբանական կրթությունը նորովի կազմակերպելու համար:
Նպատակ ունենալով ընդլայնել ստեղծվող ենթակառուցվածքների արդյունավետ կիրառման հնարավորությունները՝ բուհի կողմից առաջին քայլերն արդեն արվել են. արդեն իսկ իրականացվել են հանդիպումներ ոլորտի առաջատար մասնագետների հետ, ակտիվ համագործացություն է սկսվել հայաստանյան բարձրագույն ուսւմնական հաստատւթյունների և գիտահետազոտական ու փորձագիտական կենտրոնների հետ: Կրիմինալիստիկական ուսումնափորձագիտական կենտրոնի գործունեությանը կարող եք ծանոթանալ հետևյալ հղմամբ՝
՝http://gladzor.am/videos

 

Նորություններ

19.09.2020 ՀՀ ԿԳՄՍ նախարարը այց է իրականացրել ՀՀ Գեղարքունիքի մարզում Այս սեպտեմբերին կբացվի 21 նոր նախակրթարան ամբողջ հանրապետությունում: Այսօր ԿԳՄՍ նախարար Արայիկ Հարությունյանն այցելել է Գեղարքունիքի մարզ, մասնակցել է նախակրթարանների բացման արարողությանը։ Ընդհանուր առմամբ, այս ուսումնական տարի մարզում կբացվի 5 նախակրթարան։ Իրականացված ծրագրի արդյունքում նախակրթարանները կահավորվել են անհրաժեշտ գույքով, ապահովվել նախադպրոցական կրթության կազմակերպման համար բոլոր անհրաժեշտ պարագաներով: Գավառի և Վարդենիսի նախակրթարաններ կհաճախեն յուրաքանչյուրում 30... 19.09.2020 Հինգ նոր նախակրթարան Գեղարքունիքի մարզում Սեպտեմբերի 19-ին ՀՀ Գեղարքունիքի մարզի 5 համայնքներում բացվել են նոր նախակրթարաններ:Վերին գետաշենցիների համար այս ուսումնական տարին կրկնակի տոնական էր: Առաջին անգամ Վերին Գետաշենի միջնակարգ դպրոցի նախակրթարանը իր դռներ է բացել 25 սիրելի սաների առաջ: Նախակրթարանը ստեղծվել է Համաշխարհային բանկի համաֆինանսավորմամբ «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում: Վերոնշյալ դպրոցը 21 կրթօջախներից մեկն է որտեղ այս տարի իրականացվում... 19.09.2020 Աշխատանքային այց Սևան քաղաքի Խ. Աբովյանի անվան ավագ դպրոց Սեպտեմբերի 19-ին ԿԾԿ ԾԻԳ-ի տնօրեն Գրիշա Հովհաննիսյանը աշխատանքային այց է իրականացրել ՀՀ Գեղարքունիքի մարզի Սևան քաղաքի Խ. Աբովյանի անվան ավագ դպրոցում:Նշենք, որ «Կրթության բարելավում» վարկային ծրագրի շրջանակներում 2019-ի հուլիսի 20-ից մեկնարկել են ՀՀ Գեղարքունիքի մարզի Սևան քաղաքի Խ. Աբովյանի անվան ավագ դպրոցի հիմնանորոգման աշխատանքները, իսկ շինարարական աշխատանքների տևողությունը կազմում է 23 ամիս: Հավելենք, որ հիմնանորոգման աշխատանքները իրականացվում են համաձայն սեյսմիկ...