Նորություններ

Հիմնանորոգման ենթակա թվով յոթ ավագ դպրոցներում անցկացվել են հանրային լսումները

01.12.2018

Նոյեմբերի վերջին տասնօրյակում «Կրթության բարելավում» ծրագրի շրջանակներում երկրորդ փուլով հիմնանորոգման ենթակա թվով յոթ ավագ դպրոցներում կազմակերպվել են hանրային լսումներ, որոնց նպատակը վերոնշյալ ավագ դպրոցների հիմնանորոգման աշխատանքների համար մշակված բնապահպանական և սոցիալական կառավարման պլանների ներկայացումն էր: Հանրային լսումների մեկնարկը տրվեց 2018թ. նոյեմբերի 20-ին Երևանի թիվ 142 և Գորիսի թիվ 1 ավագ դպրոցներում: Ապա հանրային լսումներ տեղի ունեցան Երևանի հայկական մանկավարժական համալսարանի հենակետային ավագ դպրոց-վարժարանում, ՀՀ Գեղարքունիքի մարզի Սևան քաղաքի և ՀՀ Շիրակի մարզի Արթիկ քաղաքի ավագ դպրոցներում: Հանրային լսումներն ամփոփվեցին նոյեմբերի 23-ին Երևանի Տ. Շևչենկոյի անվան թիվ 42 ավագ դպրոցում և ՀՀ Շիրակի մարզի Գյումրի քաղաքի Ակադեմիական վարժարանում: Լսումներին ներկա էին վերոնշյալ դպրոցների տնօրենները, ՀՀ ԿԳՆ «Կրթական ծրագրերի կենտրոն» ԾԻԳ-ի ներկայացուցիչները, ուսուցիչները, աշակերտները և տվյալ համայնքի բնակիչները:
Լսումների ընթացքում կարևորելով դրանց նշանակությունը ԿԾԿ ԾԻԳ-ի խորհրդատուներ Նորա Այվազյանն ու Քրիստինե Սահակյանը ներկայացրեցին հանրային լսումների նպատակն ու շեշտեցին նախատեսվող աշխատանքների անհրաժեշտությունը:
«Կրթական ծրագրերի կենտրոն» ԾԻԳ-ի բնապահպան խորհրդատուները վերոնշյալ դպրոցներում ներկաներին ծանոթացրեցին շինարարական աշխատանքների ընթացքում առաջացող հնարավոր բնապահպանական և սոցիալական ազդեցություններին, դրանց կանխման, հնարավորինս մեղմացման հիմնական միջոցներին: Ընդգծելով նախագծերի մշակման ընթացքում բնապահպանական և սոցիալական ուսումնասիրությունների կարևորությունը՝ Ք. Սահակյանը նշեց, որ այդ հնարավոր ազդեցությունները կրում են ժամանակավոր բնույթ և հիմնականում կանխատեսվում են շինարարության փուլում: Ընդհանուր առմամբ ակնկալվում է, որ շինարարական և վերականգնման աշխատանքների հետ կապված շրջակա միջավայրի վրա հնարավոր անբարենպաստ ազդեցությունները կլինեն փոքրածավալ, կարճաժամկետ և տեղայնացված:
Ն. Այվազյանը Երևանի թիվ 142 դպրոցում տեղի ունեցող հանրային լսման ընթացքում ընդգծեց.
«Շինարարական աշխատանքների իրականացման ընթացքում, համապատասխանությունը բնապահպանական և սոցիալական կառավարման պլանների պահանջներին հնարավորություն կտա կանխարգելելու կամ նվազագույնի հասցնելու հնարավոր անբարենպաստ ազդեցությունները: Դրանք հնարավոր է կանխել կամ նվազեցնել նաև շինարարական լավ պրակտիկայի արդյունքում», - հավելեց բնապահպան խորհրդատուն:
Հիշեցնենք, որ ըստ նախագծի վերոնշյալ դպրոցներում շինարարական աշխատանքների տևողությունը 24 ամիս է: Աշխատանքների ընթացքում նախատեսվում է իրականացնել շինարարական տարածքի ցանկապատում, նախազգուշացնող նշանների տեղադրում և տարածքի վերահսկողություն:
Հարկ է նշել, որ ԿԾԿ ԾԻԳ-ը պատասխանատու կլինի նաև բնապահապանական և սոցիալական կառավարման պլաններով նախատեսված միջոցառումների իրականացման գործընթացի մշտադիտարկման համար:
 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...