Նորություններ

Դրամաշնորհային պայմանագրերի կնքում՝ ՆՄՀ հավելյալ շրջափուլի շրջանակներում

26.12.2016

      Դեկտեմբերի 23-ին Նորարարությունների մրցակցային հիմնադրամի (ՆՄՀ) շրջանակներում ԿԳՆ «Կրթական ծրագրերի կենտրոն» ԾԻԳ-ի` և ՀՀ վեց բուհերի միջև կնքվեցին դրամաշնորհային պայմանագրեր: Հիշեցնենք, որ սույն թվականի հուլիսի 25-ին մեկնարկել է Նորարարությունների մրցակցային հիմնադրամի հավելյալ շրջափուլը և դրամաշնորհային հայտերի ներկայացման վերջնաժամկետ է սահմանվել ս.թ. հոկտեմբերի 25-ը: Ըստ այդմ, հավելյալ փուլով դրամաշնորհային մրցույթին մասնակցության հնարավորություն էին ստացել այն բուհերը, որոնք ունեն ինստիտուցիոնալ կամ պայմանական ինստիուցիոնալ հավատարմագրում և մինչ այդ հանդես չեն եկել իբրև ՆՄՀ դրամաշնորհառու իրականացված փորձնական կամ առաջին փուլերի ընթացքում: Հիշեցնենք նաև, որ շահառու բուհերի դրամաշնորհային հայտերի մշակման ու ներկայացման պահանջների հստակեցման և դրամաշնորհային ծրագրի իրականացման գործընթացը առավել համակարգված և գրագետ կազմակերպելու նպատակով սեպտեմբերի 27-28-ին, «Կրթական ծրագրերի կենտրոն» ԾԻԳ-ի կողմից կազմակերպվեց և իրականացվեց երկօրյա աշխատաժողով: Հավելենք, որ սահմանված վերջնաժամկետում ներկայացվել է ինը հայտ ութ բուհի կողմից: «Կրթական ծրագրերի կենտրոն» ԾԻԳ-ի կողմից իրականացվել է դրանց ամբողջականության և իրավասության ստուգում, ապա գնահատող փորձագետների կողմից՝ հայտերի գնահատում: Գնահատման արդյունքներով ՆՄՀ համակարգող խորհուրդը դեկտեմբերի 15-ի նիստում որոշում է կայացրել դրամաշնորհ տրամադրել ամենաբարձրը գնահատված առաջին վեց բուհերին, որոնք են՝ Ֆիզիկական կուլտուրայի և սպորտի Հայկական պետական ինստիտուտը, Շիրակի պետական համալսարանը, Խ. Աբովյանի անվան Հայկական պետական մանկավարժական համալսարանը, Երևանի պետական կոնսերվատորիան, Գլաձոր համալսարանը, Հյուսիսային համալսարանը: Արդյունքում՝ վերոնշյալ բուհերի և ԿԾԿ ԾԻԳ-ի միջև իրականացվեց պայմանագրերի կնքում, որին հաջորդելու է դրամաշնորհային ծրագրերի իրականացման գործընթացը: Հավելենք, որ ՆՄՀ-ը փորձնական փուլով՝ 2013 թվականին, դրամաշնորհներ են տրամադրվել 10 բուհերի, իսկ առաջին շրջափուլով շուրջ մեկ տարի ընթացքում է 6 դրամաշնորհային պայմանագրերի իրականացումը՝ 5 կոնսորցիում և մեկ առանձին բուհի ծրագրերի շրջանակներում: 

Նորություններ

17.09.2019 Կրթական տեխնոլոգիաների ազգային կենտրոնի աշխատակազմը կվերսկսի իր աշխատանքը նոր գրասենյակներում <<Կրթության բարելավում>> ծրագրի շրջանակներում 2018թ.-ի ապրիլից մեկնարկել են <<Կրթական տեխնոլոգիաների ազգային կենտրոնի>> (ԿՏԱԿ) ՊՈԱԿ-ի նոր տարածքի հիմնանորոգման աշխատանքները:«Կրթական տեխնոլոգիաների ազգային կենտրոն»-ի աշխատակազմը շատ շուտով կվերսկսի իր աշխատանքը նոր գրասենյակներում: Համաշխարհային բանկի համաֆինանսավորմամբ <<Կրթության բարելավում>> ծրագրի շրջանակներում սեյսմակայուն հիմնանորոգման է ենթարկվել և կահավորման փուլում է նաև կրթական այս... 13.09.2019 Հանրակրթության վերանայված չափորոշիչները փորձնական կներդրվեն 2020-ին ՀՀ կրթության,գիտության, մշակույթի եւ սպորտի (ԿԳՄՍ) նախարարությունը սկսել է հանրակրթության պետական եւ առարկայական չափորոշիչների վերանայման գործընթացը։2020 թվականի սեպտեմբերին փոփոխված չափորոշիչները փորձնական կներդրվեն մարզերից մեկում։Հանրակրթության պետական եւ առարկայական չափորոշիչների վերանայման ծրագիրն իրականացնում են տեղի եւ միջազգային փորձագետները։ Մշակված փաստաթղթերը սահմանելու են առարկայացանկը, գնահատման համակարգը, դասավանդման մեթոդները, հենքային ուսումնական պլանը, կարողունակությունները,... 06.09.2019 Նոր նախակրթարան ՀՀ Շիրակի մարզում Սեպտեմբերի 1-ին Շիրակի մարզի Գյումրի քաղաքի թիվ 45 միջնակարգ դպրոցում տեղի է ունեցել նախակրթարանի բացում, որը ստեղծվել է <<Կրթական ծրագրերի կենտրոն>> ԾԻԳ-ի և վերոնշյալ կրթական հաստատության միջև սույն թվականի մայիսի 17-ին կնքված դրամաշնորհային պայմանագրով: Նախակրթարանի բացմանը ներկա էին ՀՀ Շիրակի մարզի մարզպետ Տիգրան Պետրոսյան, Աժ պատգամավոր Սոֆյա Հովսեփյանը և կրթական ոլորտը ներկայացնող մեծ թվով հյուրեր, ուսուցիչներ, ծնողներ: ՀՀ Շիրակի մարզի կրթօջախում միջոցառման մասնակիցներին...