Նորություններ

Նախադպրոցական միկրոծրագրեր ՀՀ Գեղարքունիքի մարզում

28.08.2017

   <<Կրթության բարելավում>> ծրագրի շրջանակներում շարունակվում է <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթածրագիրը:Հիշեցնենք, որ նախադպրոցական կրթության ընդլայնման անհրաժեշտությունից ելնելով՝ ՀՀ Գեղարքունիքի մարզի համայնքներում սույն թվականի հուլիսի 20-ից մեկնարկել են նախակրթարանների նոր միկրոծրագրերի իրականացումը: Նշենք, որ 2017 թվականի միկրոծրագրերի իրականացման ընթացքում խնայվել են ֆինանսական միջոցներ, որոնք այժմ օգտագործվում են ՀՀ Գեղարքունիքի մարզպետարանի դեկտեմբերի 22-ի N01/05/4993-16 գրության մեջ ներառված 13 համայնքների մի մասում նոր նախակրթարանների հիմնման նպատակով: Օգոստոսի երկրորդ տասնօրյակում «Կրթության բարելավում» ծրագրի շրջանակներում իրականացվող աշխատանքների համատեքստում աշխատանքային այցով ՀՀ Գեղարքունիքի մարզի Ակունք, Հայրավանք և Մարտունի համայնքներում էր ԿԾԿ ԾԻԳ-ի շինարար- խորհրդատու Վռամ Բոյաջյանը: Հավելենք, որ վերոնշյալ մարզի համայքների կրթական հաստատություններում ԿԾԿ ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ներկայացուցիչները մայիսի 24-ին իրականացրել էին խթանման աշխատանքներ: Ապա խթանաման աշխատանքներին հաջորդել էր վերոնշյալ համայնքների կրթական հաստատությունների կողմից միկրոծրագրերի իրականացման հայտի ներկայացման, գնահատման, հաստատման գործընթացը և այժմ մարզի 3 համայնքներում ընթացքում է միկրոծրագրերի իրականացման առաջին փուլը: ԿԾԿ ԾԻԳ-ի շինարար խորհրդատու Վռամ Բոյաջյանը աշխատանքային այցի շրջանակներում արձանագրեց, որ վերոնշյալ համայնքների թվով 3 կրթական հաստատություններում իրականացվել են չափագրման աշխատանքները և ընթացքում է գնումների գործընթացը: Հավելենք, որ միկրոծրագրերի իրականացման առաւջին փուլի ավարտը նախատեսվում է սույն թվականի հոկտեմբերին, երբ կամփոփվեն նախակրթարանների համար նախատեսված տարածքների վերանորոգման աշխատանքները : ԾԻԳ-ի շինարար-խորհրդատուն փաստեց, որ այցը նպաստեց նախադպրոցական միկրոծրագրերի իրականացման գործընթացը առավել համակարգված և գրագետ կազմակերպելուն:

 


 

Նորություններ

22.05.2020 Հանրակրթական ուսումնական հաստատությունների ներկայացուցիչների վերապատրաստումները շարունակվում են Նոր կորոնավիրուսի համավարակի պայմաններում աշխարհն արտառոց իրավիճակում է հայտնվել։ Ստեղծված իրադրությունը մեծ մարտահրավեր է կրթական համակարգի համար։ Երկրում հայտարարված արտակարգ դրության պայմաններում կրթական հաստատությունները ստիպված են առցանց սկզբունքով ուսուցում իրականացնել՝ ապահովելու աշակերտների կրթության անընդհատությունը։ Ուսուցման առցանց իրականացումը ենթադրում է նոր մոտեցումներ և ՏՀՏ նոր գործիքներ: Կրթական ծրագրերի կենտրոնը հաշվի առնելով ստեղծված իրավիճակի մարտահրավերները շարունակում է... 22.05.2020 Ավագ դպրոցները համալրվեցին <<Աշխարհագրություն>> առարկայի համար անհրաժեշտ լաբորատոր սարքավորումներով 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները ստեղծվում են Համաշխարհային բանկի համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի կողմից իրականացվող ‹‹Կրթության բարելավում›› վարկային ծրագրի «Աջակցություն միջնակարգ դպրոցի... 15.05.2020 Դրամաշնորհային պայմանագրերի կնքում՝ նախակրթարանների հիմնման նպատակով «Կրթության բարելավում» վարկային ծրագրի շրջանակներում շարունակվում է դրամաշնորհների տրամադրում նախակրթարանների հիմնման նպատակով: Ծրագիրը նպատակաուղղված է նախադպրոցական կրթության ոլորտում երեխաների ընդգրկվածության աճի խթանմանը, երեխաներին տարրական դպրոցին նախապատրաստմանը: Մայիսի 15-ին ՀՀ կրթության, գիտության, մշակույթի և սպորտի նախարարության Կրթական ծրագրերի կենտրոն ԾԻԳ-ում տեղի ունեցավ հանդիպում Գեղարքունիքի, Արմավիրի,Արարատի, Արագածոտնի Սյունիքի, մարզերի 21 կրթական...