Նորություններ

ԵՊՀ նոր կենտրոն՝ ՆՄՀ դրամաշնորհով

27.02.2018


Փետրվարի 27-ին ԵՊՀ կենսաբանության ֆակուլտետում տեղի ունեցավ Մանրէաբանական կենսատեխնոլոգիաների և կենսավառելիքի նորարարական կենտրոնի պաշտոնական բացումը: <<Մանրէաբանական կենսատեխնոլոգիաների և կենսավառելիքի նորարարական կենտրոնը >> ստեղծվել է Համաշխարհային բանկի համաֆինանսավորմամբ, <<Կրթական ծրագրերի կենտրոն>> ԾԻԳ-ի <<Կրթության բարելավում>> վարկային ծրագրի Նորարարությունների մրցակցային հիմնադրամի (ՆՄՀ) շրջանակներում: Կենտրոնի բացման հանդիսավոր արարողությանը ներկա էին ՀՀ ԿԳ նախարար Լևոն Մկրտչյանը, <<Կրթական ծրագրերի կենտրոն>> ԾԻԳ-ի տնօրեն Գ. Հովհաննիսյանը, ԵՊՀ ռեկտոր Արամ Սիմոնյանը, պրոռեկտորներ, ԾԻԳ-ի ներկայացուցիչներ, պրոֆեսորադասախոսական կազմի ներկայացուցիչներ և ուսանողներ: Կենտրոնի ստեղծման պատմությունը սկսվել է 2015 թ.-ի դեկտեմբերից, երբ Նորարարությունների մրցակցային հիմնադրամի (ՆՄՀ) շրջանակում մեկնարկել էր «Մանրէաբանական կենսատեխնոլոգիաների և կենսավառելիքի նորարարական կենտրոն» դրամաշնորհային ծրագրի իրականացումը, «Կրթության բարելավում» ծրագրի շրջանակներում:
Կենտրոնի բացման արարողության սկզբում ԵՊՀ կենսաբանության ֆակուլտետի դեկան Էմիլ Գևորգյանն ուրախությամբ շեշտեց, որ ֆակուլտետում սա արդեն երկրորդ նորարարական կենտրոնն է՝ ՆՄՀ դրամաշնորհով. «Համոզված եմ, որ այս կենտրոնում երիտասարդ կադրերն իրենց քրտնաջան աշխատանքի արդյունքում ավելի էական արդյունքներ կգրանցեն, ինչն էլ կնպաստի մեր ֆակուլտետի գիտահետազոտական աշխատանքների զարգացմանը»,- հավելեց դեկանը:
ԵՊՀ ռեկտոր Արամ Սիմոնյանն իր խոսքում նշեց, որ այս կենտրոնի բացումը համալսարանի որդեգրած քաղաքականության շարունակականության արդյունքն է: Կենտրոնի ստեղծմամբ ապահովվում է դրամաշնորհային ծրագրի հիմնական նպատակի իրագործումը, այն է՝ բարելավել կրթական, գիտահետազոտական և նորարարական գաղափարները մանրէաբանության և կենսատեխնոլոգիայի ոլորտում, ինչպես նաև եվրոպական չափանիշներին համապատասխան մրցունակ կադրեր պատրաստել մանրաբանության և կենսատեխնոլոգիաների ոլորտներում:
ՀՀ ԿԳ նախարար Լևոն Մկրտչյանը նշեց, որ շատ կարևոր է նմանօրինակ ծրագրերի իրականացումը, որոնք ապահովում են նորարարական մտքի համար անհրաժեշտ զինանոցի առկայությունը Հայաստանում: Նա փաստեց. «Oրեր առաջ մենք ականատես եղանք նմանօրինակ նորարարական ծրագրի իրականացմանը նաև Հայաստանի ազգային պոլիտեխնիկական համալսարանում», ինչը փաստում է <<Կրթական ծրագրերի կենտրոն>> ԾԻԳ-ի և բարձրագույն ուսումնական հաստատությունների շարունակական համագործակցության մասին:
Դրամաշնորհային ծրագրի ղեկավարի, ԵՊՀ գիտական քաղաքականության և միջազգային համագործակցության գծով պրոռեկտոր Գեղամ Գևորգյանի խոսքով կենտրոնի առաքելությունը կրթության, գիտության և արտադրության միջև կամուրջներ ստեղծելն է: Նա փաստեց, որ «Մանրէաբանական կենսատեխնոլոգիաների և կենսավառելիքի նորարարական կենտրոն» դրամաշնորհային ծրագիրն իրականացավ գործընկերների շնորհիվ. «Մեր համատեղ աշխատանքի ու համագործակցության արդյունքում ստեղծվել է մի կենտրոն, որը պետք է ապահովի կրթության, գիտության և արտադրության կապը»:
Դրամաշնորհային ծրագրի համակարգող Կարեն Թռչունյանը նշեց, որ ՆՄՀ դրամաշնորհային ծրագրի իրականացման արդյունքում կենտրոնը զինվել է անհրաժեշտ գույքով և տեխնիկայով, գերժամանակակից նորագույն սարքավորումներով (անթթվածնային խցիկ, գերցածր ջերմաստիճանային տիրույթի սառնարան, փուլացայտերանգային մանրադիտակ, գազային և հեղուկ քրոմատագիրներ և այլն), ինչպես նաև կենսագործընթացների կառավարման համակարգով, որոնք եզակի են ողջ արևելյան Եվրոպայում:
«Կենտրոնն արդեն հյուրընկալել է մեծ թվով գիտնականների, կենտրոնի կողմից ներդրվել է երկու առարկայական ծրագիր, ինչպես նաև մշակվել է մագիստրոսական ծրագիր, որը կգործի նոր ուսումնական տարվանից»,- հավելեց դրամաշնորհային ծրագրի համակարգողը:
Բացման հանդիսավոր արարողությունից հետո, հյուրերը եղան նորաբաց <<Մանրէաբանական կենսատեխնոլոգիաների և կենսավառելիքի նորարարական կենտրոնում>>, շրջեցին լաբորատորիայում, ծանոթացան կենտրոնի աշխատանքներին:


