Հայտարարություններ

ՀՀ ԿԳՄՍՆ <<Կրթական ծրագրերի կենտրոն>> ԾԻԳ ՊՀ <<Կրթության բարելավում>> ծրագրի շրջանակներում <<Ֆիզիկական կրթություն և անվտանգ կենսագործունեություն>> ուսումնական ոլորտի <<Նախնական զինվորական պատրաստություն>> առարկայի հանրակրթական առարկայական չափորոշիչների և ծրագրերի վերանայման նպատակով անհատ խորհրդատուի ընտրություն

29.06.2020

<<Կրթական ծրագրերի կենտրոն>> ԾԻԳ-ը <<Կրթության բարելավում>> ծրագրի շրջանակներում <<Ֆիզիկական կրթություն և անվտանգ կենսագործունեություն>> ուսումնական ոլորտի հանրակրթական առարկայական չափորոշիչների և ծրագրերի վերանայման նպատակով հայտարարում է խորհրդատուի ընտրության մրցույթ: Ընտրված խորհրդատուն կաշխատի և կհամագործակցի համապատասխան աշխատանքային խմբում` <<Նախնական զինվորական պատրաստություն>> առարկայի ուղղությամբ:
Խորհրդատուի աշխատանքային շրջանակը կներառի հետևյալ աշխատանքները.

1. Ուսումնասիրել`
• Կրթության մասին ՀՀ օրենսդրությունը, հանրակրթության պետական չափորոշիչը (ՀՀ կառավարության 8 ապրիլի 2010 թվականի N439-Ն որոշում), ՀՀ որակավորումների ազգային շրջանակը (7 հուլիսի 2016 թվականի N 714 – Ն ՀՀ կառավարության որոշում), հանրակրթության (1-12 դասարաններ) առարկայական չափորոշիչները և ծրագրերը, ներառյալ 10-12-րդ դասարաններում հոսքային ուսուցման ծրագրերը,
• Հանրակրթության պետական չափորոշչի, առարկայական չափորոշիչների և ծրագրերի վերանայման կարիքների գնահատման հետազոտության հաշվետվությունը,
• Ազգային կրթակարգի նախագիծը,
• ՀՀ կրթության և գիտության նախարարության կողմից մշակված հայեցակարգային փաստաթղթերը,
• Հանրակրթության որակի վերաբերյալ այլ հաշվետվությունները
2. Մշակել առարկայական չափորոշիչներին և ծրագրերին համապատասխան վերապատրաստման մոդուլները` համապատասխան տեխնիկական աջակցություն ստանալուց հետո:
3. Իրականացնել փորձարկող դպրոցների ուսուցիչների վերապատրաստում:
4. Իրականացնել մոնիտորինգի այցեր (նաև աեցանց) փորձարկող դպրոցներում և ներկայացնել հաշվետվություններ:
5. Կազմակերպել հանդիպումներ (նաև առցանց) փորձարկող դպրոցների ուսուցիչների հետ:
6. Իրականացնել վերապատրաստողների վերապատրաստում` ներկայացնելու առարկայական չափորոշիչները և ծրագրերը դպրոցներում:
7. Իրականացնել տեղեկատվական սեմինարներ դասագրքեր մշակողների համար:

Նկարագրված աշխատանքները նախատեսվում է իրականացնել 2020թ. հուլիսից մինչև 2021թ. առաջին կիսամյակ ընկած ժամանակահատվածում:

Դիմող թեկնածուները պետք է բավարարեն փորձի և որակավորման հետևյալ պայմաններին.

• Թեկնածուի ընդհանուր որակավորումը.
- բարձրագույն կրթություն համապատասխան ոլորտում
- գիտամանկավարժական հետազոտությունների իրականացման փորձ
• Թեկնածուի ընդհանուր փորձը
- առնվազն հինգ տարվա մասնագիտական աշխատանքային փորձ:
- դպրոցում դասավանդման ներկա փորձ կամ վերջերս իրականացված դասավանդման փորձ:

