Նորություններ

Ամփոփվում են հինգ ավագ դպրոցների հիմնանորոգման աշխատանքները

24.08.2018

«Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գրիշա Բաղդասարյանը և համակարգող Ռաֆայել Արզումանյանը ավագ դպրոցների հիմնանորոգման ողջ ընթացքում իրականացվող այցերի շրջանակներում օգոստոսի առաջին տասնօրյակում իրականացրել են այցեր ՀՀ մարզեր` «Կրթության բարելավում» վարկային ծրագրով ընթացող շինարարական աշխատանքների որակի ու տեմպի տեխնիկական մոնիտորինգ իրականացնելու նպատակով: ԿԾԿ ԾԻԳ-ի ներկայացուցիչները եղան ՀՀ Արմավիրի մարզի Մեծամորի թիվ 2, ՀՀ Արարատի մարզի Արարատ քաղաքի թիվ 3, ՀՀ Կոտայքի մարզի Հրազդանի թիվ 1, ՀՀ Գեղարքունիքի մարզի Մարտունու Տ. Աբրահամյանի անվան և ՀՀ Տավուշի մարզի Նոյեմբերյանի թիվ 1 ավագ դպրոցներում, ծանոթացան հինգ տեղամասերի հիմնանորոգման ընթացիկ աշխատանքներին: Հավելենք,որ հանդիպումներին ներկա էին նաև կապալառու կազմակերպությունների ներկայացուցիչները և վերոնշյալ դպրոցների տնօրենները : Այցի շրջանակներում ներկայացուցիչներն շրջելով ինչպես շինհրապարակի ողջ տարածքում, այնպես էլ շենքի ներսում ուսումնասիրեցին կատարված շինարարության որակը: Ներկաներն արձանագրեցին, որ վերոնշյալ դպրոցներում իրականացվել են դպրոցների շենքերի կազմաքանդման, ինչպես նաև տանիքների կառուցման, պատուհանների տեղադրման, շենքերի հիմքերի ուժեղացման և ամրացման աշխատանքներ: Իրականացվել են նաև կաթսայատան կառուցման, ջեռուցման համակարգի մոնտաժման և տեղակայման, ինչպես նաև ջեռուցման կաթսաների տեղադրման աշխատանքներ: Հունիս- հուլիս ամեսներին իրականացվել են դպրոցների հարակից տարածքների բարեկարգման աշխատանքներ, խաղահրապարակների կառուցում, արտաքին և ներքին աստիճանների ու թեքահարթակների կառուցում:
Հավելենք, որ Մեծամորի թիվ 2, Արարատ քաղաքի թիվ 3, Հրազդանի թիվ 1 և Մարտունու Տ. Աբրահամյանի անվան դպրոցներում ավարտին են մոտենում ներքին հարդարման աշխատանքները, իսկ Նոյեմբերյանի թիվ 1 դպրոցում ամփոփվում են հարակից տարածքների բարեկարգման աշխատանքները: Ներկաները արձանագրեցին, որ վերոնշյալ դպրոցներում հիմնանորոգման գործընթացը ամփոփման փուլում է : Հավելենք, որ հուլիս-օգոստոս ամիսներին իրականացվել է շինարարության 93%-ը և հինգ դպրոցների հիմնանորոգման աշխատանքների ավարտը նախատեսվում է սույն թվականի սեպտեմբերին:
 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...