Նորություններ

Նախադպրոցական միկրոծրագրեր՝ ՀՀ Արարատի և Արագածոտնի մարզերում

13.02.2017

Փետրվարի 8-ին և 10-ին «Կրթության բարելավում» ծրագրի շրջանակներում իրականացվող աշխատանքների համատեքստում երկօրյա աշխատանքային այցով ՀՀ Արագածոտնի և Արարատի մարզերում էին ԿԾԿ ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ներկայացուցիչները: Աշխատանքային այցի նպատակը վերոնշյալ երկու մարզերի համայքներում խթանման աշխատանքների իրականացումն էր: Այցի շրջանակներում փետրվարի 8-ին տեղի ունեցավ աշխատանքային հանդիպում ՀՀ Արագածոտնի մարզի մարզպետ Գ. Գյոզալյանի և Կրթության, մշակույթի և սպորտի վարչության, կրթության բաժնի պետ Մ. Աբգարյանի մասնակցությամբ: Հանդիպմանը մասնակցում էին նաև կրթական հաստատությունների տնօրեններ, մարզպետարանի կրթության բաժնի համապատասխան աշխատակիցներ և այլ շահագրգիռ անձիք: Հանդիպման ընթացքում «Դպրոցին՝ երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ղեկավար Ա. Խաչատրյանը ներկայացրեց նախադպրոցական կրթության բարեփոխումներին ուղղված միկրոծարգրերի մրցույթին մասնակցելու պայմանների և միկրոծրագրի ներկայացման հայտի համապատասխան ձևերի մասին ընդհանուր տեղեկություններ: Հանդիպման ընթացքում Ա. Խաչատրյանը պարզաբանեց նախադպրոցական կրթության միկրոծրագրերի բնույթն ու իրականացման փուլերը, մասնավորապես անդրադառնալով միկրոծրագրի կազմակերպման գործընթացին:
Փետրվարի 10-ին ԾԻԳ-ի ներկայացուչիչները ՀՀ Արարատի մարզում էին, որտեղ Արարատի փոխմարզպետ Ի. Շադյանը և կրթության բաժնի պետ Ա. Մկրտչյանը, <<Կրթական ծրագրերի կենտրոն>> ԾԻԳ-ի շինարար-խորհրդատու Վ. Բոյաջյանի և «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ղեկավար Ա. Խաչատրյանի հետ համատեղ քննարկեցին մարզում նախատեսվող միկրոծրագրերի իրականացման հետ կապված որոշ հարցեր: Անդրադարձ անելով դրամաշնորհային հայտի ներկայացման բոլոր կողմերին՝ ԾԻԳ-ի ներկայացուցիչը մանրամասն ներկայացրեց և պարզաբանեց հայտում լրացման ենթակա բոլոր ձևաչափերի կազմման առանձնահատկությունները: Շեշտադրվեց, որ միկրոծրագրերի իրականացման նպատակն է ստեղծել հիմքեր ու բարենպաստ պայմաններ երեխայի ֆիզիկական, հոգեբանական և մտավոր զարգացման համար: Հանդիպումների ընթացքում ծավալվեցին քննարկումներ, հարցերին տրվեցին սպառիչ պատասխաններ: Նշենք, որ խթանաման աշխատանքներին հաջորդելու է վերոնշյալ համայնքների կրթական հաստատությունների կողմից միկրոծրագրերի իրականացման հայտի ներկայացման, գնահատման, հաստատման և միկրոծրագրերի իրականացման փուլերը: Ներկաները փաստեցին, որ հանդիպումը նպաստեց ոչ միայն դրամաշնորհային հայտերի մշակման ու ներկայացման պահանջների հստակեցմանը, այլև առաջիկայում նախադպրոցական միկրոծրագրերի իրականացման գործընթացը առավել համակարգված և գրագետ կազմակերպելուն:

 

 

Նորություններ

17.09.2019 Կրթական տեխնոլոգիաների ազգային կենտրոնի աշխատակազմը կվերսկսի իր աշխատանքը նոր գրասենյակներում <<Կրթության բարելավում>> ծրագրի շրջանակներում 2018թ.-ի ապրիլից մեկնարկել են <<Կրթական տեխնոլոգիաների ազգային կենտրոնի>> (ԿՏԱԿ) ՊՈԱԿ-ի նոր տարածքի հիմնանորոգման աշխատանքները:«Կրթական տեխնոլոգիաների ազգային կենտրոն»-ի աշխատակազմը շատ շուտով կվերսկսի իր աշխատանքը նոր գրասենյակներում: Համաշխարհային բանկի համաֆինանսավորմամբ <<Կրթության բարելավում>> ծրագրի շրջանակներում սեյսմակայուն հիմնանորոգման է ենթարկվել և կահավորման փուլում է նաև կրթական այս... 13.09.2019 Հանրակրթության վերանայված չափորոշիչները փորձնական կներդրվեն 2020-ին ՀՀ կրթության,գիտության, մշակույթի եւ սպորտի (ԿԳՄՍ) նախարարությունը սկսել է հանրակրթության պետական եւ առարկայական չափորոշիչների վերանայման գործընթացը։2020 թվականի սեպտեմբերին փոփոխված չափորոշիչները փորձնական կներդրվեն մարզերից մեկում։Հանրակրթության պետական եւ առարկայական չափորոշիչների վերանայման ծրագիրն իրականացնում են տեղի եւ միջազգային փորձագետները։ Մշակված փաստաթղթերը սահմանելու են առարկայացանկը, գնահատման համակարգը, դասավանդման մեթոդները, հենքային ուսումնական պլանը, կարողունակությունները,... 06.09.2019 Նոր նախակրթարան ՀՀ Շիրակի մարզում Սեպտեմբերի 1-ին Շիրակի մարզի Գյումրի քաղաքի թիվ 45 միջնակարգ դպրոցում տեղի է ունեցել նախակրթարանի բացում, որը ստեղծվել է <<Կրթական ծրագրերի կենտրոն>> ԾԻԳ-ի և վերոնշյալ կրթական հաստատության միջև սույն թվականի մայիսի 17-ին կնքված դրամաշնորհային պայմանագրով: Նախակրթարանի բացմանը ներկա էին ՀՀ Շիրակի մարզի մարզպետ Տիգրան Պետրոսյան, Աժ պատգամավոր Սոֆյա Հովսեփյանը և կրթական ոլորտը ներկայացնող մեծ թվով հյուրեր, ուսուցիչներ, ծնողներ: ՀՀ Շիրակի մարզի կրթօջախում միջոցառման մասնակիցներին...