• Թեկնածուի հատուկ փորձը
- Կրթական ծրագրերի մշակման/իրականացման փորձ
- ՏՀՏ գործիքներ կիրառելու փորձ և կրթության ոլորտի, մասնավորապես ուսումնական ծրագրերի բարեփոխումներին ուղղված միջազգային փորձի և ժամանակակից միտումների լավ իմացություն:
- Կրթական չափորոշիչների, ծրագրերի և/կամ թեստերի մշակման ուղղությամբ նախկին փորձառությունը կդիտվի որպես առավելություն

Թեկնածուների գնահատումը կիրականացվի հետևյալ կերպ.
- ընդհանուր որակավորումը– 30 միավոր
- ընդհանուր փորձը - 30 միավոր
- հատուկ փորձը - 40 միավոր

Դիմող թեկնածուները դիմումին կից պետք է ներկայացնեն հետևյալ փաստաթղթերը.
• ինքնակենսագրական տվյալները (CV), որը պետք է պարունակի դիմողի վերաբերյալ հետևյալ տեղեկությունը` անուն, ազգանուն, ծննդյան թիվ, կրթություն, մասնագիտացում, աշխատանքային փորձ:
• Կրթությունը հիմնավորող փաստաթղթեր:
Համապատասխան փորձ ունեցող մասնագետները կարող են դիմել աշխատանքային օրերին <<Կրթական ծրագրերի կենտրոն>> ԾԻԳ` ք. Երևան, Ս. Վրացյան փող. 73 հասցեով, կամ էլ. փոստով (info@cfep.am) մինչև 2020թ.-ի հուլիսի 6-ը , ժամը 17:00-ն:
Լրացուցիչ տեղեկությունների համար խնդրում ենք դիմել վերոնշյալ հասցեով կամ 57-56-90 (24) հեռախոսահամարով:
 

Նորություններ

14.09.2020 ՀՀ ԿԳՄՍ նախարարի այցը Արթիկի թիվ 3 ավագ դպրոց ՀՀ ԿԳՄՍ նախարար Արայիկ Հարությունյանը մարզային այցերի համատեքստում սեպտեմբերի 13-ին շրջայց իրականացրեց Արթիկի թիվ 3 ավագ դպրոցում: Հիշեցնենք , որ վերոնշյալ ավագ դպրոցը պետական բյուջեի և Համաշխարհային բանկի ֆինանսավորմամբ վերակառուցվող և հիմնանորոգվող 8 ավագ դպրոցներից մեկն է : Նշենք, որ մայրաքաղաքում և ՀՀ մարզերում գործող 8 ավագ դպրոցներում էլ ընթացքում են հիմնանորոգման աշխատանքները:Հավելենք, որ հիմնանորոգման աշխատանքները իրականացվում են համաձայն սեյսմիկ անվտանգության չափանիշների:... 14.09.2020 ՀՀ ԿԳՄՍ նախարարի այցը ՀՀ Արարատի մարզ ՀՀ ԿԳՄՍ նախարար Արայիկ Հարությունյանը նոր ուսումնական տարվան ընդառաջ մարզային այցերի համատեքստում շրջայց իրականացրեց ՀՀ Արարատի մարզի թիվ 4 հիմնական դպրոցում որտեղ Համաշխարհային բանկի համաֆինանսավորմամբ «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում ստեղծված նախակրթարանը այսօր իր դռները բացեց 30 սաների առաջ: Հավելենք , որ վերոնշյալ դպրոցը 21 կրթօջախներից մեկն է, որտեղ այս տարի իրականացվում են նախադպրոցական միկրոծրագրեր:... 14.09.2020 ՀՀ ԿԳՄՍ նախարարի այցը ՀՀ Արագածոտնի մարզ ՀՀ կրթության, գիտության, մշակույթի և սպորտի նախարար Արայիկ Հարությունյանը սեպտեմբերի 14-ին` ուսումնական տարվա մեկնարկին այցելել է Արագածոտնի մարզի Գեղարոտ և Գեղադիր համայնքների միջնակարգ դպրոցներ, որոնցում այս տարի բացվել են նոր նախակրթարաններ: Նախարարի առաջին կանգառը Գեղարոտ համայնքն էր: Այս ուսումնական տարվա մեկնարկը , չնայած լի էր դժվարություններով , բայց գեղարոտցիների համար կրկնակի տոնական էր: Առաջին անգամ Գեղարոտի միջնակարգ դպրոցի նախակրթարանը իր դռներ է բացել սիրելի սաների առաջ:...