Նորություններ

ՀՀ Տավուշի մարզի 4 սահմանամերձ համայնքներում նախադպրոցական միկրոծրագրերն ամբողջապես իրականացվել են դրամաշնորհային միջոցներից

11.09.2017

 <<Կրթական ծրագրերի կենտրոն>> ԾԻԳ–ը <<Կրթության բարելավում>> վարկային ծրագրի շրջանակներում իրականացնում է <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ծրագիրը: Ծրագրի նպատակն է հանրապետության մարզերում ստեղծել քիչ ծախսատար նախադպրոցական ուսումնական հաստատություններ՝ նպաստելով երեխաներին տարրական դպրոցին նախապատրաստելուն` ապահովելով հավասար մեկնարկային հնարավորություններ, ինչպես նաև մեծացնել նախադպրոցական կրթության ծրագրերում երեխաների ընդգրկվածությունը` ներառելով սոցիալապես անապահով ընտանիքների երեխաներին: «Կրթության բարելավում» ծրագրի շրջանակներում իրականացվող աշխատանքների համատեքստում ըստ հանձնաժողովի կողմից հաստատված նախակրթարանների ստեղծման ժամանակացույցի 2016թ.-ին ՀՀ Տավուշի մարզի 6 համայքներում նույնպես իրականացվել են նման միկրոծրագրեր: Միկրոծրագրերը կյանքի են կոչվել և նախակրթարանները գործում են 2016թ.-ի նոյեմբերի մեկից: Նշենք, որ Տավուշի մարզի Ներքին Ծաղկավան, Վազաշեն, Ոսկեպար և Դովեղ համայնքները ընդգրկված են ՀՀ Կառավարության 28.12.2014թ.N1444-ն որոշմամբ հաստատված սոցիալական աջակցություն ստացող սահմանամերձ համայնքների ցանկում, ուստի տվյալ համայնքներում նախադպրոցական միկրոծրագրերն ամբողջապես իրականացվել են դրամաշնորհային միջոցներից` ի տարբերություն այլ միկրոծրագրերի, որտեղ պարտադիր է համայնքի ներդրումը:
   Հիշեցնենք, որ Ծրագրի մեկնարկը տրվել է 2016 թվականի հունիսի 30-ին, երբ «Կրթական ծրագրերի կենտրոն» ԾԻԳ-ի և Տավուշի մարզի 6 կրթական հաստատությունների միջև կնքվեցին դրամաշնորհային պայմանագրեր «Կրթության բարելավում» վարկային ծրագրի շրջանակներում: Դրամաշնորհային պայմանագրերի կնքմանը հաջորդել են վերանորոգման աշխատանքները, գույքի, սարքավորումների, ուսումնական և ուսուցողական նյութերի ձեռքբերումը: Մշակվել է անհրաժեշտ կրթական բովանդակություն` նախադպրոցական կրթությունը նորովի կազմակերպելու համար, ինչպես նաև կատարվել է դաստիարակների վերապատրաստում Կրթության ազգային ինստիտուտի կողմից: Ձեռք է բերվել անհրաժետ գրականություն, ուսումնական նյութեր, գրենական պարագաներ, ստեղծվել են խաղային անկյուններ, որոնք նպաստում են նախադպրոցական տարիքի երեխաների կարողությունների և հմտությունների զարգացմանը, գիտելիքների ու հմտությունների ձեռք բերմանը: Վերոնշյալ դպրոցների տնօրենները փաստում են, որ ստեղծված պայմանները բարձրացնում են ուսումնական գործընթացի արդյունավետությունը և որակը: Ծնողները նույնպես գոհ են և ոգևորված, <<Սա համայնքի ամենալուսավոր և ջերմ անկյունն է…>>, նշում են ծնողները, և հավելում` <<Երեխաները շփման կարիք ունեին, քանի որ համայնքներում մանկապարտեզ չկա>>: Տնօրենների խոսքով` նախակրթարանները սոցիալականացման հարց են լուծում, երեխաները կրթվում են, ծնողներն էլ ազատ ժամանակ են ունենում: Ծնողների բնորոշմամբ` երեխաները ավելի ինքնուրույն են դարձել, շփվող և պատրաստ են տարրական դպրոցին: ԾԻԳ-ի ներկայացուցչի խոսքով` սահմանամերձ համայնքների նախակրթարանները, իրականացնելով հայրենասիրական դաստիարակություն, գյուղապահպան նշանակություն ունեն և նպաստում են արտագաղթի կանխմանը:
  Այսպիսով`<<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ծրագրի շնորհիվ սահմանամերձ համայնքներում ստեղծվում են ամուր հիմքեր երեխաների անհատական և սոցիալական հմտությունների ձևավորման ու զարգացման համար:

 

Նորություններ

23.11.2020 Աշխատանքային այց Գյումրի քաղաքի վարժարան և Արթիկի թիվ 3 ավագ դպրոց Նոյեմբերի 19- ին և 20-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող Գյումրի քաղաքի վարժարանում և Արթիկի թիվ 3 ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գ.... 19.11.2020 Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի ներկայացուցիչներին Նոյեմբերի18-ին Համաշխարհային բանկի պատվիրակությունը հեռավար ձևաչափով հանդիպել է ԿԾԿ ԾԻԳ-ի հետ՝ «Կրթության բարելավում» վարկային ծրագրով ընթացող աշխատանքների միջնաժամկետ գնահատում իրականացնելու նպատակով: Հանդիպմանը ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ երևանյան գրասենյակի կրթության փորձագետ Անուշ Շահվերդյանը, ֆինանսականկառավարմանմասնագետ Լուսինե Գրիգորյանը բնապահպանության մասնագետ... 17.11.2020 Որակի ու տեմպի տեխնիկական մոնիտորինգ՝ մայրաքաղաքի հիմնանորոգվող ավագ դպրոցներում Նոյեմբերի 16-ին ‹‹Կրթական ծրագրերի կենտրոն›› ԾԻԳ-ի ներկայացուցիչները աշխատանքային այց են իրականացրել Խ. Աբովյանի անվան հայկական պետական մանկավարժական համալսարանի հենակետային վարժարան, Տ.Գ. Շևչենկոյի անվան թիվ 42 և թիվ 142 ավագ դպրոցներ: Հիշեցնենք, որ այս երեք ավագ դպրոցներներում ընթանում են հիմնանորոգման աշխատանքներ: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: Այցի շրջանակներում ‹‹Կրթական ծրագրերի...