Նորություններ

ՀՀ ԿԳ նախարարի այցը ՀՀ Գեղարքունիքի մարզ

28.08.2018

Օգոստոսի 21-ին 2018-2019 ուսումնական տարվան ընդառաջ մեկնարկել են ավանդական օգոստոսյան խորհրդակցությունները: ՀՀ կրթության և գիտության նախարար Արայիկ Հարությունյանը օգոստոսյան խորհրդակցությունների համատեքստում oգոստոսի 27-ին աշխատանքային այցով եղել է ՀՀ Գեղարքունիքի մարզի Մարտունու Տ. Աբրահամյանի անվան ավագ դպրոցում և Մարտունու թիվ 1 հիմնական դպրոցում գործող նախակրթարանում: Այցի նպատակն էր տեղում ծանոթանալ վերոնշյալ ուսումնական հաստատություներում առկա խնդիրներին և 2018-2019 ուսումնական տարվա մեկնարկին ընդառաջ իրականացվող աշխատանքներին: Նշենք, որ Մարտունու Տ. Աբրահամյանի անվան ավագ դպրոցը ներկայումս «Կրթության բարելավում» վարկային ծրագրի շրջանակներում առաջին փուլով հիմնանորոգվող 5 ավագ դպրոցներից մեկն է, որտեղ հիմնանորոգման աշխատանքներն ավարտական փուլում են: Հավելենք, որ դպրոցի հիմնանորոգման ընթացքը մշտապես լուսաբանվում է ԿԾԿ ԾԻԳ-ի կայքում համապատասխան հոդվածների հրապարակման միջոցով: ՀՀ ԿԳ նախարարը, <<Կրթական ծրագրի կենտրոն>> ԾԻԳ-ի տնօրեն Գրիշա Հովհաննիսյանի և ԿԾԿ ԾԻԳ-ի ներկայացուցիչների ուղեկցությամբ, շրջելով ավագ դպրոցում, ծանոթացավ իրականացված աշխատանքներին: Ներկաները ԿԳ նախարարին ներկայացրեցին «Կրթության բարելավում» ծրագրի շրջանակներում իրականացված վերոնշյալ դպրոցի շենքի հիմնանորոգման և շինարարական աշխատանքների ողջ ընթացքը: Մարտունու Տ. Աբրահամյանի անվան ավագ դպրոցում ավարտին են մոտենում դպրոցի հարակից տարածքների բարեկարգման աշխատանքները, կառուցված են արտաքին և ներքին աստիճաններն ու թեքահարթակները, դպրոցում շարունակվում են ներքին հարդարման աշխատանքները: Հավելենք, որ ս.թ. օգոստոսի 1-ի դրությամբ իրականացվել է շինարարության շուրջ 85%-ը և դպրոցի հիմնանորոգման աշխատանքների ավարտը նախատեսվում է առաջիկա ամիսներին: Ներկաները ԿԳՆ նախարարի հետ քննության առան շինարարության ժամկետների պահպանմանն առնչվող որոշ հարցեր: ՀՀ ԿԳ նախարարի հաջորդ կանգառը Մարտունու թիվ 1 հիմնական դպրոցն էր: Այցի նպատակը վերոնշյալ կրթօջախում միկրոծրագրի շրջանակներում ստեղծված նախակրթարանի գործունեությանը ծանոթանալն էր: ԿԳ նախարարին և հյուրերին ողջունեց նախակրթարանի տնօրեն Խանում Ղազարյանը: ԿԳ նախարարը դպրոցի տնօրենի ուղեկցությամբ շրջեց խմբասենյակներով, եղավ նաև նախակրթարանի բակում: Հիշեցնենք, որ նախակրթարանը ստեղծվել է 2017 թ.-ին «Կրթության բարելավում» ծրագրի շրջանակներում:
Ամփոփելով շրջայցի արդյունքները` ԿԳ նախարարը արձանագրել է, որ վերոնշյալ ուսումնական հաստատություներում մեծ ծավալի աշխատանք է կատարվել: ՀՀ ԿԳՆ նախարարը կարևորել է դպրոցներում իրականացված դրամաշնորհային ծրագրերի նշանակությունը` վստահեցնելով, որ այդ ծրագրերի իրականացման արդյունքում ստեղծված պայմանները նպաստում են ուսումնական գործընթացի արդյունավետությանը:
 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...