Նորություններ

Նախադպրոցական միկրոծրագրերի մշտադիտարկում ՀՀ Արարատի և ՀՀ Արագածոտնի մարզերում

24.08.2017

<<Կրթության բարելավում>> ծրագրի շրջանակներում շարունակվում է <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթածրագիրը: Օգոստոսի երկրորդ տասնօրյակում «Կրթության բարելավում» ծրագրի շրջանակներում իրականացվող աշխատանքների համատեքստում աշխատանքային այցով ՀՀ Արարատի և ՀՀ Արագածոտն մարզերի համայնքներում էր ԿԾԿ ԾԻԳ-ի շինարար- խորհրդատու Վռամ Բոյաջյանը: Աշխատանքային այցի նպատակը վերոնշյալ մարզի համայքներում իրականացվող միկրոծրագրերի մշտադիտարկումն էր : Հավելենք, որ ՀՀ Արարատի մարզի 9 և ՀՀ Արագածոտն մարզի 8 համայնքների կրթական հաստատություններում օգոստոսի 31-ին ավարտվում է իրականացվող միկրոծրագրերի առաջին փուլը: Հիշեցնենք, որ միկրոծրագրերի իրականացման մեկնարկը տրվել է սույն թվականի մայիսի 29-ին, երբ «Կրթական ծրագրերի կենտրոն» ԾԻԳ-ի և վերոնշյալ մարզերի կրթական հաստատությունների միջև կնքվեցին դրամաշնորհային պայմանագրեր «Կրթության բարելավում» վարկային ծրագրի շրջանակներում:Դրամաշնորհային պայմանագրերի կնքմանը հաջորդեցին վերանորոգման աշխատանքները:Հավելենք, որ վերոնշյալ միկրոծրագրերն իրականացվում են դրամաշնորհային ծրագրով սահմանված փուլերի համաձայն: Աշխատանքային այցի շրջանակներում կատարված մշտադիտարկման արդյունքում ԿԾԿ ԾԻԳ-ի շինարար խորհրդատու Վռամ Բոյաջյանը արձնագրեց , որ արդեն ավարտին են հասցվել շենքային պայմանների և տարածքի վերանորոգման, պատուհանների տեղադրման աշխատանքները: Իրականացվել են նախակրթարանների համար նախատեսված տարածքներում էլեկտրամոնտաժային աշխատանքները: Անհրաժեշտ կրթական բովանդակությունն արդեն մշակված է, ինչպես նաև ամփոփվում է դաստիարակների վերապատրաստումը Կրթության Ազգային ինստիտուտի կողմից: Հաջորդ փուլերի ընթացքում նախատեսվում է անհրաժետ գրականության, ուսումնական նյութերի, գրենական պարագաների ձեռքբերումը, ու խաղային անկյունների ստեղծումը: Հավելենք՝ այցի շրջանակներում շեշտադրվեց, որ միկրոծրագրերի իրականացման նպատակն է ստեղծել հիմքեր ու բարենպաստ պայմաններ երեխայի ֆիզիկական, հոգեբանական և մտավոր զարգացման համար: Մշտադիտարկման ընթացքում քննարկվեցին շինարարական աշխատանքների հետ կապված առկա մի շարք խնդիրներ և դրանց լուծման որոշակի առաջարկներ: Հիշեցնենք, որ <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթածրագիրը նպատակաուղղված է նախադպրոցական տարիքի երեխաների կարողությունների և հմտությունների զարգացմանը նպաստելուն, որն իրականացվում է այլընտրանքային և քիչ ծախսատար կրթական ծառայությունների ներդրման միջոցով:

 

 


 

Նորություններ

22.05.2020 Հանրակրթական ուսումնական հաստատությունների ներկայացուցիչների վերապատրաստումները շարունակվում են Նոր կորոնավիրուսի համավարակի պայմաններում աշխարհն արտառոց իրավիճակում է հայտնվել։ Ստեղծված իրադրությունը մեծ մարտահրավեր է կրթական համակարգի համար։ Երկրում հայտարարված արտակարգ դրության պայմաններում կրթական հաստատությունները ստիպված են առցանց սկզբունքով ուսուցում իրականացնել՝ ապահովելու աշակերտների կրթության անընդհատությունը։ Ուսուցման առցանց իրականացումը ենթադրում է նոր մոտեցումներ և ՏՀՏ նոր գործիքներ: Կրթական ծրագրերի կենտրոնը հաշվի առնելով ստեղծված իրավիճակի մարտահրավերները շարունակում է... 22.05.2020 Ավագ դպրոցները համալրվեցին <<Աշխարհագրություն>> առարկայի համար անհրաժեշտ լաբորատոր սարքավորումներով 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները ստեղծվում են Համաշխարհային բանկի համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի կողմից իրականացվող ‹‹Կրթության բարելավում›› վարկային ծրագրի «Աջակցություն միջնակարգ դպրոցի... 15.05.2020 Դրամաշնորհային պայմանագրերի կնքում՝ նախակրթարանների հիմնման նպատակով «Կրթության բարելավում» վարկային ծրագրի շրջանակներում շարունակվում է դրամաշնորհների տրամադրում նախակրթարանների հիմնման նպատակով: Ծրագիրը նպատակաուղղված է նախադպրոցական կրթության ոլորտում երեխաների ընդգրկվածության աճի խթանմանը, երեխաներին տարրական դպրոցին նախապատրաստմանը: Մայիսի 15-ին ՀՀ կրթության, գիտության, մշակույթի և սպորտի նախարարության Կրթական ծրագրերի կենտրոն ԾԻԳ-ում տեղի ունեցավ հանդիպում Գեղարքունիքի, Արմավիրի,Արարատի, Արագածոտնի Սյունիքի, մարզերի 21 կրթական...