 

Նորություններ

12.12.2018 Գինեգործական կրթության գիտաուսումնաարտադրական բազա ՆՄՀ դրամաշնորհով Դեկտեմբերին 12-ին Արմավիրի մարզի Ոսկեհատ համայնքի ուսումնափորձնական տնտեսությունում տեղի ունեցավ Հայաստանի ազգային ագրարային համալսարանի (ՀԱԱՀ) Գինեգործական կրթության գիտաուսումնաարտադրական բազայի պաշտոնական բացումը: Գինեգործական կրթության գիտաարտադրական բազան ստեղծվել է Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում: Գինեգործական կրթության... 23.11.2018 Նոր նախակրթարան Երևանի Ա. Նավասարդյանի անվան թիվ 196 դպրոցում   Նոյեմբերի 19-ին Երևանի Ա. Նավասարդյանի անվան թիվ 196 դպրոցում տեղի է ունեցել նախակրթարանի բացում, որը ստեղծվել է <<Կրթական ծրագրերի կենտրոն>> ԾԻԳ-ի և վերոնշյալ կրթական հաստատության միջև սույն թվականի մայիսի 17-ին կնքված դրամաշնորհային պայմանագրով: Նորաստեղծ նախակրթարանի պաշտոնական բացման արարողությանը ներկա էին ՀՀ ԿԳՆ հանրակրթության վարչության պետ Աշոտ Արշակյանը, Երևանի քաղաքապետարանի աշխատակազմի հանրակրթության վարչության պետ Աննա Ստեփանյանը, Դավթաշեն վարչական շրջանի... 20.11.2018 «Էօրնեկեան հանրակրթական դպրոցում» մեկնարկեցին հանրակրթական ուսումնական հաստատությունների ներկայացուցիչների ՏՀՏ վերապատրաստաման դասընթացները Նոյեմբերի 19-ից ՀՀ Արմավիրի մարզի Վաղարշապատ քաղաքի «Էօրնեկեան հանրակրթական դպրոցում» մեկնարկեցին հանրակրթական ուսումնական հաստատությունների ներկայացուցիչների ՏՀՏ վերապատրաստաման դասընթացները, որոնք իրականացվում են կանադական հեղինակավոր Ագենս Յունիվերսարի Դե Լա Ֆրանկոֆոն կազմակերպության կողմից վերապատրաստված և միջազգային հավաստագիր ստացած տեղական դասախոսների կողմից՝ նույն կազմակերպության կողմից մշակված յոթ մոդուլներով: Հիշեցնենք , որ հասցեական վերապատրաստումներն ընթանում են մի...